2 Korɛntɛ̀n anmàn-bɔ̀ 10:2 - Ɛmɛẅi ankà ankrànkràn 2003

² mɛ sɛ́n nyɛ̀n: nyɛ́n bɩ́ hán mɛ̀n kèkrèmɛ̀n mɛ́n hán ɛnkru-shishi-ci ɛnvra léyi mɛ lɛ vá ny'edúyri nɔn; ɔmuhi me ji mɛ̀n hán ɛshishi-ci mɛ̀n yé anwrɔn hɔ̀n léyi ke tro le bɔ́ eci-hán dú anwrɔnẅìemɛ̀n tɛ̀kɩ.

2 Korɛntɛ̀n anmàn-bɔ̀ 10:2 Iomraidhean Croise

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:4

Ɔwɔ hán eci ndɔ lɔ, ô ɛnyànmàn wú ci hɔ̀n lɔ kɛ sá nmù bɔ́ ɛmɛ̀n, bɔ́ léyi bɔ́ ɛwúvà ke sɩ́ vru crɛnyan bɔ̀, tɛ́n ke le dú Ɛnhɛ́n Prɔnprɔn mɛ̀n nɔn.

Rɔmɛ̀n-anmàn-bɔ̀ 8:5

Annanwɔrɛ mɛ̀n lɔ, anwrɔn hɔ̀n léyi y'ɛwúvà kɛ crɛ nyan yɔ nɔn, yɔ hán y'ɛnbɔrɛmɛ̀n ci hɔ̀n lɔ; tɛ́n anwrɔn hɔ̀n léyi y'ewúvà lɔ dú Ɛnhɛ́n Prɔnprɔn mɛ̀n nɔn, yɔ wá Ɛnhɛ́n Prɔnprɔn ci hɔ̀n lɔ esùva.

2 Korɛntɛ̀n anmàn-bɔ̀ 1:17

M'ɛyri-wá-hɔ̀n ndɔ lɔ, ke yé tán le mɛ̀n sɩ̀ bɔ̀sɔ̀ m'edomɛ̀n anvrɛnvrɛn hàn? Ɛci hɔ̀n léyi mɛ wá mɛ̀n hán nɔn, dú ɔwrɔnẅì ankà-tro ci, hɩ kɛ lɛ hán tán le mɛ̀n krɔn kpehɛ́n mɛ̀n dɔ̀ le: “Hɛ̀ɛ̀” mán “Hɔ̂” ɛnvra zri lɔ mɛ̀n hàn?

2 Korɛntɛ̀n anmàn-bɔ̀ 11:21

Anvɛvrà kɛ ẅɛn mɛ̀n n'ɛdɔ́ mɛ̀n: Bɔ̀ ẅɛn ɛjɛ̀ sevri ankà ndɔ lɔ mɛ̀n! Tɛ́n, ɛyri léyi anwrɔn ndɔ hɔ̀n kɛ ẅɛn ɔmùan-gbú kɔrɛ̀-levri nɔn (mɛ dɔ́ ankà kɛ hán le nmù-wrɔn hɔ́) mɛ̀n mán mɛ̀n ẅɛn yi kɔrɛ̀-levri lɔ.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 13:2

Mɛ̀n ẅɛn ankà-bi-dɔ̀ tɔ̀n mɛ lɛ tán anwrɔn hɔ̀n léyi hán ɛgbàn ɛnbiɛhɛ́n vra mán yɔ ndɔ hɔ̀n lɔ fɛn; mɛ́n gɔ̀ dɔ́ ankà ndɔ lɔ ɛnvra léyi mɛ̀n dú nyɛ̀n ɛmɛ̀n m'anhyrɛmɛ̀n yri và lɔ mɛ̀n ny'edúyri, tɛ́n mɛ̀n vru mɛ dɔ́ nyɛ̀n zɛtɛ̀ lɔ le mɛ́n sɩ̀ dú nyɛ̀n ɛmɛ̀n: ɛnbì nyàntɛn léyi mɛ lɛ và mɛ̀n kán nyɛ̀n nɔn, mɛ́n sɩ̀ wú ɔwrɔn zriɛmɛ́n ɛnhyɔ̀bɔ̀.