2 Korɛntɛ̀n anmàn-bɔ̀ 10:7 - Ɛmɛẅi ankà ankrànkràn 2003

⁷ Nyɛ nyan ɛci hɔ̀n kɛ hán ɔmu le yɔ dù nɔn hɔ́. Zɛtɛn, ke dú kɛ ɔwrɔn tɔ̀n ke bú tán le nɛ̀n dú Krisì tɛn, ke ji le nɛ̀n vru nɛ̀n tro ankà ndɔ lɔ: bɔ́ dú Krisì tɛn hán ɔmu le nɛ́n mán nɛ̀n dú Krisì tɛn nɔn hɔ́.

2 Korɛntɛ̀n anmàn-bɔ̀ 10:7 Iomraidhean Croise

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

Lükɛ̀n 16:15

Zhezü kɛ dɔ́ yɔ le: “Nyɛ́n dú anwrɔn hɔ̀n léyi ke bú y'edomɛ̀n kɛ hán ɛnyrɔn-nan-bɔ̀ anwrɔnẅì zìwú, tɛ́n Ɔwɔ nyrí ny'ɛnbɔrɛ hɔ̀n lɔ. Ɔmuhi, eci léyi anwrɔnẅì ke bɩ kɛ hán eci vri nɔn, Ɔwɔ zìwú lɔ dú eci-gbri-ci.

Zhan 7:24

Nyɛ́n bɩ́ ci ɛmrɛ̀n eci léyi nyɛ kàn nɔn hɩ wú. Nyɛ́n ci ɛmrɛ̀n ɛnyrɔnnan mɛ̀n.”

1 Korɛntɛ̀n anmàn-bɔ̀ 1:12

Nyàn ankà léyi me ji mɛ̀n dɔ̀ nɔn: ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n, mɛ̀n dú Pɔlɛ̀n tɛn”; ɔwrɔn ndɔ lɔ: “Mɛ̀n dú Apolɔsɛ̀n tɛn”; ɔwrɔn nyantɛn: “Mɛ̀n, mɛ̀n dú Piɛrɛ̀n tɛn”; kɩ ɔwrɔn nyantɛn tɔ̀n: “Kɩ mɛ tɛn mɛ̀n dú Krisì tɛn.”

1 Korɛntɛ̀n anmàn-bɔ̀ 14:37

Ke dú kɛ Ɔwrɔn tɔ̀n ke tro le nɛ̀n dú Ɔwɔ mɛẅi ankà-dɔ́-wrɔn, kɩ ne tro le nɛ̀n cɔ́ ɛnhɛ́n mɛ̀n cice, ke ji le nɛ̀n nyrì le owrú léyi mɛ̀n merɛ́n nɔn, dú Ɛẅɛnwrɔn nyànmàn tɔ̀n.

1 Korɛntɛ̀n anmàn-bɔ̀ 15:23

tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn.

1 Korɛntɛ̀n anmàn-bɔ̀ 3:23

tɛ́n nyɛ́n, nyɛ́n dú Krisì tɛn kɩ Krisì dú Ɔwɔ tɛn.

1 Korɛntɛ̀n anmàn-bɔ̀ 9:1

Mɛ̀n sɩ̀ dù ɔwrɔn kora? Mɛ̀n sɩ̀ dù ɔkɔ̀hɔ̀n-wá-wrɔn hàn? Mɛ̀n sɩ̀ kàn Zhezü bɔ́ Ɛẅɛnwrɔn hàn? Nyɛ́n sɩ̀ dù m'ɛkɔrɛ̀-kɔ̀hɔ̀n-hán vɔ̀nshɛ́-ci, Ɛẅɛnwrɔn ci-bɩ̀tan kɔ̀hɔn mɛ̀n hàn?

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 11:18

Ɔmuhi bobrebe ndɔ hɔ̀n ke gbú ɔmùan anwrɔnẅì ci-hán wú nɔn, zɛtɛn, mɛ̀n mán me le gbú ɔmùan.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 13:3

Nye ji eci-hán léyi ke yé le Krisì kɛ dɔ́ ankà m'ɔmùan wú, kɩ nyɛ lɛ cɔ́ nɛ̀n. Krisì kè sɩ̀ dù ɛjɛ mɛ̀n ny'ɛtɛ̀sɛ̀n, tɛ́n ne yé n'ɛkɔrɛ̀-srɔn lɔ ny'anwanzi.

2 Korɛntɛ̀n anmàn-bɔ̀ 5:12

Bɔ́ sɩ́ ji le bɔ́ dùku bɔ̀ vru bɔ̀ bɩ́ bɔ́ edomɛ̀n bɔ́ wá nyɛ̀n antamɛ̀n, tɛ́n bɔ́ cúɛn ɔmu le bɔ̀ hán tán, ô nyɛ́n gbú ɔmùan bɔ́ ɛwú; ɔmu lɔ de, nyɛ lɛ cɔ́ ankà-dɔ́-yri nyɛ́n tán anwrɔn hɔ̀n léyi ke gbú ɔmùan y'ɛntrɛ ci-hán wú, kɩ kè sɩ̀ dù hɩ le dú y'ɛnbɔrɛ lɔ mɛ̀n nɔn.

Galasi anmàn-bɔ̀ 3:29

Ke dú kɛ nyɛ́n dú Krisì tɛn hô, zɛtɛn nyɛ́n dú Abrahamɛ̀n mɛẅi-bɔ̀ kɩ nyɛ lɛ cɔ́ ànja léyi Ɔwɔ wá ɔmùan nɔn.

1 Zhan 4:6

Tɛ́n bɔ́, bò dú Ɔwɔ tɛn. Ɔwrɔn léyi nyri Ɔwɔ nɔn, ke die bɔ̀ nukùɛ; ɔwrɔn léyi kè sɩ̀ dù Ɔwɔ tɛ̀n nɔn, nɛ́n sɩ́ die bɔ̀ nukùɛ. Ɔmu lɔ de bɔ́ le nyri eci léyi dú annanwɔrɛ Hɛ́n mán ɛnhɛ́n léyi dú ɛzɛ́n mɛ̀n nɔn.