2 Korɛntɛ̀n anmàn-bɔ̀ 2:3 - Ɛmɛẅi ankà ankrànkràn 2003

³ Nyàn eci le kruhú léyi mɛ̀n merɛ́n owrú hán ɔmu le mɛ̀n hán nɔn hɔ́: mɛ́n sɩ́ ji le mɛ vá ny'edúyri hô, anwrɔn dùku léyi kɛ lɛ tán mɛ̀n pɔpüɛ̀-brà nɔn, kɛ̀ hán mɛ̀n, mɛ̀n dú obòto mɛ̀n. Mɛ̀n nyri annanwɔrɛ mɛ̀n le: ɛnvra léyi me dú pɔ̀püɛ̀-bra mɛ̀n nɔn, nyɛ́n mán nyɛ́n dú ɛnbɔrɛbruemɛ̀n nyɛ lɛ fɛn.

2 Korɛntɛ̀n anmàn-bɔ̀ 2:3 Iomraidhean Croise

1 Korɛntɛ̀n anmàn-bɔ̀ 4:21

Ecitan de nyɛ cüɛ̀n nɛ́n? Mɛ̀n bɩ́ ɛtɛ̀ kpò mɛ̀n vá nyɛ̀n ɛmɛ̀n, kale mɛ̀n bɩ́ ɛnbɔrɛ léyi ɛcüɛ̀n mán anwɔwɔ yɩ́ ɛmɛ̀n nɔn mɛ̀n vàà?

2 Korɛntɛ̀n anmàn-bɔ̀ 1:15

Mɛ̀n ẅɛn esɛ́ ɔmu lɔ hɩ wú, kɩ mɛ̀n wá le mɛ lɛ gɔ̀ hɔ́n ny'edúyri, ô nyɛ́n cɔ́ anvrɛn-hán anhyrɛ̀.

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 12:21

Mɛ ẅɛn ɛnjansù le m'ɛyri hɔ̀n lɔ mɛ̀n, m'Ɔwɔ kɛ lɛ trɔ mɛ̀n ezì ny'ezìwú, kɩ me le wú eyú mɛ̀n ku bobrebe hɔ̀n léyi dú ɛgbàn hán mɛ̀n nɔn ɛwú hán ɛnbiɛhɛ́n vra lɔ, kɩ yɔ sɩ̀ crɛ̀ ezì sɔhɔ́ ɛnbrá-ci-hán mɛ̀n, ɛwúvà gbàngbàn-ẅɛn mɛ̀n, mán ɛnkru-fé ci hɔ̀n léyi yɔ hán nɔn mɛ̀n.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 7:12

Ke dú kɛ mɛ̀n merɛ́n nyɛ̀n owrú hô, kè sɩ̀ dù ɔwrɔn léyi hán ɛgbàn mán nɛ́n léyi yɛ hán nɛ̀n ɛgbàn nɔn kruhú. Tɛ́n, nyɛ́n cɔ̀ nyɛ́n nyri kpete mɛ̀n Ɔwɔ zìwú le nyɛ́n hán edùyi-ci bɔ́ ɛkruhú.

2 Korɛntɛ̀n anmàn-bɔ̀ 7:16

Mɛ̀n dú pɔ̀püɛ̀-brá mɛ̀n, ɔmuhi ɛnvra lɔ fɛn, mɛ̀n ẅɛn esɛ́ ny'ɛwú eci lɔ fɛn mɛ̀n nɔn.

2 Korɛntɛ̀n anmàn-bɔ̀ 7:6

Tɛ́n Ɔwɔ léyi ke sɩ́ edùka-bɔ̀ dùyì lɔ ɛwú nɔn, tán bɔ̀ ecüì Titɛ̀n và lɔ mɛ̀n.

2 Korɛntɛ̀n anmàn-bɔ̀ 7:8

Annanwɔrɛ mɛ̀n lɔ, ke dú kɛ owrú léyi mɛ̀n merɛ́n nyɛ̀n nɔn, kɛ tán nyɛ̀n obòto hô, mɛ̀n sɩ̀ ẅɛ̀n n'obòtò zɛtɛ̀ lɔ. Mɛ̀n ẅɛn n'obòtò ɛnvra léyi mɛ́n cɔ̀, mɛ̀n nyri ɔmu le owrú ndɔ lɔ tán nyɛ̀n obòtò ɛnvra bruemɛ̀n tɛ̀kɩ.

2 Korɛntɛ̀n anmàn-bɔ̀ 8:22

Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú.

Galasi anmàn-bɔ̀ 5:10

Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

2 Tesalonikɛ̀n anmàn-bɔ̀ 3:4

Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.

Filemɔn 1:21

Mɛ̀n ẅɛn esɛ́ le, owrú léyi mɛ̀n merɛ́n mɛ́n nɔn, ɛ lɛ hán eci léyi mɛ sán mɛ́n nɔn; mɛ̀n nyri ɔmu le ɛ lɛ hán kɛ lɛ vrán ndɔ lɔ mán.