2 Korɛntɛ̀n anmàn-bɔ̀ 13:9 - Ɛmɛẅi ankà ankrànkràn 2003

⁹ Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

2 Korɛntɛ̀n anmàn-bɔ̀ 13:9 Iomraidhean Croise

Rɔmɛ̀n-anmàn-bɔ̀ 15:2

Ke ji le ɔwrɔnwrɔn ke ji ɛyri, ô kɛ̀ cɔ́ nɛ́n nyran cüɛ̀n, kè dú n'anvrɛn, ô kɛ̀ hán nɛ̀n, nɛ̀n hɔ́n ezì ankaẅì-bùtan mɛ̀n.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

1 Korɛntɛ̀n anmàn-bɔ̀ 2:3

Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú;

1 Korɛntɛ̀n anmàn-bɔ̀ 4:10

Krisì kruhú bɔ̀ srɔ nmù-hán-bɔ̀, tɛ́n, nyɛ́n dú ankà-nyriemɛ̀n nyɛ́n mán Krisì mɛhi ny'ɔbɔ̀sɔ̀ lɔ mɛ̀n; bɔ́ jɛ̀, tɛ́n, nyɛ́n ẅɛn ecüì; bɔ̀ srɔ egbri-bɔ̀, tɛ́n, nyɛ́n ẅɛn ɔwá!

2 Korɛntɛ̀n anmàn-bɔ̀ 11:30

Ke dú kɛ ke ji le mɛ̀n gbú ɔmùan, me le gbú ɔmùan m'ɛjɛ̀ lɔ wú.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

2 Korɛntɛ̀n anmàn-bɔ̀ 4:12

Ɔmu lɔ de owù dú bɔ̀ edomɛ̀n, ô ɛwúvà kè dú nyɛ̀n ɛmɛ̀n.

2 Korɛntɛ̀n anmàn-bɔ̀ 7:1

Ɔmùan-wá ndɔ hɔ̀n lɔ fɛn zrɔ tán bɔ̀, annyran-anvrɛn hɔ̀n. Hɩ le kruhú de, ke ji le bɔ́ fi edomɛ̀n bɔ̀ tán edùwrú mán wàwúyɛ, ô bɔ̀ cɔhɔ́ ɛnbrá-ci hɔ̀n lɔ fɛn tɛ̀sɛ̀n, ô bɔ̀ hán kèkrèmɛ̀n bɔ̀ srɔ prɔnprɔn kokroho, Ɔwɔ wá mɛ̀n, bɔ́ ɛwúvà ẅɛn mɛ̀n.

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 3:10

Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.

Anhyrɛmɛ̀n timote 3:17

ô Ɔwɔ wrɔn kɛ̀ krɔn kpehɛ́n n'eci ankrankran hán mɛ̀n.

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 6:1

Ɔmu lɔ, bɔ̀ crɛ ezì bɔ̀ kɛ́n ɔwrɔn cüìcüì ankà-yé, ô bɔ̀ teze bɔ́ ɛmɛẅi lɔ, kpakpà ankà-dɔ̀ léyi dú Krisì mɛẅi ankà lɔ mɛ̀n nɔn. Ɛmɛẅi ankà ndɔ lɔ, bɔ́ sɩ̀ vru hán n'ɔkɔ̀hɔ̀n wrùɛ: ke ji le bɔ̀ crɛ ejüí bɔ̀ sɔ́n ɛci-gbàngbàn-hán, ô bò bú Ɔwɔ ankà bɔ̀ tán ankàẅì,

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.