2 Korɛntɛ̀n anmàn-bɔ̀ 10:4 - Ɛmɛẅi ankà ankrànkràn 2003

⁴ B'anhà-kɔ́n mɛ̀n lɔ, bɔ́ sɩ́ bɩ́ anwrɔnẅìemɛ̀n anhà-kɔ́n-ci: Ɔwɔ kɔrɛ̀-srɔn anhà-kɔ́n-ci hɔ̀n léyi kɛ jrɛ́ ɛbùdrɛn ɛvrivri hɔ̀n nɔn, de bɔ́ bɩ nɔn. Bɔ́ jrɛ́ ɛyɔ̀n-ankà-tro hɔ̀n,

2 Korɛntɛ̀n anmàn-bɔ̀ 10:4 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 7:22

Ɔmu lɔ de Mohizì cɔ́ Ezhiptɛ̀n hi wú ankà-nyrì lɔ fɛn kɩ srɔ ɔwrɔn vri n'ankà-dɔ́ mɛ̀n mán n'eci-hán mɛ̀n.

Rɔmɛ̀n-anmàn-bɔ̀ 13:12

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Rɔmɛ̀n-anmàn-bɔ̀ 6:13

Nyɛ́n bɩ́ vru bɩ́ ny'edùwrú yri hɔ̀n lɔ fɛn nyɛ́n wá ɛgbàn kɔ̀hɔ̀n-hán mɛ̀n. Tɛ́n nyɛ́n bɩ́ ny'edomɛ̀n nyɛ́n ce Ɔwɔ, kè dù kɛ̀ hán anwrɔn hɔ̀n léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô nyɛ́n bɩ́ ny'edùwrú mumù lɔ fɛn nyɛ́n wá ɔkɔ̀hɔ̀n léyi dú ɛnyrɔnnan-ci nɔn mɛ̀n.

1 Korɛntɛ̀n anmàn-bɔ̀ 2:5

Ɔmu lɔ de, ny'ankaẅì-bùtan lɔ kè sɩ̀ dù anwrɔnẅì ankà-nyri mɛ̀n kɛ̀ vá, tɛ́n Ɔwɔ kɔrɛ̀-srɔn mɛ̀n.

1 Korɛntɛ̀n anmàn-bɔ̀ 9:7

Kɛɛ, nyɛ́n gɔ̀ yá yɛ dɔ̀ le gɔliɛ-wrɔn dùku kɛ hán n'edomɛ̀n ɛci-zî n'ɔkɔ̀hɔ̀n-hán lɔ mɛ̀n hàn? Kale, ɔwrɔn léyi tɛ́ ɛci nɔn ke sɩ́ zî n'ɛci-tɛ́-ci tɛ̀-ẅì lɔa? Kale ɔnɔ̀n-kua-wrɔn ke sɩ́ mi n'ɔnɔ̀n nyàn-shi lɔa?

2 Korɛntɛ̀n anmàn-bɔ̀ 10:8

Ɔmuhi mɛ́n sɩ́ hán anvɛvrà ci, ke dú kɛ mɛ̀n hán ɔmùan-gbú ci ẅiɛ jan Ɛẅɛnwrɔn kɔrɛ̀-levri léyi tán bɔ̀ nɔn hɩ wú, ɛkɔrɛ̀-levri léyi n'eci-hán kɛ lɛ hán nyɛ́n fɛcüè krubɔrɛ kɔ̀hɔ̀n lɔ kɛ nán esù kɛ̀ hɔ́n ezì, kɩ kè sɩ̀ dù hɩ le y'á jrɛ́ nɛ̀n nɔn.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

2 Korɛntɛ̀n anmàn-bɔ̀ 4:7

Tɛ́n, Ɛnhɛ́n mɛ̀n nɛ̀ncüì-di-ci ndɔ lɔ dú bɔ̀ ɛmɛ̀n, kɩ bɔ̀ ẅɛn nɛ̀n anta dú ɛnsî hɔ̀n mɛ̀n, ô ye nyri kpetemɛ̀n le ɛkɔrɛ̀-srɔn vri ndɔ lɔ, dú Ɔwɔ yri và, tɛ́n kè sɩ̀ dù bɔ́ yri.

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

1 Tesalonikɛ̀n anmàn-bɔ̀ 5:8

Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro.

Kpàkpà timote 1:18

Timote, m'ɛnẅì, mɛ tán mɛ́n eci-wá-tán ndɔ léyi dú Ɔwɔ-mùan-wú ankà-dɔ̀, hɩ yɛ dɔ́ ɛnbìɛhɛ́n vra ku mɛ́n ɛwú nɔn. Ke ji le ankà-dɔ̀ ndɔ hɔ̀n lɔ kè dú v'ecüì anhà ankrankran kɔ̀n léyi è dú ɛmɛ̀n nɔn,

Anhyrɛmɛ̀n timote 2:3

È bɩ́ v'ɛgbànkàn hɔ̀n kɛ̀ hán Zhezü Krisì mùan-zri-di gɔliɛ-wrɔn tɔ̀n hɔ́.

Ebre-bɔ̀ 11:30

Ankaẅìbùtan mɛ̀n de Zheriko bù-drɛn hɔ̀n lɔ cue ɛnhibɩ́ ɛnvra léyi Izraɛlɛ̀n-bɔ̀ gbrɛnkɛn ɛbù-drɛn hɔ̀n lɔ ɔmùan ɛbi ɔbɔ̀ɛn nɔn.