1 Tesalonikɛ̀n anmàn-bɔ̀ 5:8 - Ɛmɛẅi ankà ankrànkràn 2003

⁸ Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro.

1 Tesalonikɛ̀n anmàn-bɔ̀ 5:8 Iomraidhean Croise

1 Korɛntɛ̀n anmàn-bɔ̀ 13:13

Zɛtɛ̀ lɔ, ɛci anhɔ̀n ndɔ hɔ̀n lɔ ndù; ankaẅì-bùtan, esɛ́ mán ɛcüɛ̀n; tɛ́n yɔ, ɛci anhɔ̀n lɔ, y'ecüìcüì dú ɛcüɛ̀n.

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

Galasi anmàn-bɔ̀ 5:5

Bɔ tɛn tɛ́n, bɔ̀ ẅɛn esɛ́ Ɔwɔ mɛ̀n, nɛ́n léyi nɛ lɛ srɔ bɔ̀ ɛnyrɔnnan-bɔ̀ n'ezìwú nɔn; ndɔ lɔ de bɔ́ vrá Ɛnhɛ́n Prɔnprɔn kɔrɛ̀-srɔn mɛ̀n, nɛ́n léyi nɛ tán bɔ̀ ankaẅì-bùtan nɔn.

Efɛzɛ̀n anmàn-bɔ̀ 6:11

Nyɛ́n bɩ kè dú ny'edomɛ̀n anhà-kɔ́n-ci hɔ̀n lɔ fɛn léyi Ɔwɔ kɛ tán nɔn, ô nyɛ́n nyɔn ɛshishiemɛ̀n anwa-wrɔn frɛ́n hɔ̀n lɔ fɛn zìwú.

Efɛzɛ̀n anmàn-bɔ̀ 6:23

Ɔwɔ Zi mán Ɛẅɛnwrɔn Zhezü Krisì kɛ̀ tán anwrɔn-nɛ́n-muan-ẅì hɔ̀n lɔ fɛn anwɔwɔ mán ɛcüɛ̀n, mán ankaẅì-bùtan mɛhi.

1 Tesalonikɛ̀n anmàn-bɔ̀ 5:5

Nyɛ lɛ fɛn, annanwɔrɛ mɛ̀n lɔ, nyɛ́n dú ɛyri-kàn kɔrɛ̀levriemɛ̀n, nyɛ́n dú ɛcɛ̀n pupu tɛn. Bɔ̀ sɩ̀ dù ɛnnyran mán ɛyri-yɔwɔ kɔrɛ̀levri wú.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Ebre-bɔ̀ 6:19

Esɛ́ ndɔ lɔ ndù hán bɔ́ ɛwúvà ɛnhyàbrihɛ̀ bù hɔ́. Nɛ̀n dú esɛ́ annanwɔrɛ, kɩ edù sɔ́ nɛ̀n, kɩ ne bru anhobɩ́ cice-wɔn càsa lɔ mɛ̀n, hàn mán nɛ cɔ́ Ɔwɔ yri Prɔnprɔn lɔ.

1 Piɛrɛ̀n 1:13

Hɩ le kruhú de ke ji le nyɛ́n krɔn kpehɛ́n eci-hán mɛ̀n, ny'ɛnhɛ́n lɔ kè dú ɛvɛ̀ kpriemɛ̀n. Nyɛ́n bɩ́ ny'esɛ́ lɔ fɛn nyɛ́n wá ɛkɔrɛ̀wá léyi yɛ lɛ tán nyɛ̀n ɛnvra léyi Krisì kɛ lɛ và nɔn mɛ̀n.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.