2 Korɛntɛ̀n anmàn-bɔ̀ 11:4 - Ɛmɛẅi ankà ankrànkràn 2003

⁴ Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

2 Korɛntɛ̀n anmàn-bɔ̀ 11:4 Iomraidhean Croise

Markɛ̀n 7:9

Zɛtɛn Zhezü kɛ dɔ̀ le: “Nye nyri kɔ́n Ɔwɔ nyànmàn nye ze kɩ nyɛ ẅɛn nyɛ́n dùku ny'ɛnyànmàn kɔrɛ̀zì nyɛ hɛ́n!

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

1 Korɛntɛ̀n anmàn-bɔ̀ 3:11

Ɔmuhi Zhezü Krisì mɛ̀n de ɔwɔn-hinan-bù kɛ cɔ́ n'ɛhɛ́n-yri, kɩ ɔwrɔn zriɛmɛ́n ke sɩ̀ hɛ́n obù nyàntɛn nanvrɛn lɔ nɔn.

2 Korɛntɛ̀n anmàn-bɔ̀ 11:1

Ô! Me ji le nyɛ́n shrì nyɛ́n bɩ́ mɛ́n nmù ci-hán lɔ jan! Hɛ̀ɛ̀, zrɔ, nyɛ́n ci mɛ̀n ɛmɛẅi!

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

Galasi anmàn-bɔ̀ 3:2

Me ji le, nyɛ́n mrɛ́n ankà-yrɛ zri ndɔ lɔ ɔmùan nyɛ́n tán mɛ̀n: nyɛ́n cɔ́ Ɛnhɛ́n léyi Ɔwɔ yüre nyɛ̀n ɔmuhi eci lɔ fɛn mɛ̀n nyɛ́n wá ɛnyànmàn, kale, ɔmuhi nyɛ́n yá, kɩ nyɛ́n bú Ɛmɛẅi ankà Ankrankran lɔ, n'ankà nyɛ́n tán ankaẅì nɛ́n?

Kpàkpà timote 1:3

Ɛ̀ yɛ́ Efɛzɛ̀n anmàn hán ɔmu le mɛ̀n wá tán mɛ́n, ɛnvra léyi mɛ́n dù mɛ hɔ́n Maseduanɛ̀n kpɔsɔ wú nɔn. Nanvrɛn lɔ anwrɔn dù ke yé anhyɔ̀n wɔ ankà kɩ ke ji le ɛ̀ wá tán, yɔ kɛ́n ɔmùan yɔ hɛ́n.

Kpàkpà timote 2:5

Ɔmuhi Ɔwɔ zri kɩ dù kɩ ɔwrɔn zri Zhezü Krisì dú Ɔwɔ mán anwrɔnẅì granmɛ̀n nyɔnwrɔn, ɔwrɔnẅì Zhezü Krisì