2 Korɛntɛ̀n anmàn-bɔ̀ 3:1 - Ɛmɛẅi ankà ankrànkràn 2003

¹ Bɔ́ le vru bɔ̀ ji ɛyri bɔ̀ bɩ́ bɔ́ edomɛ̀n bɔ̀ wá bɔ́ dùku b'antamɛ̀n hàn? Kale bɔ́ ji, hán anwrɔn janbɔ̀ hɔ́, yɛ tán nyɛ̀n esùva-wá wrú, ɛnvra tɔ̀n hô, yɛ sán nyɛ̀n esùva-wá hà?

2 Korɛntɛ̀n anmàn-bɔ̀ 3:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 18:27

Zɛtɛn, Apolɔsɛ̀n ji Ashahi kpɔsɔ wú hɔ́n yri. Anwrɔn-nɛ́n-muan-ẅì hɔ̀n ke yɩ́ nɛ̀n edù, kɩ merɛ́n ankaẅì-bùtan-ẅɛn-bɔ̀ léyi dú ɔkpɔsɔ ndɔ lɔ wú nɔn, owrú, ô yɔ nyrì ẅɛn nɛ̀n nɛ̀nnyàn-wrɔn anvrɛnvrɛn. Ɛnvra léyi Apolɔsɛ̀n cɔ́ nanvrɛn nɔn, n'ɛkɔrɛ̀-wá hán anwrɔn hɔ̀n léyi srɔ ankaẅì-bùtan-ẅɛn-bɔ̀ Ɔwɔ cüìemɛ̀n nɔn, anvrɛn vri.

Rɔmɛ̀n-anmàn-bɔ̀ 16:1

Mɛ wá nyɛ̀n antamɛ̀n, bɔ́ muan-ẅì ɛnnyɔnwrɔn léyi ye bi Febe hɩ dú Sankre Wɔ-wɔn ci-bɩ̀tan-kɔ̀hɔ́n mɛ̀n nɔn.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

1 Korɛntɛ̀n anmàn-bɔ̀ 16:3

Ɛnvra léyi mɛ lɛ và nɔn, me le sɩ́ anwrɔn hɔ̀n léyi nyɛ́n mrɛ́n nyɛ́n bɩ, mɛ lɛ tán yɔ ɔkɔ̀hɔ̀n-wá wrú, yɔ bɩ́ ny'eci-fɔ́n-ci lɔ yɔ hɔ́n Zherüzalɛmɛ̀n anmàn.

1 Korɛntɛ̀n anmàn-bɔ̀ 3:10

M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.

1 Korɛntɛ̀n anmàn-bɔ̀ 4:15

Ɔmuhi ke dú kɛ nyɛ ẅɛn ɛnyrɔn-bɔ̀ tɛ̀bru-kru-ɛvà ny'ɛwúvà lɔ mɛ̀n, nyɛ́n mán Krisì mɛhi, nyɛ́n zi zri kɩ nyɛ lɛ ẅɛ̀n: annànwɔrɛ mɛ̀n lɔ, ɛnvra léyi mɛ́n và sɩ́ nyɛ̀n Ɛmɛẅi ankà ankrànkràn lɔ nɔn, mɛ̀n de mɛ̀n srɔ nyɛ́n zi ny'ɛwúvà lɔ mɛ̀n, nyɛ́n mán Krisì mɛhi.

2 Korɛntɛ̀n anmàn-bɔ̀ 10:12

Annanwɔrɛ mɛ̀n lɔ, bɔ́ sɩ̀ shrì bɔ́ bɩ́ bɔ́ edomɛ̀n bɔ̀ krɔn anwrɔn ndɔ hɔ̀n léyi kɛ ẅɛn ankà-tro vri yɔ dùku y'ɛwú. Yɔ dú ɔbrɔ̀sà-bɔ̀: yɔ hán yɔ dùku y'eci-ẅɔɛn-ci, yɔ bɩ yɔ wɔɛn y'edomɛ̀n, yɔ bɩ́ y'edomɛ̀n yɔ krɔn yɔ mumù.

2 Korɛntɛ̀n anmàn-bɔ̀ 10:18

Annanwɔrɛ mɛ̀n lɔ, kè sɩ̀ dù ɔwrɔn léyi ẅɛn ankà-tro vri nɛ́n mumù n'ɛwú nɔn, de yɛ mrɛ́n nɔn, tɛ́n ɔwrɔn léyi Ɛẅɛnwrɔn kɛ mrɛ́n nɔn.

2 Korɛntɛ̀n anmàn-bɔ̀ 10:8

Ɔmuhi mɛ́n sɩ́ hán anvɛvrà ci, ke dú kɛ mɛ̀n hán ɔmùan-gbú ci ẅiɛ jan Ɛẅɛnwrɔn kɔrɛ̀-levri léyi tán bɔ̀ nɔn hɩ wú, ɛkɔrɛ̀-levri léyi n'eci-hán kɛ lɛ hán nyɛ́n fɛcüè krubɔrɛ kɔ̀hɔ̀n lɔ kɛ nán esù kɛ̀ hɔ́n ezì, kɩ kè sɩ̀ dù hɩ le y'á jrɛ́ nɛ̀n nɔn.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 12:19

Kale nyɛ́n tro ɛnvra sheshemɛ̀n le, bɔ́ ji ɛyri bɔ̀ cɔ́ ankà-zrɔ ny'ezìwuɛ? Hɔ̂! Bɔ́ mán Krisì mɛhi bɔ́ dɔ́ ankà, ɔbɔ̀sɔ mɛ̀n Ɔwɔ zìwú, kɩ bɔ̀ dɔ́ nyɛ̀n ankà ndɔ lɔ fɛn, anwrɔn-nɛ́n-muan-ẅì hɔ̀n, ô nyɛ́n nán esù nyɛ́n hɔ́n ezì ankaẅì-bùtan-ẅɛn mɛ̀n.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 5:12

Bɔ́ sɩ́ ji le bɔ́ dùku bɔ̀ vru bɔ̀ bɩ́ bɔ́ edomɛ̀n bɔ́ wá nyɛ̀n antamɛ̀n, tɛ́n bɔ́ cúɛn ɔmu le bɔ̀ hán tán, ô nyɛ́n gbú ɔmùan bɔ́ ɛwú; ɔmu lɔ de, nyɛ lɛ cɔ́ ankà-dɔ́-yri nyɛ́n tán anwrɔn hɔ̀n léyi ke gbú ɔmùan y'ɛntrɛ ci-hán wú, kɩ kè sɩ̀ dù hɩ le dú y'ɛnbɔrɛ lɔ mɛ̀n nɔn.