2 Korɛntɛ̀n anmàn-bɔ̀ 1:6 - Ɛmɛẅi ankà ankrànkràn 2003

⁶ Ke dú kɛ bɔ́ dú ɛgbànkán mɛ̀n hô, ny'ɛnbɔrɛ-bi-wá mán ɛnkrukɔrɛ̀ léyi nyɛ lɛ cɔ̀ nɔn hɩ kruhú; ke dú kɛ bɔ́ cɔ́ ɛnbɔrɛ-bi-wá hô, ɛnbɔrɛ-bi-wá ndɔ léyi nyɛ lɛ cɔ̀ nɔn, kɛ lɛ tán nyɛ̀n ɛgbànkàn dùsɔ́ ɛnbɔrɛ-ẅɛ̀n-hɛ́n mɛ̀n, ɛgbànkàn zri léyi bɔ́ mán bɔ́ kàn nɔn.

2 Korɛntɛ̀n anmàn-bɔ̀ 1:6 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 21:5

Tɛ́n ɛnvra léyi ɛnbifɔn kru zri lɔ trɔ nɔn, bɔ̀ vru bɔ́ ku ɛnlevri bɔ́ hɔ̀n. Yɔ lɔ fɛn, yɔ hi hɔ̀n mán y'ɛẅì hɔ̀n, yɔ hɔ́n sɩ́ bɔ̀ anmàn kru ɛntrɛ srɔ mɛ̀n. Bɔ̀ shɛ́n ecüe gbàtà-mùan kɩ bɔ́ sɛ́n Ɔwɔ.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

2 Korɛntɛ̀n anmàn-bɔ̀ 1:4

Ne bi ɛnbɔrɛ wá bɔ̀, bɔ́ ɛgbànkàn hɔ̀n lɔ mɛ̀n, ô bɔ́ mán bɔ̀ bi ɛnbɔrɛ bɔ̀ wá anwrɔn léyi ke ci ɛgbànkàn bobrebe zìwú, ô bɔ̀ hɔ̀n sɩ́ yɔ ɛnbɔrɛ-bi-wá léyi bɔ̀ cɔ́ n'eyri nɔn.

2 Korɛntɛ̀n anmàn-bɔ̀ 12:15

Mɛ tɛn tɛ́n, me le dú ɛnbɔrɛ-bruemɛ̀n ke dú kɛ mɛ jrɛ́ eci lɔ fɛn léyi mɛ́n ẅɛ̀n mán mɛ́n mumù mɛhi ny'ɛkruhú. Nyɛ lɛ cüɛn mɛ̀n ɛẅiɛ tɛ̀kɩ, ke dú kɛ mɛ ẅɛn ny'ɛcüɛ̀n vri ɔmu lɔa?

2 Korɛntɛ̀n anmàn-bɔ̀ 5:5

Ɔwɔ dùku de wá ndɔ lɔ tán bɔ̀ nɔn, kɩ nɛ̀n tán bɔ̀ n'Ɛnhɛ́n kè dú anhoba ci kɛ̀ vrá anvrɛn hɔ̀n léyi nɛ wá nɛ̀n hɛ́n bɔ̀a nɔn.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Filipɛ̀n anmàn-bɔ̀ 1:19

ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.

Anhyrɛmɛ̀n timote 2:10

Hɩ le kruhú de mɛ̀n shri fɛn mɛ́n bɩ, kè dú anwrɔn hɔ̀n léyi Ɔwɔ mrɛ́n bɩ nɔn, y'anvrɛn, ô yɔ mán yɔ cɔ́ ɛnkru-kɔrɛ̀ léyi dú Zhezü Krisì yri nvà, hɩ mán ecizrɔ léyi ke sɩ́ trɔa nɔn.