2 Korɛntɛ̀n anmàn-bɔ̀ 11:3 - Ɛmɛẅi ankà ankrànkràn 2003

³ Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

2 Korɛntɛ̀n anmàn-bɔ̀ 11:3 Iomraidhean Croise

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Rɔmɛ̀n-anmàn-bɔ̀ 12:8

Ɔwrɔn léyi nyri edùyì ci-hán nɔn, ke ji le nɛ̀n tán nɛ́n nyran hɔ̀n edùyì. Ke ji le ɔwrɔn léyi ẅɛn n'ɛci kɛ tán nɔn, kɛ̀ tán ɛnbɔrɛ ankrankran mɛ̀n. Ɔwrɔn léyi kɛ nyrɔn nɔn, kɛ̀ nyrɔn anvrɛnvrɛn. Ɔwrɔn léyi kɛ wá ɛmian-bɔ̀ ɛkɔrɛ̀ nɔn, nɛ̀n hán yi pɔpüɛ̀-brá mɛ̀n.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 11:20

Nye shrì nyɛ tán yɛ hán nyɛ̀n anwɔ̀n-bɔ̀ ci, yɛ frɛ́n nyɛ̀n, ye bɩ́ nyɛ̀n ɛci edomɛ̀n yɛ sɔhɔ́, yɛ nyan nyɛ̀n ɛwú, yɛ cüran nyɛ̀n ansa anvɛmɛ̀n.

2 Korɛntɛ̀n anmàn-bɔ̀ 11:29

Ke dú kɛ ɔwrɔn tɔ̀n njɛ̀, mɛ̀n mán me dú ɛjɛ́ mɛ̀n; ke dú kɛ ɔwrɔn tɔ̀n kɛ zrɛ́n ankaẅì-bùtan-ẅɛn mɛ̀n, me dú ɛgbànkàn vriemɛ́n.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 4:2

Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.

Galasi anmàn-bɔ̀ 1:6

Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Galasi anmàn-bɔ̀ 2:4

anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Galasi anmàn-bɔ̀ 4:11

Ny'ankà ke ku mɛ̀n ɛnkrɛ̀ta: ejüedì lɔ fɛn léyi mɛ̀n kán ny'ɛwú nɔn ke le dú eci woroɛ?

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:4

Mɛ dɔ́ nyɛ̀n ankà ndɔ lɔ, ô Ɔwrɔn zriɛmɛ́n ke bɩ́ ci n'ɛfrɛ́n-ankà-dɔ̀ mrɛ́nmrɛ́n lɔ mɛ̀n kɛ hán nyɛ̀n nyɛ́n zɛ́n hán.

Kɔlɔsèn anmàn-bɔ̀ 2:8

Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

Kpàkpà timote 1:3

Ɛ̀ yɛ́ Efɛzɛ̀n anmàn hán ɔmu le mɛ̀n wá tán mɛ́n, ɛnvra léyi mɛ́n dù mɛ hɔ́n Maseduanɛ̀n kpɔsɔ wú nɔn. Nanvrɛn lɔ anwrɔn dù ke yé anhyɔ̀n wɔ ankà kɩ ke ji le ɛ̀ wá tán, yɔ kɛ́n ɔmùan yɔ hɛ́n.

Kpàkpà timote 2:14

Kɩ kè sɩ̀ dù Adamɛ̀n de kè tezè n'edomɛ̀n anwawrɔn kɛ̀ frɛ́n nɛ̀n, tɛ́n Ɛvɛ̀n léyi dú ɛnnyɔnwrɔn nɔn, de bru ɛfrɛ́n ankà mɛ̀n, kɩ fɔndɔ́n Ɔwɔ nyanmàn.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Titɛ̀n 1:10

Annànwɔrɛ mɛ̀n lɔ yɔ dú bobrebe, annànnàn le Zhüifɛ̀n-bɔ̀ léyi srɔ Zhezü krisì sɛ̀nkɛn-bɔ̀ hɩ kɛ kɛ́n Ɔwɔ-mùan-ankà-dɔ̀ ezì, kɩ kɛ frɛ́n anwrɔn nyàntɛn hɔ̀n y'ankà-gbàngbàn-dɔ́ mɛ̀n.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.

2 Piɛrɛ̀n 3:17

Nyɛ tɛn, m'annyran anvrɛn hɔ̀n, ye bi dɔ́ nyɛ̀n zɛtɛ̀ lɔ. Zɛtɛn nyɛ́n wá esùva, nyɛ́n bɩ́ teze ny'edomɛ̀n nyɛ́n zrɛ́n hán, ɛzɛ̀n ci-hán mɛ̀n, nyɛ́n mán ɛnkru-fe-bɔ̀ mɛhi, kɩ nyɛ́n bɩ́ teze ny'esùnàn ankànkràn léyi nyɛ́n ẅɛ̀n nɔn.

2 Piɛrɛ̀n 3:3

Eci lɔ fɛn mɛ̀n, nyɛ́n nyrì le, ɛnvra trɔ mùan mɛ̀n lɔ, anwrɔn hɔ̀n léyi ke ji kɛ̀ ẅɛn yɔ dùku y'ankàtro wúvà nɔn kɛ lɛ srɔ. Yɔ lɛ hán nyɛ̀n ɛnhyürɛ̀

1 Zhan 2:18

M'ɛẅì hɔ̀n, ɛnvra trɔ mùan bá ɛtɛsɛn! Nyɛ́n yá yɛ dɔ̀ le Krisì Gbri-wrɔn kɛ lɛ và; tɛ́n zɛtɛ̀ lɔ Krisì gbri-bɔ̀ bobrebe srɔ, kɩ ɔmu lɔ bó nyrì le, ɛnvra trɔ mùan bá ɛtɛsɛ̀n.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.

Ɔwɔ-mɛ̀n-yrikàn 12:15

Zɛtɛn ɛnlɛ̀brì lɔ bɩ́ n'ɔmùan mɛ̀n shi wá ɛnnyɔnwrɔn lɔ hán mancüè shi hɔ́, dú ɛnnyɔnwrɔn lɔ ɛmɛẅi, ô ɛnshi lɔ kɛ̀ wán nɛ̀n kè bɩ.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 20:2

Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.