2 Korɛntɛ̀n anmàn-bɔ̀ 3:12 - Ɛmɛẅi ankà ankrànkràn 2003

¹² Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn.

2 Korɛntɛ̀n anmàn-bɔ̀ 3:12 Iomraidhean Croise

Zhan 10:24

Zhüifɛ̀n-bɔ̀ borɛ y'edomɛ̀n ɛkru n'ɛtɛsɛ̀n, zɛtɛn kɛ dɔ́ nɛ̀n le: “Ɛnvra ɛbɛ de ɛ lɛ hán bɔ̀ bɔ́ dú ankà-tro anhyrɛ̀ ẅɛn mɛ̀n nɛ́n? Ke dú kɛ è dù Ebɩ̀die-wrɔn hô, ɛ̀ dɔ́ bɔ̀ kpétémɛ̀n bɔ̀ nyrì.”

Zhan 16:25

“Mɛ̀n dɔ́ nyɛ̀n ankà ndɔ hɔ̀n lɔ fɛn nyandrɛn mɛ̀n. Ɛnvra kɛ lɛ và kɩ mɛ́n sɩ̀ vru dɔ́ nyɛ̀n ankà nyandrɛn mɛ̀n, tɛ́n hɩ vra lɔ, mɛ lɛ dɔ́ nyɛ̀n kpete mɛ̀n Dade ankà.

Zhan 16:29

Zɛtɛn n'ɛsɛ̀nkɛn-bɔ̀ kɛ dɔ́ nɛ̀n le: “Nyàn, zɛtɛ̀ lɔ ɛ dɔ́ ankà kpetemɛ̀n, e sɩ́ vru dɔ́ ankà nyandrɛn hàn.

Ɔkɔ̀hɔ̀n-wá-bɔ̀ kɔ̀hɔ̀n hán 14:3

Ɔmu tɛ̀kɩ Pɔlɛ̀n mán Barnabasɛ̀n yɛ́ Ikoniɔmɛ̀n anmàn ɛnvra sheshe. Yɔ dɔ́ ankà ankaẅìbùtan mɛ̀n mán Ɛẅɛnwrɔn sɛ́ mɛ̀n. Ɛẅɛnwrɔn kɛ tán yɔ ɛkɔrɛ-srɔn ô yɔ hán anvɛmɛ̀n-frɛ́n-ci mán eci-woroan-ci, ô kè yé tán le ankà léyi yɔ dɔ́ Ɔwɔ boafɔ̀n mɛ̀n nɔn dú annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 4:13

Ankà-dɔ̀-trɔ-bɔ̀ dú anvɛmɛ̀n-frɛ́n mɛ̀n, ɔmuhi yɔ kán Piɛrɛ̀n mán Zhan, ankà-dɔ̀ ke wole anmùan mɛ̀n, kɩ yɔ nyri ɔmu le, yɔ dú anwrɔn kora hɔ̀n, kɩ owrú mán yɔ sɩ̀ kàn. Yɔ nyri ɔmu le Zhezü sɛnkɛ̀n-bɔ̀ dú yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 9:27

Zɛtɛn Barnabasɛ̀n bɩ́ nɛ̀n, yi mɛhi, kɩ sɩ́ nɛ̀n ɔkɔ̀hɔ̀n-wá-bɔ̀ tɛ̀sɛ̀n. Nɛ dɔ́ yɔ ɔmu le Sɔlɛ̀n kán Ɛẅɛnwrɔn n'ɛnlevri sùnan mɛ̀n mán ɔmu le Ɛẅɛnwrɔn dɔ́ Sɔlɛ̀n ankà nɔn. Nɛ̀n vru nɛ dɔ́ yɔ ɔmu le, ankaẅì-bùtan mɛ̀n mán ɛsɛ́ mɛ̀n, Sɔlɛ̀n dɔ́ Ɔwɔ ankà Zhezü bɩmɛ̀n Damasɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:29

Nɛ́n mán Zhuifɛ̀n-bɔ̀ léyi kɛ vra grɛkɛ̀n nɔn, yɔ dɔ́ ankà kɩ yɔ wrɔ́n ecüì; tɛ́n yɔ tɛn yɔ ji nɛ̀n owri yri.

1 Korɛntɛ̀n anmàn-bɔ̀ 14:19

Tɛ́n, Ɔwɔ-fɛcüè zìwú, mɛ cüɛn ɔmu le mɛ̀n dɔ́ ankà-yá-ankà ɛnrì, ô mɛ̀n yé anwrɔn ndɔ hɔ̀n ankà, zrɔ vrán ankà bobrebe léyi mɛ lɛ dɔ́ ɛnbrɛ̀ nyàntɛn hɔ̀n mɛ̀n nɔn.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 3:11

Annanwɔrɛ mɛ̀n lɔ, ke dú kɛ eci léyi dú eburi mán eburiemɛ̀n, dú eci-zrɔ mɛ̀n, andɛ̀n ɛbɛ de eci léyi dú ɛnvra lɔ fɛn nɔn ke sɩ̀ dú eci-zrɔ mɛ̀n!

2 Korɛntɛ̀n anmàn-bɔ̀ 4:13

Owrú Prɔnprɔn kɛ dɔ̀ le: “Mɛ́n bùtan ankaẅì hɩ le kruhú de mɛ̀n dɔ́ ankà nɔn.” Bɔ́ mán Ɛnhɛ́n mɛ̀n ankaẅì-bùtan zri lɔ mɛ̀n, bɔ́ bùtan ankàẅì kɩ hɩ le kruhú de bɔ́ dɔ́ ankà nɔn.

2 Korɛntɛ̀n anmàn-bɔ̀ 7:4

Mɛ̀n ẅɛn ny'esɛ́ vri, me gbú ɔmùan ny'ɛwú. B'obòtò hɔ̀n lɔ fɛn mɛ̀n, mɛ̀n dú edúyiemɛ̀n kɩ pɔ̀püɛ̀-brà yɩ́ m'ɛnbɔrɛ lɔ.

Filipɛ̀n anmàn-bɔ̀ 1:14

Hɩ le yɛ kán mɛ̀n anwɔn-mɛ̀n-wá-wɔn mɛ̀n nɔn, anwrɔn-nɛ́n-muan-ẅì hɔ̀n janbɔ̀ cɔ́ esɛ́ Ɛẅɛnwrɔn mɛ̀n, hán tán kɩ yɔ bobrebe, ɛnjansù ke sɩ́ ẅɛn hán Ɔwɔ ankà-dɔ́ mɛ̀n.

Filipɛ̀n anmàn-bɔ̀ 1:20

Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

Kɔlɔsèn anmàn-bɔ̀ 4:4

Nyɛ́n sɛ̀n, ô mɛ̀n cɔ́ ɛyri mɛ̀n dɔ́ ankà-bán-ankà ndɔ lɔ kpete mɛ̀n, mɛ̀n tán yɔ ye nyrì, hán ɔmu le ke ji le mɛ̀n hán nɔn.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

Kpàkpà timote 3:13

Ɔwɔ-fɛcüè ci-dɛ́-bɔ̀ léyi kɛ hán y'ɔkɔ̀hɔ̀n anvrɛnvrɛn nɔn, yɔ ẅɛn ɛmrɛ́n anwrɔn lɔ fɛn zìwú kɩ ɛkɔrɛ̀levri dù, yɔ lɛ dɔ́ ankaẅìbùtan léyi kɛ bɔsɔ́ bɔ́ mán Zhezü Krisì mɛhi nɔn yi ankà, esɛ́ mɛ̀n.

Filemɔn 1:8

Ɔmu lɔ, Krisì bɔ̀sɔ̀ lɔ mɛ̀n, mɛ̀n ẅɛn ɛkɔrɛ̀levri mɛ lɛ wá tán mɛ́n eci léyi ke ji le ɛ̀ hán;