2 Korɛntɛ̀n anmàn-bɔ̀ 1:1 - Ɛmɛẅi ankà ankrànkràn 2003

¹ Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 1:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 16:1

Pɔlɛ̀n bru Derbɛ̀n anmàn, zɛtɛn hɔ́n Listrɛ̀n anmàn. Ankaẅì-bùtan-ẅɛn-wrɔn tɔ̀n ye bi Timote dú nanvrɛn; nɛ́n muan dú Zhüifɛ̀n-nyɔnwrɔn léyi srɔ Krisì sɛ̀nkɛn-hi, tɛ́n nɛ́n zi dú Grɛkɛ̀n-wrɔn.

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

Rɔmɛ̀n-anmàn-bɔ̀ 16:21

Timote, m'anyran anvrɛn ɔkɔ̀hɔ̀n hán mɛ̀n, ke bi nyɛ̀n nyan, ɔmu zri lɔ de Lüsiüsɛ̀n, Zhasɔn mán Sozipatɛrɛ̀n, m'ɛmɛ̀n-bɔ̀ ke bi nyɛ̀n nyan nɔn.

Rɔmɛ̀n-anmàn-bɔ̀ 16:5

M'ebinyan kè dú Ɔwɔ fɛcüè léyi kɛ borɛ y'edomɛ̀n ɛkru y'anmàn nɔn tɛn. M'ebinyan kè dú annyran anvrɛn Epahinɛtɛ̀n tɛn, nɛ́n léyi nɛ̀n dú ɛnvrakpà-wrɔn, nɛ̀n srɔ ankaẅì-bùtan-ẅɛn-wrɔn Krisì bɩmɛ̀n, Azi kpɔsɔ wú nɔn.

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 16:15

Nyɛ́n nyri Stefanasɛ̀n mán n'ɛmɛ̀n mɛ̀n-bɔ̀; nyɛ́n nyrì le Akahi kpɔsɔ wú lɔ, yɔ dú ɛnvrakpà-bɔ̀ léyi crɔn ɛnkru, kɩ yɔ dú fɛcüè krubɔrɛ ci-bɩ̀tan-kɔ̀hɔ́n mɛ̀n. Anwrɔn-nɛ́n-muan-ẅì hɔ̀n, zɛtɛn mɛ sán nyɛ̀n ndɔ lɔ:

1 Korɛntɛ̀n anmàn-bɔ̀ 16:24

Mɛ cüɛn nyɛ lɛ fɛn Zhezü Krisì mɛhi b'ɔbɔ̀sɔ̀ lɔ mɛ̀n.

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 11:10

Krisì annanwɔrɛ ankà léyi dú mɛ̀n ɛmɛ̀n nɔn, mɛ dɔ̀ le: ɔwrɔn zriɛmɛ́n ke sɩ́ mrɛ́n m'ɔmùan-gbù lɔ kɛ̀ sɔhɔ́ rɔ́, Akàhi kpɔsɔ ndɔ lɔ fɛn wú.

2 Korɛntɛ̀n anmàn-bɔ̀ 9:2

Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.

Galasi anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi yɛ wá nɛ̀n ɔkɔhɔ̀n-wá-wrɔn, kè sɩ̀ dù anwrɔnẅì mán ɔwrɔn nyantɛn tɔ̀n kɔrè-levriemɛ̀n, tɛ́n Zhezü Krisì mán Ɔwɔ Zi léyi hán nɛ̀n nɛ̀n vá ɔkɔrɛ-bɔ̀ mɛ̀n nɔn.

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

Kpàkpà timote 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì sɛnkɛn-wrɔn, Ɔwɔ, bɔ́ ebɩdie-wrɔn mán Zhezü Krisi, bɔ́ esɛ́-wrɔn kɔrɛ̀levriemɛ̀n nɔn.

Anhyrɛmɛ̀n timote 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn Ɔwɔ kɔrɛ̀levriemɛ̀n, kɩ yɛ tán nɛ̀n nɛ̀n dɔ́ ɛwúvà-kɔrɛ̀ léyi yɛ wá bɔ̀ ɔmùan Zhezü Krisì bɩmɛ̀n nɔn yi ankà.

Titɛ̀n 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn. Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú,

Filemɔn 1:1

Ebinyan ndɔ lɔ dú Pɔlɛ̀n yri và, nɛ́n léyi yɛ wá nɛ̀n anwɔn-mɛ̀n, ɔmuhi nɛ̀n srɔ Zhezü Krisì ci-bɩ̀tan-wrɔn nɔn, ebinyan zri lɔ dú bɔ́ muanẅì Timote yri và. Vɛ́n Filemɔn, bɔ́ nyran anvrɛn mán b'ɔkɔ̀hɔ̀n hán kɔrɛ̀-wá-wrɔn,

Ebre-bɔ̀ 13:23

Mɛ tán nyɛ̀n nyɛ́n nyrì le, bɔ́ muan-wì Timote dú anwɔn-mɛ̀n wá-wɔn mɛ̀n srɔ ɛntrɛ. Ke dú kɛ nɛ gɔ́ và hô, mɛ̀n mán nɛ́n mɛhi bɔ́ lɛ và bɔ̀ nyan nyɛ̀n.