2 Korɛntɛ̀n anmàn-bɔ̀ 2:1 - Ɛmɛẅi ankà ankrànkràn 2003

¹ Ɔmu lɔ de, mɛ̀n wá, mɛ́n bɩ́ vru ɛmɛẅì mɛ́n vá ny'edúyri, ô mɛ́n vru mɛ́n wá nyɛ̀n obòto mɛ̀n.

2 Korɛntɛ̀n anmàn-bɔ̀ 2:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 15:2

Pɔlɛ̀n mán Barnabasɛ̀n mɛhi kè sɩ̀ shrìɛ kè bɩ̀ ankà ndɔ lɔ kɩ ɛcüìwrɔn vri tɔ̀n bru yɔ angranmɛ̀n ankà ndɔ lɔ kruhú. Zɛtɛn yɛ wá le Pɔlɛ̀n, Barnabasɛ̀n mán Antiɔshɛ̀n anmàn-bɔ̀ jan kɛ lɛ hɔ́n Zherüzalɛmɛ̀n anmàn, ô yɔ cɔ́ ɔkɔ̀hɔ̀n-wá-bɔ̀ mán ɛcüìcüì-bɔ̀ yɔ dɔ́ ankà ndɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 15:37

Barnabasɛ̀n ke ji kè bɩ́ Zhan léyi ye bi Markɛ̀n nɔn, kɛ̀ cɔ́ yɔ mɛhi yɔ hɔ̀n;

1 Korɛntɛ̀n anmàn-bɔ̀ 2:2

Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.

1 Korɛntɛ̀n anmàn-bɔ̀ 4:21

Ecitan de nyɛ cüɛ̀n nɛ́n? Mɛ̀n bɩ́ ɛtɛ̀ kpò mɛ̀n vá nyɛ̀n ɛmɛ̀n, kale mɛ̀n bɩ́ ɛnbɔrɛ léyi ɛcüɛ̀n mán anwɔwɔ yɩ́ ɛmɛ̀n nɔn mɛ̀n vàà?

1 Korɛntɛ̀n anmàn-bɔ̀ 5:3

Tɛ́n mɛ tɛn, ke dú kɛ mɛ̀n sɩ̀ dú nyɛ̀n ɛmɛ̀n dùku mán, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n; kɩ bɔ́ Ɛẅɛnwrɔn Zhezü bɩmɛ̀n lɔ, eci-gbàngbàn-hán-wrɔn ndɔ lɔ, mɛ̀n ci nɛ̀n ɛmrɛ̀n, hán le mɛ̀n dú nyɛ̀n ɛmɛ̀n hɔ́. Ɛnvra léyi nyɛ lɛ borɛkru, me le dú nyɛ̀n ɛmɛ̀n ɛnhɛ́n mɛ̀n kɩ bɔ́ Ɛẅɛnwrɔn Zhezü kɔrɛ̀-srɔn lɔ ke le yé n'edomɛ̀n;

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 2:4

Hɛ̀ɛ̀, mɛ̀n merɛ́n nyɛ̀n owrú ankà-tro vriemɛ̀n, ɛnbɔrɛ-zì mán anvɛ-shi bobrebe cüemɛ̀n, kè sɩ̀ dù hɩ le m'á wá nyɛ̀n obòto mɛ̀n, tɛ́n, nyɛ́n nyri ɔmu le mɛ̀n ẅɛn ny'ɛcüɛ̀n nɔn.

Titɛ̀n 3:12

Ɛnvra léyi mɛ lɛ hán Artemasɛ̀n mán Tishikɛ̀n, anwrɔn anhyrɛ̀ lɔ ɔtɔ̀n kɛ̀ và cɔ́ mɛ́n nɔn, ɛ̀ hán kèkrèmɛ̀n ɛ̀ srɔ́n mɛ̀n ɛsù Nikopolisɛ̀n anmàn, ɔmuhi mɛ̀n wá le me le bɩ́ ɛbanshi nanvrɛn lɔ nɔn.