2 Korɛntɛ̀n anmàn-bɔ̀ 2:10 - Ɛmɛẅi ankà ankrànkràn 2003

¹⁰ Ɛnvra léyi nyɛ́n bɩ́ ɛgbàn nye ce ɔwrɔn tɔ̀n, mɛ̀n mán me bɩ́ ce nɛ̀n. Kɩ ke dú kɛ me bɩ́ ɛgbàn me ce, (andɛ̀n mùan léyi ke ji le mɛ̀n bɩ ce eci tɔ̀n mɛ̀n nɔn) mɛ hán nɛ̀n ny'ɛkruhú, Krisì zìwú,

2 Korɛntɛ̀n anmàn-bɔ̀ 2:10 Iomraidhean Croise

Matie 18:18

Mɛ dɔ́ nyɛ̀n annànwɔrɛ mɛ̀n le: eci léyi nyɛ lɛ mrɛ́n sɔhɔ́ ɛnhibù wú nɔn, anhobɩ́ mán yɛ lɛ mrɛ́n sɔhɔ́; eci lɔ fɛn léyi nye le bɩ́ ɛnu hi nɔn, anhobɩ́ mán ye le bɩ.

Zhan 20:23

Anwrɔn hɔ̀n léyi nye le bɩ́ ɛgbàn nyɛ́n ce nɔn, kɛ lɛ cɔ́ ɛgbàn-bɩ-ce; Yɔ hɔ̀n léyi nyɛ lɛ krɔ ɛgbàn-bɩ-ce nɔn, yɔ sɩ̀ cɔ́ ɛgbàn-bɩ-ce.”

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

2 Korɛntɛ̀n anmàn-bɔ̀ 5:20

Zɛtɛn bɔ̀ dú ankà-bɔ̀sɔ-bɔ̀ léyi Krisì wá ɔkɔ̀hɔ̀n, kɩ ndù hán le Ɔwɔ dùku de ke bi nyɛ̀n b'ɔmùan wú nɔn: bɔ́ sɛ́n nyɛ̀n Krisì bɩmɛ̀n, nyɛ́n teze ny'edomɛ̀n Ɔwɔ mɛhi angranmɛ̀n kɛ̀ wɔ nyɛ̀n.

2 Korɛntɛ̀n anmàn-bɔ̀ 6:6

Bɔ́ yé bɔ́ edomɛ̀n Ɔwɔ ci-bìtan-bɔ̀ fifi hɔ̀n, bɔ́ enyri-cùɛn-tan mɛ̀n, bɔ́ ɛnbɔrɛ-ẅɛ̀n-hɛ́n mán bɔ́ ɛnbɔrɛ-wɔwɔ mɛ̀n, Ɛnhɛ́n Prɔnprɔn cüìemɛ̀n, bɔ́ ɛcüɛn-bɔrɛ annanwɔrɛ mɛ̀n,

Efɛzɛ̀n anmàn-bɔ̀ 4:32

Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.