2 Korɛntɛ̀n anmàn-bɔ̀ 1:7 - Ɛmɛẅi ankà ankrànkràn 2003

⁷ Ɔmu lɔ de bɔ̀ ẅɛn esɛ́ vri ny'ɛwú; ɔmuhi, bɔ́ nyrì le, hán ɔmu le nyɛ́n dú bɔ́ ɛgbànkàn hɔ̀n lɔ mɛ̀n nɔn, nyɛ́n mán nyɛ́n dú ɛnbɔrɛ-bi-wá léyi bɔ́ cɔ̀ nɔn mɛ̀n.

2 Korɛntɛ̀n anmàn-bɔ̀ 1:7 Iomraidhean Croise

Matie 23:30

kɩ nyɛ dɔ̀ le: ‘Ke dú kɛ bɔ̀ kán bɔ́ nancüì hɔ̀n lɔ, bɔ́ sɩ̀ dú yɔ ɛmɛẅi, ô yɔ wri Ɔwɔ-mùanwú-ankà-dɔ́-bɔ̀.’

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

2 Korɛntɛ̀n anmàn-bɔ̀ 1:14

nyɛ yá zɛtɛ̀ lɔ ɛcá mán ɛcá mɛ̀n: bɔ́ Ɛẅɛnwrɔn Zhezü vá bì lɔ, ɛkɔrɛ̀-levri dù nye le gbú ɔmùan bɔ́ ɛwú kɩ bɔ́ mán bɔ́ le gbú ɔmùan ny'ɛwú.

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

2 Korɛntɛ̀n anmàn-bɔ̀ 7:9

Tɛ́n zɛtɛ̀ lɔ mɛ brá pɔpüɛ̀ kɩ kè sɩ̀ dù hɩ le mɛ̀n wá nyɛ̀n obòtò ɛmɛ̀n nɔn, tɛ́n ny'obòtò lɔ hán nyɛ̀n nyɛ́n crɔn ny'eci-hán-ci. Obòtò ndɔ lɔ ndù hán hɩ le Ɔwɔ ke ji nɔn, hán tán kɩ bɔ̀ sɩ̀ vrù hán nyɛ̀n ɛgbàn zriɛmɛ́n.

Anhyrɛmɛ̀n timote 2:12

ke dú kɛ bɔ́ nyɔn ɛshishiemɛ̀n, bɔ́ mán nɛ́n mɛhi bɔ́ lɛ ẅɛn ɛyri; ke dú kɛ bɔ́ kɔ́n nɛ̀n bɔ́ ze, nɛ́n mán nɛ lɛ kɔ́n bɔ̀ ne le ze;

Anhyrɛmɛ̀n timote 3:11

m'ejüedì hɔ̀n mán m'ɛgbànkàn hɔ̀n mɛ̀n. È nyri eci léyi wɔɛn mɛ̀n Antiɔshɛ̀n, Ikoniɔmɛ̀n mán Listrɛ̀n anmàn nɔn, kɩ è nyri ejüedi hɔ̀n léyi mɛ̀n srɔ́n ɛsù nɔn. Tɛ́n Ɛẅɛnwrɔn mrɛ́n mɛ̀n ɛgbànkàn hɔ̀n lɔ fɛn mɛ̀n sɔhɔ́.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.