1 Tesalonikɛ̀n anmàn-bɔ̀ 5:6 - Ɛmɛẅi ankà ankrànkràn 2003

⁶ Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a.

1 Tesalonikɛ̀n anmàn-bɔ̀ 5:6 Iomraidhean Croise

Matie 13:25

Ɛnnyran tɔ̀n, ɛnvra léyi anwrɔn lɔ fɛn dɛ́ nɔn, ɛci-tɛ́-wrɔn ndɔ lɔ, n'egbri-wrɔn tɔ̀n nvà, tɛ́ ɛfi gbàngbàn ɛci ankrànkràn lɔ mɛ̀n, kɩ nɛ́n nan-hɔ̀n.

Matie 24:42

Nyɛ́n kpri ɛvɛ̀, ɔmuhi nyɛ́n sɩ̀ nyrì ny'Ɛẅɛnwrɔn vá bì lɔ nɔn.

Matie 25:13

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: Nyɛ́n kpri ɛvɛ̀, ɔmuhi nyɛ́n sɩ̀ nyrì ɛnbì mán wacɛ̀n nɔn.”

Matie 25:5

Zɛtɛn ɛnnyɔnwrɔn-nɛ́n-cüì vá vra kɛ mɔɛ̀n; wúyɔ̀-ẅì hɔ̀n ɛvà lɔ fɛn ɛndà ke wrì, kɩ dɛ́ kɛ di ɛndà.

Matie 26:38

Zɛtɛn nɛ dɔ́ yɔ le: “Owù jansù yɩ́ m'ɛnbɔrɛ lɔ; nyɛ́n yɛ́ ɛnu lɔ, ô bɔ̀ kpri ɛvɛ̀.”

Markɛ̀n 13:37

Ankà ndɔ lɔ mɛ dɔ́ nyɛ̀n nɔn, mɛ dɔ́ tán anwrɔn lɔ fɛn: Nyɛ́n kpri ɛvɛ̀!”

Lükɛ̀n 12:37

Ɛnbɔrɛbru dú eci-bɩ̀tan-bɔ̀ léyi, Ankà-yé-wrɔn vru vá mɛ̀n lɔ, ɛvɛ̀ ke le kprì! Mɛ dɔ́ nyɛ̀n annànwɔrɛ mɛ̀n le: Nɛ lɛ nyɔn nɛ́n pɛtɛ̀n ɛẅìe, nɛ lɛ hán yɔ, yɔ yɛ́, kɩ nɛ lɛ tán yɔ ɛci yɔ zî.

Lükɛ̀n 12:39

Nyɛ́n yá ankà ndɔ lɔ: ke dú kɛ ɔwɔn nɛ́n zi nyri ɛnvra léyi ɛci-yerɛ-wrɔn kɛ lɛ và nɔn, nɛ̀n sɩ̀ tán yi ɛkɔrɛ̀-levri kè bru anwɔn mɛ̀n.

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

Lükɛ̀n 22:46

Nɛ dɔ́ yɔ le: “Cɛci kruhú kɛ, nyɛ dí ndà? Nyɛ́n tɔhú, nyɛ́n sɛ́n Ɔwɔ, ô nyɛ́n bɩ́ bore ɔwɔɛ̀n-nyan mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:31

Nyɛ́n kpri ɛvɛ̀, ô kè bru nyɛ̀n le, ɛnnànwàn kru anhɔ̀n, ɛnnyran mán ɛcɛ̀n, de mɛ̀n dú nyɛ̀n ankà krosi mɛ̀n, m'anvɛ-shi cüe mɛ̀n.

1 Korɛntɛ̀n anmàn-bɔ̀ 15:34

Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.

1 Korɛntɛ̀n anmàn-bɔ̀ 16:13

Nyɛ́n yɛ́ ɛshishiemɛ̀n ankaẅì-bùtan-ẅɛn mɛ̀n, nyɛ́n ẅɛn edùyì, nyɛ́n ẅɛn ecüì.

Efɛzɛ̀n anmàn-bɔ̀ 2:3

Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

Efɛzɛ̀n anmàn-bɔ̀ 5:14

n'ɛwú lɔ, eci lɔ fɛn léyi ye sɩ́ ɛyri-kán mɛ̀n kokroho nɔn, nɛ́n mán nɛ srɔ ɛyri-kàn. Hɩ le kruhú de yɛ dɔ̀ le: “Gbɛ́ ɛvɛ̀, vɛ́n léyi ɛ di ɛndà nɔn, dú owú-bɔ̀ mɛ̀n tɔhú, kɩ Krisì kɛ lɛ tán mɛ́n ɛyri-kàn.”

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Filipɛ̀n anmàn-bɔ̀ 4:5

Ke ji le ny'ɛzrɔ lɔ kè di ebɩ anwrɔn lɔ fɛn zìwú. Ɛẅɛnwrɔn kɛ lɛ vá ɛnvra bruemɛ̀n.

Kɔlɔsèn anmàn-bɔ̀ 4:2

Nyɛ́n sɛ́n Ɔwɔ ɔmùan-zri-diemɛ̀n, ny'ɔwɔ-sɛ́n mɛ̀n lɔ, nyɛ́n nyɔn ɛshishiemɛ̀n mán enyri-kùɛn-tán mɛ̀n.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 5:10

Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn.

1 Tesalonikɛ̀n anmàn-bɔ̀ 5:8

Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro.

Kpàkpà timote 2:15

Tɛ́n ɛnnyɔnwrɔn kɛ lɛ cɔ́ ebɩdie n'ɛẅì bîemɛn, ke dú kɛ ne dú ankaẅìbùtan ẅɛn mɛ̀n, ɛcüɛ̀n mán prɔnprɔn mɛ̀n, edomɛ̀n ɛnhi-sɩemɛ̀n.

Kpàkpà timote 2:9

Me ji le wúyɔ̀ mán kɛ ẅɛn ɛci edomɛ̀n anvrɛnvrɛn, ɔwá mán edomɛ̀n ɛnhi-sɩ́ kè dú ɛmɛ̀n; yɔ bɩ́ há ɛnkru vɛnvɛn, yɔ bɩ́ wá ansìkɛ mán ɛbrɛci brobebe edomɛ̀n, kɩ edomɛ̀n ẅɛn-ci mán ke bɩ́ dú eci-gbrɛ́n-ci,

Kpàkpà timote 3:11

Yɔ wúyɔ̀ mán ke ji le kɛ̀ ẅɛn ɛwá; ô ke bɩ́ hán ankà-sɩ́ kɔ̀hɔ̀n; yɔ bɩ́ zî ɛci cüì, ô eci lɔ fɛn mɛ̀n lɔ yɔ di ɔmùanzri.

Kpàkpà timote 3:2

Ke ji le Ɔwɔ-fɛcüè-wrɔn cüìcüì kè dú ɛnyrɔnnanwrɔn anvrɛnvrɛn, ɛnnyɔnwrɔn zri nɛ́n cüì, nɛ́n bɩ́ dú ɛntàn-kɔ́n-wrɔn, nɛ̀n ẅɛn ɛnkruemɛ̀n mán ɛwá, nɛ̀n nyrì ẅɛn nɛ̀nnyànwrɔn, ô nɛ̀n nyrì yé eci;

Anhyrɛmɛ̀n timote 4:5

Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.

Titɛ̀n 2:12

Nboafɔ̀n ndɔ lɔ kɛ wá tán bɔ̀, bɔ́ teze bɔ́ ɛwúvà gbàngbàn mán bɔ́ ɛnhibù wú ankà-tro hɔ̀n lɔ, ô bɔ̀ ẅɛn ankà-nyrì wúvà, bɔ̀ dú ɛnyrɔnnanmɛ̀n, ô bɔ̀ di ɔmùan-zri Ɔwɔ tɛ̀sɛ̀n.

Titɛ̀n 2:6

Ɔmu zri lɔ, ɛ̀ dɔ́ sùgban-ẅì hɔ̀n kɛ̀ wɛn ankà-nyrì eci lɔ fɛn mɛ̀n.

1 Piɛrɛ̀n 1:13

Hɩ le kruhú de ke ji le nyɛ́n krɔn kpehɛ́n eci-hán mɛ̀n, ny'ɛnhɛ́n lɔ kè dú ɛvɛ̀ kpriemɛ̀n. Nyɛ́n bɩ́ ny'esɛ́ lɔ fɛn nyɛ́n wá ɛkɔrɛ̀wá léyi yɛ lɛ tán nyɛ̀n ɛnvra léyi Krisì kɛ lɛ và nɔn mɛ̀n.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

Ɔwɔ-mɛ̀n-yrikàn 16:15

“Ɛẅɛnwrɔn kɛ dɔ̀ le, è die nukùɛ mɛ và kɛ lɛ hán ɛci-yerɛ-wrɔn hɔ́! Ɛnbɔrɛbru dú ɔwrɔn léyi ke kprí ɛvɛ̀ kɩ kɛ ẅɛn n'ɛci edòmɛ̀n, ô nɛ́n bɩ́ hɔ́n ɛsɛ̀n-kora, ô anvɛvrà kɛ ẅɛn nɛ̀n, ke dú kɛ yɛ kán nɛ̀n nɛ nyɔn ɔmu lɔ.”

Ɔwɔ-mɛ̀n-yrikàn 3:2

Gbɛ̀ anvɛ̀, eci léyi ɛ ẅɛ̀n nɔn, è vru ɛ̀ hán nɛ̀n, nɛ̀n cɔ́ ecüì, yakɛ kɛ̀ cɔ́ ɛnvra léyi ne le wú mrìmrì nɔn. Ɔmuhi mɛ́n cɔ̀ mɛ́n nyrì le, v'eci-hán-ci hɔ̀n lɔ fɛn kè sɩ̀ krɔn kpehɛ́n m'Ɔwɔ zìwú nɔn.