2 Korɛntɛ̀n anmàn-bɔ̀ 11:1 - Ɛmɛẅi ankà ankrànkràn 2003

¹ Ô! Me ji le nyɛ́n shrì nyɛ́n bɩ́ mɛ́n nmù ci-hán lɔ jan! Hɛ̀ɛ̀, zrɔ, nyɛ́n ci mɛ̀n ɛmɛẅi!

2 Korɛntɛ̀n anmàn-bɔ̀ 11:1 Iomraidhean Croise

Matie 17:17

Zhezü sɩ́ ɔmùan ɛwú kɛ dɔ̀ le: “Anwrɔn gbàngbàn, ankàẅì-bùtan woro bɔ̀ léyi dú nyɛ̀n nɔn! Ɛnvra ɛ̀bɛ de ke ji le mɛ̀n cɔ́ nyɛ̀n mɛhi bɔ̀ yɛ́ nɛ́n? Ɛnvra ɛ̀bɛ de ke ji le mɛ̀n shrì mɛ̀n bɩ́ nyɛ̀n nɛ́n? Nyɛ́n bɩ́ ɛnẅì lɔ nyɛ́n và sɩ́ mɛ̀n ɛnu lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 18:14

Pɔlɛ̀n kɛ vá ankà dɔ́ yri, kɩ Galiɔn mrɛ́n Zhüifɛ̀n-bɔ̀ ɔmùan le: “Ke dú kɛ kè dú ɔwrɔn wri ankà, mán eci-gbangbàn vri tɔ̀n hán ankà hô, me le bɩ́ ɛnvra mɛ̀n die nyɛ̀n nukùɛ, nyɛ́n Zhüifɛ̀n-bɔ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 26:29

Pɔlɛ̀n mrɛ́n ɔmùan le: “Ɛnvra bruemɛ̀n hô, ɛnvra sheshe mɛ̀n hô, mɛ sɛ́n Ɔwɔ le ke bɩ́ dú vɛ́n zri, tɛ́n nyɛ́n lɔ fɛn léyi nye die mɛ̀n nukù ɛnyɔncì lɔ nɔn, nyɛ́n dù kɛ̀ hán mɛ̀n hɔ́, gbràka ndɔ léyi dú mɛ̀n ankɔrɛ̀ nɔn, kɩ bàdà ɛmɛ̀n!”

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

1 Korɛntɛ̀n anmàn-bɔ̀ 3:18

Ɔwrɔn zriɛmɛ́n ke bɩ́ frɛ́n n'edomɛ̀n: ke dú kɛ ɔwrɔn tɔ̀n ny'ɛmɛ̀n lɔ ke tro le nɛ̀n ẅɛn ankà-nyrì, ɛnhibù ndɔ lɔ zìwú hô, ke ji le nɛ̀n srɔ nmù-wrɔn, ô nɛ̀n dú ankà-nyri-wrɔn annanwɔrɛ mɛ̀n.

1 Korɛntɛ̀n anmàn-bɔ̀ 4:10

Krisì kruhú bɔ̀ srɔ nmù-hán-bɔ̀, tɛ́n, nyɛ́n dú ankà-nyriemɛ̀n nyɛ́n mán Krisì mɛhi ny'ɔbɔ̀sɔ̀ lɔ mɛ̀n; bɔ́ jɛ̀, tɛ́n, nyɛ́n ẅɛn ecüì; bɔ̀ srɔ egbri-bɔ̀, tɛ́n, nyɛ́n ẅɛn ɔwá!

1 Korɛntɛ̀n anmàn-bɔ̀ 4:8

Zɛtɛn nyɛ́n ẅɛn eci lɔ fɛn léyi nye ji nɔn! Zɛtɛn nyɛ́n di ɛnnɛ̀ncüìɛ! Nyɛ́n srɔ ɛnnɛ̀ncüì hɔ̀n, zɛtɛn bɔ́ tɛn bɔ́ sɩ̀ dì ɛnnɛ̀ncüì! Ankaẅìɛ? Mɛ cüɛn ɔmu le nyɛ́n srɔ ɛnnɛ̀ncüì annanwɔrɛ mɛ̀n, ô bɔ́ mán bɔ̀ cɔ́ nyɛ̀n mɛhi bɔ̀ ẅɛn ɛyri.

2 Korɛntɛ̀n anmàn-bɔ̀ 11:19

Nyɛ́n léyi nyɛ́n dú ankà-nyri-bɔ̀ nɔn, nye ci nmù-hán-bɔ̀ ɛmɛẅi ny'ɛnbɔrɛ anvrɛnvrɛn mɛ̀n!

2 Korɛntɛ̀n anmàn-bɔ̀ 11:21

Anvɛvrà kɛ ẅɛn mɛ̀n n'ɛdɔ́ mɛ̀n: Bɔ̀ ẅɛn ɛjɛ̀ sevri ankà ndɔ lɔ mɛ̀n! Tɛ́n, ɛyri léyi anwrɔn ndɔ hɔ̀n kɛ ẅɛn ɔmùan-gbú kɔrɛ̀-levri nɔn (mɛ dɔ́ ankà kɛ hán le nmù-wrɔn hɔ́) mɛ̀n mán mɛ̀n ẅɛn yi kɔrɛ̀-levri lɔ.

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 5:13

Ke dú kɛ annànwɔrɛ mɛ̀n lɔ bɔ̀ dú ɔbrɔ̀sà-bɔ̀ hô, bɔ́ dú nɛ̀n bɔ̀ tán Ɔwɔ; tɛ́n ke dú kɛ bɔ́ dú ankà-nyriemɛ̀n hô, dú nyɛ tɛn.

Ebre-bɔ̀ 5:2

Nɛ́n mumù mán nɛ̀n dú ɛjɛ̀ wɔ̀ɛn-nyan mɛ̀n; ke ji le nɛ̀n yá anwrɔn hɔ̀n léyi ke sɩ́ nyri ankà mán yɔ hɔ̀n léyi kɛ hán ɛzɛ́n-ci nɔn.