2 Korɛntɛ̀n anmàn-bɔ̀ 10:1 - Ɛmɛẅi ankà ankrànkràn 2003

¹ Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 10:1 Iomraidhean Croise

Matie 11:29

Nyɛ́n bɩ́ m'ejüedì gbànkàn lɔ, ô nyɛ́n teze mɛ̀n, mɛ̀n yé nyɛ̀n ankà, ɔmuhi mɛ́n wɔ̀ kɩ mɛ́n dú ɛnhyɔ̀bɔ-wrɔn nɔn, kɩ nyɛ lɛ cɔ́ ɛwrɔncüe léyi dú nyɛ́n dùku nyɛ tɛn nɔn.

Matie 21:5

“Nyɛ́n dɔ́ Siɔn anmàn-bɔ̀ le: Nyàn, v'ɛnnɛ̀ncüì lɔ kɛ vá mɛ́n, anwɔwɔ yɩ́ nɛ̀n ɛmɛ̀n, nɛ̀n yɛ́ frimú-sɛ̀n mán frimú-ẅì wúɛ, frimú-sɛ̀n ẅì.”

Ɔkɔ̀hɔ̀n-wá-bɔ̀ kɔ̀hɔ̀n hán 8:32

Owrú Prɔnprɔn ankà-dɔ̀ léyi nɛ krɛ̀ nɔ̀n, dú ankà-dɔ̀ ndɔ lɔ: “Nɛ́n dù nɛ̀n hán kɔ̀kɔ̀sɛ̀ léyi ye sɩ́ owri-yri, (owú-kɔ̀ mɛ̀n) kɔkɔsɛ̀-ẅì léyi ke sɩ́ jɔ̀kɔa ɛnvra léyi yɛ kùa nɛ̀n ɛtù nɔn. Nɛ̀n sɩ̀ dɔ̀ ankà zriɛmɛ́n.

Rɔmɛ̀n-anmàn-bɔ̀ 10:20

Ezàhi kɛ sɔ́n ɛkɔrɛ̀ angbà kɛ dɔ̀ le: “Ɔwɔ kɛ dɔ̀ le, anwrɔn hɔ̀n léyi kè sɩ̀ dù m'ejiemɛ̀n nɔn de cɔ́ mɛ̀n nɔn, mɛ̀n bɩ́ m'edomɛ̀n mɛ̀n yé anwrɔn hɔ̀n léyi kè sɩ̀ sán mɛ̀n eci zriɛmɛ́n nɔn.”

Rɔmɛ̀n-anmàn-bɔ̀ 12:1

Anwrɔn-nɛ́n-muan-ẅì hɔ̀n, ɔmuhi Ɔwɔ yé bɔ̀ n'ɛcüɛ̀n lɔ nɔn, me yɩ́ nyɛ̀n edù nyɛ́n bɩ́ nyɛ́n mumù lɔ ankɔrɛ-kɔrɛ mɛ̀n nyɛ́n ce nɛ̀n, ndɔ lɔ de dú n'ɛvɛ̀-cüɛn-ci nɔn. Hɩ lɔ de dú ecice-kɔ̀hɔ̀n-hán annanwɔrɛ léyi dú ɔwɔ̀ɛn nyɛ́n ẅɛn nɛ̀n nɔn.

Rɔmɛ̀n-anmàn-bɔ̀ 15:15

Ɔmu tɛ̀kɩ, mɛ̀n merɛ́n nyɛ̀n owrú ɛkɔrɛ̀levriemɛ̀n, ô owrú lɔ mɛ̀n, mɛ̀n kore nyɛ̀n ankà léyi nyɛ́n gɔ́ nyrì nyɛ́n hɛ́n nɔn. Mɛ̀n merɛ́n owrú ɔmu lɔ ɛkɔrɛ̀-wá léyi Ɔwɔ tán mɛ̀n nɔn hɩ wú,

1 Korɛntɛ̀n anmàn-bɔ̀ 2:3

Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú;

1 Korɛntɛ̀n anmàn-bɔ̀ 4:10

Krisì kruhú bɔ̀ srɔ nmù-hán-bɔ̀, tɛ́n, nyɛ́n dú ankà-nyriemɛ̀n nyɛ́n mán Krisì mɛhi ny'ɔbɔ̀sɔ̀ lɔ mɛ̀n; bɔ́ jɛ̀, tɛ́n, nyɛ́n ẅɛn ecüì; bɔ̀ srɔ egbri-bɔ̀, tɛ́n, nyɛ́n ẅɛn ɔwá!

1 Korɛntɛ̀n anmàn-bɔ̀ 4:21

Ecitan de nyɛ cüɛ̀n nɛ́n? Mɛ̀n bɩ́ ɛtɛ̀ kpò mɛ̀n vá nyɛ̀n ɛmɛ̀n, kale mɛ̀n bɩ́ ɛnbɔrɛ léyi ɛcüɛ̀n mán anwɔwɔ yɩ́ ɛmɛ̀n nɔn mɛ̀n vàà?

2 Korɛntɛ̀n anmàn-bɔ̀ 10:10

Annanwɔrɛ mɛ̀n lɔ, nyàn ankà léyi yɛ dɔ̀ nɔn: “Pɔlɛ̀n wrú-merɛ́n hɔ̀n lɔ, sɔ́ kɩ dú ɛshishi; tɛ́n ɛnvra léyi nɛ́n dùku ne dú bɔ̀ ɛmɛ̀n nɔn, nɛ̀n dú ɛjɛ́mɛ̀n kɩ n'ankà-dɔ̀ ẅɛn ɛnhyɔ̀bɔ̀.”

2 Korɛntɛ̀n anmàn-bɔ̀ 10:2

mɛ sɛ́n nyɛ̀n: nyɛ́n bɩ́ hán mɛ̀n kèkrèmɛ̀n mɛ́n hán ɛnkru-shishi-ci ɛnvra léyi mɛ lɛ vá ny'edúyri nɔn; ɔmuhi me ji mɛ̀n hán ɛshishi-ci mɛ̀n yé anwrɔn hɔ̀n léyi ke tro le bɔ́ eci-hán dú anwrɔnẅìemɛ̀n tɛ̀kɩ.

2 Korɛntɛ̀n anmàn-bɔ̀ 10:7

Nyɛ nyan ɛci hɔ̀n kɛ hán ɔmu le yɔ dù nɔn hɔ́. Zɛtɛn, ke dú kɛ ɔwrɔn tɔ̀n ke bú tán le nɛ̀n dú Krisì tɛn, ke ji le nɛ̀n vru nɛ̀n tro ankà ndɔ lɔ: bɔ́ dú Krisì tɛn hán ɔmu le nɛ́n mán nɛ̀n dú Krisì tɛn nɔn hɔ́.

2 Korɛntɛ̀n anmàn-bɔ̀ 11:21

Anvɛvrà kɛ ẅɛn mɛ̀n n'ɛdɔ́ mɛ̀n: Bɔ̀ ẅɛn ɛjɛ̀ sevri ankà ndɔ lɔ mɛ̀n! Tɛ́n, ɛyri léyi anwrɔn ndɔ hɔ̀n kɛ ẅɛn ɔmùan-gbú kɔrɛ̀-levri nɔn (mɛ dɔ́ ankà kɛ hán le nmù-wrɔn hɔ́) mɛ̀n mán mɛ̀n ẅɛn yi kɔrɛ̀-levri lɔ.

2 Korɛntɛ̀n anmàn-bɔ̀ 11:30

Ke dú kɛ ke ji le mɛ̀n gbú ɔmùan, me le gbú ɔmùan m'ɛjɛ̀ lɔ wú.

2 Korɛntɛ̀n anmàn-bɔ̀ 12:5

Ɔwrɔn ndɔ lɔ me le gbú n'ɔmùan; tɛ́n, mɛ tɛn, me le gbú m'ɛjɛ́ mùan kɩ.

2 Korɛntɛ̀n anmàn-bɔ̀ 3:12

Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn.

2 Korɛntɛ̀n anmàn-bɔ̀ 5:20

Zɛtɛn bɔ̀ dú ankà-bɔ̀sɔ-bɔ̀ léyi Krisì wá ɔkɔ̀hɔ̀n, kɩ ndù hán le Ɔwɔ dùku de ke bi nyɛ̀n b'ɔmùan wú nɔn: bɔ́ sɛ́n nyɛ̀n Krisì bɩmɛ̀n, nyɛ́n teze ny'edomɛ̀n Ɔwɔ mɛhi angranmɛ̀n kɛ̀ wɔ nyɛ̀n.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

2 Korɛntɛ̀n anmàn-bɔ̀ 7:4

Mɛ̀n ẅɛn ny'esɛ́ vri, me gbú ɔmùan ny'ɛwú. B'obòtò hɔ̀n lɔ fɛn mɛ̀n, mɛ̀n dú edúyiemɛ̀n kɩ pɔ̀püɛ̀-brà yɩ́ m'ɛnbɔrɛ lɔ.

Galasi anmàn-bɔ̀ 4:13

Ke bru nyɛ̀n eci le kruhú léyi kpàkpà mɛ̀n lɔ mɛ̀n dɔ́ nyɛ̀n Ɛmɛẅi ankà Ankrànkràn lɔ nɔn: ɔmuhi mɛ̀n dú ɛnlɔẅiɛ mɛ̀n nɔn.

Galasi anmàn-bɔ̀ 5:2

Nyɛ́n die nukùɛ! Mɛ̀n, Pɔlɛ̀n, mɛ dɔ́ nyɛ̀n annanwɔrɛ mɛ̀n le: ke dú kɛ nyɛ hán ye wi nyɛ̀n wúcɔ̀-domɛ̀n hô, zɛtɛn Krisì srɔ ny'eci woro.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Filipɛ̀n anmàn-bɔ̀ 4:5

Ke ji le ny'ɛzrɔ lɔ kè di ebɩ anwrɔn lɔ fɛn zìwú. Ɛẅɛnwrɔn kɛ lɛ vá ɛnvra bruemɛ̀n.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

2 Tesalonikɛ̀n anmàn-bɔ̀ 3:17

Mɛ́n dùku de mɛ̀n merɛ́n owrú ndɔ lɔ nɔn: Pɔlɛ̀n binyan. Nyàn ɔmu lɔ de me wá m'ɛwrú hɔ̀n lɔ fɛn ɛkɔrɛ̀ ɛmɛ̀n nɔn; Ɔmu lɔ de me merɛ́n owrú nɔn.

Filemɔn 1:19

M'ɛkɔrɛ̀ wrú de dú ankà-dɔ̀ ndɔ hɔ̀n lɔ nɔn: Mɛ̀n Pɔlɛ̀n, mɛ lɛ wɔrɛ̀ tán mɛ́n. Mɛ́n sɩ́ ji mɛ̀n kore mɛ́n le, v'ɛwúvà lɔ, ɛ̀ ẅɛn mɛ̀n n'ɔwɔ̀ɛn.

Filemɔn 1:9

mɛ cüɛ̀n le mɛ̀n sán mɛ́n eci ɛcüɛ̀n bɩ́mɛ̀n. Ɔmu léyi mɛ́n dù, mɛ̀n Pɔlɛ̀n, nɛ̀ngbanvri-wrɔn, kɩ zɛtɛ̀ lɔ yɛ hɛ́n mɛ̀n anwɔn-mɛ̀n-wá-wɔn mɛ̀n Zhezü Krisì kruhú,

1 Piɛrɛ̀n 2:11

Mɛ dɔ́ nyɛ̀n, annyran anvrɛn hɔ̀n, nyɛ́n léyi nyɛ́n dú ɛmɛ̀n-nyantɛn mɛ̀n bɔ̀, kɩ nyɛ́n dú anwɔ̀nẅiemɛ̀n ɛnhi wú nɔn: nyɛ́n wá ny'edomɛ̀n esùva anwrɔnẅì afùyà ci-hán tɛ̀sɛ̀n, afùyà hɔ̀n léyi kɛ kɔ́n nyɛ̀n anhà edomɛ̀n nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.