2 Korɛntɛ̀n anmàn-bɔ̀ 13:4 - Ɛmɛẅi ankà ankrànkràn 2003

⁴ Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

2 Korɛntɛ̀n anmàn-bɔ̀ 13:4 Iomraidhean Croise

Zhan 10:18

Ɔwrɔn zriɛmɛ́n ke sɩ̀ bɩ́ m'ɛwúvà lɔ kɛ sɔhɔ́, tɛ́n m'ɛnbɔrɛ ankrànkràn mɛ̀n de mɛ tán nɛ̀n nɔn. Mɛ̀n ẅɛn ɛkɔrɛ̀srɔn mɛ lɛ tán nɛ̀n, kɩ mɛ̀n vru mɛ̀n ẅɛn ɛkɔrɛ̀srɔn me le vru mɛ̀n sàn cɔ́ nɛ̀n ewrù. Ndɔ lɔ de Dade wá tán mɛ̀n, ô mɛ̀n hán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 3:16

Zhezü bi lɔ, n'ɛkɔrɛ̀-srɔn mán n'ankaẅì-bùtan ẅɛ̀n, de tán ɔwrɔn ndɔ léyi nyɛ kàn, hɩ nyɛ́n nyrì nɔn, ecüì. Ankaẅì-bùtan léyi nɛ̀n ẅɛn Zhezü wú nɔn, de tán nɛ̀n ɔkɔrɛ̀ léyi nyɛ lɛ fɛn nyɛ kàn nɔn.

Rɔmɛ̀n-anmàn-bɔ̀ 1:4

tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn.

Rɔmɛ̀n-anmàn-bɔ̀ 14:9

Ɔmuhi Krisì nwù kɩ vru vá ɔkɔrɛ-bɔ̀ mɛ̀n, ô kè dú owú-bɔ̀ mán ɔkɔrɛ-bɔ̀ Ẅɛnwrɔn nɔn.

Rɔmɛ̀n-anmàn-bɔ̀ 6:4

Zɛtɛn ɛnshikru-wá mɛ̀n de yɛ wá bɔ̀ ezhe nànmàn mɛ̀n, nɛ́n mán bɔ́ mɛhi, ô bɔ́ bru n'owù lɔ mɛ̀n, ô ɔmu zri léyi Ɔwɔ zi ci-zrɔ kɔrɛ̀-srɔ̀n lɔ mɛ̀n, Krisì dú owú-bɔ̀ mɛ̀n vá ɔkɔrɛ-bɔ̀ mɛ̀n nɔn, bɔ́ mán bɔ́ dú ɛwúvà wrù mɛ̀n.

1 Korɛntɛ̀n anmàn-bɔ̀ 1:25

Ɔmuhi Ɔwɔ mù-ci-hán ẅɛn ankà-nyrì vrán anwrɔnẅì ankà-nyrì, kɩ Ɔwɔ jɛ̀-ci-hán ẅɛn ecüì vrán anwrɔnẅì cüì-ẅɛ̀n.

1 Korɛntɛ̀n anmàn-bɔ̀ 15:43

Ɛnvra léyi yɛ wá nɛ̀n ɛnhibɩ́ nɔn, nɛ̀n ẅɛn ɛnhyɔ̀bɔ̀ mán ɛjɛ̀; ɛnvra léyi nɛ lɛ frɔ́ nɔn, ne le dú eci-zrɔ mɛ̀n mán ecüì-ẅɛn mɛ̀n.

1 Korɛntɛ̀n anmàn-bɔ̀ 2:3

Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú;

1 Korɛntɛ̀n anmàn-bɔ̀ 6:14

Ɔwɔ sɩ́ Ɛẅɛnwrɔn ɔkɔrɛ-bɔ̀ mɛ̀n kɩ ne le sɩ́ bɔ̀ ɔkɔrɛ-bɔ̀ mɛ̀n n'ɛkɔrɛ̀-srɔn lɔ mɛ̀n.

2 Korɛntɛ̀n anmàn-bɔ̀ 10:10

Annanwɔrɛ mɛ̀n lɔ, nyàn ankà léyi yɛ dɔ̀ nɔn: “Pɔlɛ̀n wrú-merɛ́n hɔ̀n lɔ, sɔ́ kɩ dú ɛshishi; tɛ́n ɛnvra léyi nɛ́n dùku ne dú bɔ̀ ɛmɛ̀n nɔn, nɛ̀n dú ɛjɛ́mɛ̀n kɩ n'ankà-dɔ̀ ẅɛn ɛnhyɔ̀bɔ̀.”

2 Korɛntɛ̀n anmàn-bɔ̀ 12:10

Hɩ le kruhú de mɛ brá pɔpüɛ̀ tán m'ɛjɛ̀, ɔwɔra, ɛgbànkàn-jüedì, owú-gbànkàn mán ankà-tro hɔ̀n léyi mɛ srɔ́n ɛsù Krisì kruhú; ɔmuhi ɛnvra léyi me dú ɛjɛ mɛ̀n nɔn, hɩ lɔ de zɛtɛn mɛ ẅɛn ecüì nɔn.

2 Korɛntɛ̀n anmàn-bɔ̀ 13:9

Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

Filipɛ̀n anmàn-bɔ̀ 3:10

Eci lɔ fɛn léyi me ji nɔn, dú hɩ le me le nyri Krisì mán n'owúemɛ̀n-dùfrɔ́ kɔrɛ̀srɔn lɔ, mɛ̀n dú m'ɛgbànkàn hɔ̀n lɔ mɛ̀n, ô mɛ̀n dù mɛ̀n cá nɛ̀n, n'owù lɔ mɛ̀n,

Ebre-bɔ̀ 5:7

N'ɛnhiwú wúvà lɔ mɛ̀n, Zhezü sɛ́n Ɔwɔ, kɩ wú ɛnhyɔ̀bɔ̀, bobo cüìcüì diemɛ̀n, gbɛ́ anvɛshi tán Ɔwɔ léyi ẅɛn ɛkɔrɛ̀srɔn kɛ lɛ ẅɛn nɛ̀n owúemɛ̀n kɛ̀ sɔhɔ́ tɛ̀ nɔn. Kɩ Ɔwɔ yá n'Ɔwɔ-sɛ̀n lɔ, n'edomɛ̀n ɛnhi-sɩ́ kruhú.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.