2 Korɛntɛ̀n anmàn-bɔ̀ 13:2 - Ɛmɛẅi ankà ankrànkràn 2003

² Mɛ̀n ẅɛn ankà-bi-dɔ̀ tɔ̀n mɛ lɛ tán anwrɔn hɔ̀n léyi hán ɛgbàn ɛnbiɛhɛ́n vra mán yɔ ndɔ hɔ̀n lɔ fɛn; mɛ́n gɔ̀ dɔ́ ankà ndɔ lɔ ɛnvra léyi mɛ̀n dú nyɛ̀n ɛmɛ̀n m'anhyrɛmɛ̀n yri và lɔ mɛ̀n ny'edúyri, tɛ́n mɛ̀n vru mɛ dɔ́ nyɛ̀n zɛtɛ̀ lɔ le mɛ́n sɩ̀ dú nyɛ̀n ɛmɛ̀n: ɛnbì nyàntɛn léyi mɛ lɛ và mɛ̀n kán nyɛ̀n nɔn, mɛ́n sɩ̀ wú ɔwrɔn zriɛmɛ́n ɛnhyɔ̀bɔ̀.

2 Korɛntɛ̀n anmàn-bɔ̀ 13:2 Iomraidhean Croise

1 Korɛntɛ̀n anmàn-bɔ̀ 5:5

zɛtɛn, ke ji le nyɛ́n bɩ́ ɔwrɔn ndɔ lɔ nyɛ́n tán anwa-wrɔn, ô n'ɛgbàn dùwrú lɔ kɛ̀ jrɛ́, tɛ́n ke ji le n'ɛnhɛ́n kɛ̀ cɔ́ ebɩ̀die Ɛẅɛnwrɔn bì lɔ.

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 12:14

Nyàn mɛ̀n, mɛ̀n krɔn kpehɛ́n mɛ vá ny'edúyri andɛ̀n anhɔnmɛ̀n, kɩ mɛ́n sɩ̀ srɔ ɛnlòwrú mɛ̀n tán nyɛ̀n. Nyɛ́n de me ji nyɛ̀n nɔn, kɩ kè sɩ̀ dù ny'ɔkùa lɔ. Annanwɔrɛ mɛ̀n lɔ, kè sɩ̀ dù ɛẅì hɔ̀n de ke ji ɔkùa kɛ tán yɔ zi hɔ̀n nɔn, tɛ́n ɛẅì-nɛ́n-zi hɔ̀n de ke ji ɔkùa tán y'ɛẅì hɔ̀n nɔn.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.