2 Korɛntɛ̀n anmàn-bɔ̀ 13:3 - Ɛmɛẅi ankà ankrànkràn 2003

³ Nye ji eci-hán léyi ke yé le Krisì kɛ dɔ́ ankà m'ɔmùan wú, kɩ nyɛ lɛ cɔ́ nɛ̀n. Krisì kè sɩ̀ dù ɛjɛ mɛ̀n ny'ɛtɛ̀sɛ̀n, tɛ́n ne yé n'ɛkɔrɛ̀-srɔn lɔ ny'anwanzi.

2 Korɛntɛ̀n anmàn-bɔ̀ 13:3 Iomraidhean Croise

Matie 10:20

ankà hɔ̀n lɔ ke sɩ̀ dú ny'ɛmɛ̀n kɛ̀ srɔ, tɛ́n nyɛ́n Zi Hɛ́n de kɛ lɛ dɔ́ ankà ny'ɛmɛ̀n nɔn.

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

1 Korɛntɛ̀n anmàn-bɔ̀ 7:40

Tɛ́n ne le dú ɛnbɔrɛ-bruemɛ̀n ke dú kɛ nɛ yɛ́ ɔmu lɔ. Ndɔ lɔ de dú m'ɛnkruemɛ̀n ankà, kɩ me tro le, mɛ̀n mán Ɔwɔ Hɛ́n dú mɛ̀n edomɛ̀n.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 10:4

B'anhà-kɔ́n mɛ̀n lɔ, bɔ́ sɩ́ bɩ́ anwrɔnẅìemɛ̀n anhà-kɔ́n-ci: Ɔwɔ kɔrɛ̀-srɔn anhà-kɔ́n-ci hɔ̀n léyi kɛ jrɛ́ ɛbùdrɛn ɛvrivri hɔ̀n nɔn, de bɔ́ bɩ nɔn. Bɔ́ jrɛ́ ɛyɔ̀n-ankà-tro hɔ̀n,

2 Korɛntɛ̀n anmàn-bɔ̀ 12:12

Eci-hán hɔ̀n léyi ke yé le mɛ̀n dú ɔkɔ̀hɔ̀n-wá-wrɔn nɔn, hán tán ny'ɛmɛ̀n nyɛ́n kàn, ɛnbɔrɛ-ẅɛ̀n-hɛ́n anvrɛnvrɛn mɛ̀n: eci-hán ndɔ hɔ̀n lɔ dú anvɛmɛ̀n-frɛ́n-ci mán eci-woroan-ci mɛ̀ntɛ mɛ̀ntɛ.

2 Korɛntɛ̀n anmàn-bɔ̀ 2:10

Ɛnvra léyi nyɛ́n bɩ́ ɛgbàn nye ce ɔwrɔn tɔ̀n, mɛ̀n mán me bɩ́ ce nɛ̀n. Kɩ ke dú kɛ me bɩ́ ɛgbàn me ce, (andɛ̀n mùan léyi ke ji le mɛ̀n bɩ ce eci tɔ̀n mɛ̀n nɔn) mɛ hán nɛ̀n ny'ɛkruhú, Krisì zìwú,

2 Korɛntɛ̀n anmàn-bɔ̀ 2:6

Zro tán le ny'ɛmɛ̀n lɔ, ɔwrɔn ndɔ lɔ bobrebe kɛ bó nɛ̀n nwù,

2 Korɛntɛ̀n anmàn-bɔ̀ 9:8

Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn.