Biblia Todo Logo
Bìoball air-loidhne

- Sanasan -




2 Korɛntɛ̀n anmàn-bɔ̀ 1:12 - Ɛmɛẅi ankà ankrànkràn 2003

12 Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

Faic an caibideil Dèan lethbhreac




2 Korɛntɛ̀n anmàn-bɔ̀ 1:12
40 Iomraidhean Croise  

Pɔlɛ̀n crɛ anvɛ̀ kɛ́n anwrɔn hɔ̀n léyi kɛ vá nɛ̀n ɛmrɛ̀nci yri nɔn kɩ kɛ dɔ̀ le: “Anwrɔn-nɛ́n-mùan-ẅì hɔ̀n, ɛnborɛ zriemɛ̀n de mɛ̀n dú Ɛẅɛnwrɔn ci-bɩ̀tan-wrɔn hàn kɩ cɔ́ zɛtɛ̀ lɔ nɔn.”


Hɩ le kruhú de mɛ hán kekremɛ̀n, ô mɛ̀n ẅɛn wàwúyɛ fifi Ɔwɔ zìwú mán anwrɔnẅì zìwú nɔn.


Ankà léyi mɛ vá ɛ dɔ́ yri nɔn dú ankà annanwɔrɛ; mɛ́n sɩ́ ẅɛn ɔyɔ̀n, ɔmuhi mɛ̀n dú Krisì tɛn nɔn; m'ɛnbɔrɛ léyi Ɛnhɛ́n Prɔnprɔn kɛ nyrɔn nɔn ke yé le mɛ dɔ́ ankà annanwɔrɛ:


Krisì kè sɩ̀ wá mɛ̀n ɔkɔ̀hɔ̀n mɛ̀n wá anwrɔn ɛnshi ɛnkru: nɛ̀n wá mɛ̀n ɔkɔ̀hɔ̀n mɛ̀n dɔ́ Ɛmɛẅi ankà Ankrankran lɔ, kɩ ndɔ lɔ, mɛ̀n sɩ̀ vrà anwrɔnẅì ankà-nyri-brɛ̀ lɔ, ô ɔmu lɔ, Krisì kɔrɛ̀srɔn-wù ɛgbàn-hán-tɛ̀ wú, ke bɩ́ srɔ eci kora.


Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.


Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.


Kɩ bɔ́ dɔ́ n'ankà, kɩ kè sɩ̀ dù ɛnbrɛ̀ léyi ɔwrɔnẅì ankà-nyrì ke yé nɔn hɩ mɛ̀n, tɛ́n ɛnbrɛ̀ léyi Ɔwɔ Hɛ́n ke yé nɔn, hɩ mɛ̀n. Ɔmu lɔ de bɔ́ dɔ́ anwrɔn hɔ̀n léyi ẅɛn Ɛnhɛ́n ndɔ lɔ nɔn, Ɛnhɛ́n Prɔnprɔn ankà annanwɔrɛ hɔ̀n lɔ fɛn, hɩ mɛ̀n ankà nɔn.


Annanwɔrɛ mɛ̀n lɔ, m'ɛnbɔrɛ ke sɩ́ yerɛ mɛ̀n ankà zriɛmɛ́n, tɛ́n, hɩ mɛ̀n ke sɩ́ dɔ́ le, mɛ̀n dú ɛnyrɔnnan-wrɔn. Ɛẅɛnwrɔn dú ɔwrɔn léyi ke ci mɛ̀n ɛmrɛ̀n nɔn.


Bɔ̀ koran b'ɔkoran bì lɔ, kè sɩ̀ dù hɩ mán abùtùkumɛ́n léyi ɛgbàn ci-fɔ́-ci mán esùnàn gbàngbàn dú ɛmɛ̀n nɔn, tɛ́n hɩ mán abùtùkumɛ́n léyi eci-fɔ́-ci bàda ɛmɛ̀n, hɩ ɛfifi mán annanwɔrɛ dú ɛmɛ̀n nɔn.


M'ɛyri-wá-hɔ̀n ndɔ lɔ, ke yé tán le mɛ̀n sɩ̀ bɔ̀sɔ̀ m'edomɛ̀n anvrɛnvrɛn hàn? Ɛci hɔ̀n léyi mɛ wá mɛ̀n hán nɔn, dú ɔwrɔnẅì ankà-tro ci, hɩ kɛ lɛ hán tán le mɛ̀n krɔn kpehɛ́n mɛ̀n dɔ̀ le: “Hɛ̀ɛ̀” mán “Hɔ̂” ɛnvra zri lɔ mɛ̀n hàn?


Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.


Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.


Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.


Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.


Ke ji le ɔwrɔnwrɔn kɛ̀ crɛ́n nɛ́n dùku n'esùnàn; ke dú kɛ hɩ wú lɔ, nɛ lɛ mrɛ́n n'edomɛ̀n tɛ̀ hô, zɛtɛn ɛmrɛ́n ndɔ lɔ dú nɛ́n zri nɛ tɛn, kɩ ye sɩ̀ bɩ́ nɛ̀n yɛ krɔn ɔwrɔn nyantɛn.


Nyɛ́n krɔn kpehɛ́n nyɛ́n nyɔn: annanwɔrɛ kè dú nyɛ́n pɛtɛ̀n nyɛ́n nyɔn ɛwùe; ɛnnyrɔnnan kè dú nyɛ́n anhà-kɔ́n ceci;


ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.


Hɩ wú lɔ, nyɛ́n mán Ɔwɔ mɛhi nyɛ́n dú bɔ́ dalɛfuɛ-di-bɔ̀: bɔ́ esùnàn ny'ɛtɛ̀sɛ̀n, ankaẅì-bùtan-ẅɛn-bɔ̀, dú ɛfifi mán ɛnyrɔnnan léyi ye sɩ̀ cɔ́ eci-gbàbgbàn n'ɛwú nɔn mɛ̀n.


Eci wá tán ndɔ lɔ, kɛ tán ɛcüɛ̀n léyi ke dú ɛnbɔrɛ fifiemɛ̀n, wàwúyɛ anvrɛnvrɛn mɛ̀n mán ankaẅìbùtan annanwɔrɛ mɛ̀n kɛ̀ và nɔn.


Vɛ́n dùku mán ke ji le è dú sɛnpò v'eci-ankrànkràn-hán mɛ̀n. V'eci-yé kè dú ɔmùan-zri mán anvrɛnvrɛn.


Nyɛ́n sɛ̀n nyɛ́n tán bɔ̀. Bɔ̀ ẅɛn esɛ́ le, bɔ̀ ẅɛn wàwúyɛ ankrankran, ɔmuhi bɔ́ ji le bɔ̀ nyrɔn bɔ́ edomɛ̀n anvrɛnvrɛn eci lɔ fɛn mɛ̀n nɔn.


Ɔmu tɛ̀kɩ ɛboafɔ̀n léyi Ɔwɔ kɛ tán bɔ̀ nɔn sevri, ɔmuhi Owrú Prɔnprɔn ndɔ̀ le: “Ɔwɔ kɛ kɛ́n tùtre-bɔ̀ ezì, kɩ nɛ cüɛ́n ɛnhyɔ̀bɔ̀-di-bɔ̀.”


Tɛ́n eci-hán ndɔ lɔ, nyɛ́n hán nɛ̀n sɔ̀hɔ̀ mɛ̀n mán ɔwá mɛ̀n. Nyɛ́n ẅɛn wàwúyɛ fifi, ô anwrɔn hɔ̀n léyi kɛ dɔ́ ankà gbàn ku nyɛ́n Krisì sɛnkɛn-bɔ̀ sùnan ankrànkràn lɔ ɛwú nɔn, y'ɛyɔ̀n anvɛvrà kɛ̀ ẅɛn yɔ.


Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,


Lean sinn:

Sanasan


Sanasan