2 Korɛntɛ̀n anmàn-bɔ̀ 11:2 - Ɛmɛẅi ankà ankrànkràn 2003

² Mɛ kɔ́n ecüì-hi ny'ɛwú ecüì-hi-kɔ̀n tɔ̀n léyi dú Ɔwɔ yri nvà nɔn: mɛ̀n wá nyɛ̀n eyiri-mùan ɛncɔnwrɔn zri yri, Krisì, kɩ me ji mɛ̀n bɩ́ nyɛ̀n mɛ̀n yé nɛ̀n kɛ hán ɛnnyrɔnẅì tɔ̀n léyi nfì, kè sɩ̀ nyrì ɛncɔnwrɔn ankà nɔn.

2 Korɛntɛ̀n anmàn-bɔ̀ 11:2 Iomraidhean Croise

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

Rɔmɛ̀n-anmàn-bɔ̀ 7:4

Hɩ zri lɔ de dú tán nyɛ́n mán nɔn, anwrɔn-nɛ́n-muan-ẅì hɔ̀n. Nyɛ́n cɔhɔ́ ɛnyànmàn wú, ɛnvra léyi nyɛ́n mán Krisì dùwrú mɛhi nyɛ́n dú ɔbɔ̀sɔ̀ mɛ̀n nɔn. Ɔmu lɔ, de zɛtɛ̀ lɔ, nyɛ́n dú ɔwrɔn tɔ̀n tɛn, ɔwrɔn léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô bɔ̀ hán eci léyi kɛ cüɛn Ɔwɔ ɛvɛ̀ nɔn.

1 Korɛntɛ̀n anmàn-bɔ̀ 4:15

Ɔmuhi ke dú kɛ nyɛ ẅɛn ɛnyrɔn-bɔ̀ tɛ̀bru-kru-ɛvà ny'ɛwúvà lɔ mɛ̀n, nyɛ́n mán Krisì mɛhi, nyɛ́n zi zri kɩ nyɛ lɛ ẅɛ̀n: annànwɔrɛ mɛ̀n lɔ, ɛnvra léyi mɛ́n và sɩ́ nyɛ̀n Ɛmɛẅi ankà ankrànkràn lɔ nɔn, mɛ̀n de mɛ̀n srɔ nyɛ́n zi ny'ɛwúvà lɔ mɛ̀n, nyɛ́n mán Krisì mɛhi.

2 Korɛntɛ̀n anmàn-bɔ̀ 4:14

Annanwɔrɛ mɛ̀n lɔ, bɔ̀ nyri ɔmu le Ɔwɔ léyi bɩ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, ke le sɩ́ bɔ́ mán Zhezü mɛhi ɔkɔrɛ-bɔ̀ mɛ̀n kɩ nɛ lɛ hán bɔ̀ bɔ́ lɛ srɔ bɔ́ mán nyɛ́n mɛhi n'ezìwú.

Galasi anmàn-bɔ̀ 4:11

Ny'ankà ke ku mɛ̀n ɛnkrɛ̀ta: ejüedì lɔ fɛn léyi mɛ̀n kán ny'ɛwú nɔn ke le dú eci woroɛ?

Filipɛ̀n anmàn-bɔ̀ 1:8

Ankà ndɔ lɔ wú lɔ, Ɔwɔ dú mɛ́n dalɛfuɛ-di-wrɔn: mɛ cüɛn nyɛ lɛ fɛn Zhezü Krisì cüɛ̀n vri lɔ mɛ̀n.

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

1 Tesalonikɛ̀n anmàn-bɔ̀ 2:11

Nyɛ́n nyri ɔmu le bɔ́ mán nyɛ́n mɛhi bɔ́ eci-hán ndù hán ɛnẅì-nɛ́n-zi mán n'ɛẅì hɔ̀n mɛhi hɔ́.

Ɔwɔ-mɛ̀n-yrikàn 14:4

Anwrɔn ndɔ hɔ̀n lɔ, kè sɩ̀ wá nbrá edomɛ̀n yɔ mán wúyɔ̀ mɛhi, yɔ dú ɛfifiemɛ̀n. Yɔ dú Ɔwɔ Kɔ̀kɔ̀sɛ̀-ẅì ɛmɛẅi ɛyri lɔ fɛn léyi nɛ hɔ̀n nɔn; yɛ mrɛ́n yɔ anwɔ̀nẅìemɛ̀n yɛ sɔhɔ́ anwrɔnẅiemɛ̀n, ô yɔ dú Ɔwɔ mán Ɔwɔ Kɔ̀kɔ̀sɛ̀-ẅì kpàkpà cice.