1 Tesalonikɛ̀n anmàn-bɔ̀ 5:9 - Ɛmɛẅi ankà ankrànkràn 2003

⁹ Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

1 Tesalonikɛ̀n anmàn-bɔ̀ 5:9 Iomraidhean Croise

Matie 26:24

Ɔwrɔnẅì Ẅì ke le wù, hán ɔmu le Ɛwrú Prɔnprɔn hɔ̀n merɛ́n n'ɛwú nɔn. Tɛ́n muzhie tán ke le dù tán ɔwrɔn léyi kɛ lɛ hɛ́ ɔwrɔnẅì Ẅì nɔn! Zrɔ tán le, nɛ́n, ɔwrɔn ndɔ lɔ, ye bɩ́ bî nɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 1:20

Tɛ́n, nyàn ankà léyi ye merɛ́n Ɔwɔ-mrɛ́n wrú lɔ mɛ̀n nɔn: ‘Ke ji le ye teze n'ɔwɔn lɔ, ô ɔwrɔn zriɛmɛ́n ke bɩ́ dú nɛ̀n ɛmɛ̀n.’ Kɩ ye vru ye merɛ́n le: ‘Ke ji le ɔwrɔn nyàntɛn ke bɩ́ n'ɔkɔ̀hɔ̀n lɔ.’

Ɔkɔ̀hɔ̀n-wá-bɔ̀ kɔ̀hɔ̀n hán 1:25

ô, ɔkɔ̀hɔ̀n-wá-bɔ̀ kɔ̀hɔ̀n ndɔ lɔ mɛ̀n, kè bɩ́ ɛyri léyi Zhüda teze hɔ́n ɔkɔ̀hɔ̀n léyi nɛ̀n mrɛ́n nɛ́n bɩ̀ nɔn mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 13:48

Ɛnvra léyi anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn yá ankà ndɔ lɔ nɔn, yɔ dú pɔpüɛ̀ mɛ̀n kɩ yɔ mrɛ́n Ɛẅɛnwrɔn ankà-dɔ̀ lɔ. Anwrɔn lɔ fɛn léyi, yɛ wá ɛwúvà léyi ke sɩ́ trɔa ɔmùan nɔn, srɔ ankaẅì-bùtan-ẅɛn-bɔ̀.

Rɔmɛ̀n-anmàn-bɔ̀ 11:30

Ɛnbiɛhɛ́n vra lɔ nyɛ́n kɔ́n Ɔwɔ mùan-ankà nyɛ́n cüe; tɛ́n zɛtɛ̀ lɔ, nyɛ́n cɔ́ Ɔwɔ yɔ̀bɔ̀-nyrì, ɔmuhi Zhüifɛ̀n-bɔ̀ kè sɩ̀ wà Ɔwɔ nɔn.

Rɔmɛ̀n-anmàn-bɔ̀ 11:7

Ecitan de yɛ cɔ́ n'ɛmɛ̀n lɔ nɛ́n? Izraɛlɛ̀n fɛcüè kè sɩ̀ cɔ̀ eci léyi nɛ̀n dú ejiemɛ̀n nɔn; yɔ zri léyi Ɔwɔ mrɛ́n yɔ nbɩ nɔn kɩ yɔ cɔ́ eci lɔ. Anwrɔn ndɔ hɔ̀n tɛn, yɔ srɔ eci woro ankà-yá mɛ̀n,

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

1 Tesalonikɛ̀n anmàn-bɔ̀ 3:3

ô ny'ɛmɛ̀n lɔ ɔwrɔn zriɛmɛ́n ke bɩ́ teze n'edomɛ̀n kɛ tán owú-gbànkàn léyi bɔ̀ cɔ́ Ɔwɔ-kɔ̀hɔ̀n-hán mɛ̀n nɔn kɛ kɔ́nká nɛ̀n. Nyɛ́n dùkú mán nyɛ́n nyrì le, owú-gbànkàn ndɔ hɔ̀n lɔ dú Ɔwɔ ankɔnda ci-hán lɔ mɛ̀n, bɔ́ ɛkruhú.

Kpàkpà timote 1:13

kɩ nɛ̀n sɩ̀ crɛ̀ nyan ɛnbìɛhɛ́n ci gbàngbàn léyi mɛ̀n hán nɛ̀n, mán ɔwra léyi mɛ̀n ku nɛ̀n ɛwú nɔn. Tɛ́n Ɔwɔ nyri mɛ̀n ɛnhyɔ̀bɔ̀, ɔmuhi mɛ̀n sɩ̀ ẅɛ̀n ankaẅìbùtan, kɩ mɛ́n sɩ́ nyri eci léyi mɛ hán nɔn.

Kpàkpà timote 1:16

tɛ́n hɩ le kruhú de Ɔwɔ nyri mɛ̀n ɛnhyɔ̀bɔ̀ nɔn: nɛ̀n ji ɔmu le, Zhezü Krisì kè yé le mɛ̀n dú ɛgbàn-hán-wrɔn vri, hɩ le kruhú de ne yé n'ɛnbɔrɛ-ẅɛ̀n-hɛ́n kè dú sɛnpò kɛ tán anwrɔn hɔ̀n léyi ɛnbi tɔ̀n, ke le bú n'ankà kɛ̀ tán ankaẅì, kɩ kɛ lɛ cɔ́ ɛwúvà léyi ke sɩ́ trɔa nɔn.

Anhyrɛmɛ̀n timote 2:10

Hɩ le kruhú de mɛ̀n shri fɛn mɛ́n bɩ, kè dú anwrɔn hɔ̀n léyi Ɔwɔ mrɛ́n bɩ nɔn, y'anvrɛn, ô yɔ mán yɔ cɔ́ ɛnkru-kɔrɛ̀ léyi dú Zhezü Krisì yri nvà, hɩ mán ecizrɔ léyi ke sɩ́ trɔa nɔn.

1 Piɛrɛ̀n 2:10

Ɛnbiɛhɛ́n vra lɔ nyɛ́n sɩ̀ dù Ɔwɔ fɛcüè-bɔ̀ tɛ́n, tɛ́n zɛtɛ̀ lɔ nyɛ́n dú nɛ́n fɛcüè; ɛnbiɛhɛ́n vra lɔ nyɛ́n sɩ̀ cɔ̀ Ɔwɔ-yɔ̀bɔ̀-nyrì, tɛ́n zɛtɛ̀ lɔ nyɛ́n cɔ́ Ɔwɔ-yɔ̀bɔ̀-nyrì.

1 Piɛrɛ̀n 2:8

Kɩ ɛyri nyantɛn ye vru yɛ dɔ̀ le: “Nɛ̀n dú ɔbù léyi ɛnvra léyi nɛ sɔ́n mɛ́n ɛnan nɔn, nɛ hán mɛ́n ɛ trɛnshɛn, ɔbù tɔ̀n léyi kɛ hán mɛ́n e bore.” Anwrɔn ndɔ hɔ̀n lɔ, ɔbù sɔ́n yɔ ɛnan, yɔ trɛnshɛn, yɔ krɔ, yɔ sɩ̀ die Ɔwɔ muan-ankà nukùɛ, kɩ eci-hán-ci ndɔ lɔ de yɛ wá yɛ hɛ́n yɔ nɔn.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.