1 Tesalonikɛ̀n anmàn-bɔ̀ 5:4 - Ɛmɛẅi ankà ankrànkràn 2003

⁴ Tɛ́n nyɛ́n, anwrɔn-nɛ́n-muan-ẅì hɔ̀n, nyɛ́n sɩ̀ dù ɛyri yɔwɔ mɛ̀n kokroho, hɩ ɛnbì ndɔ lɔ ká ẅɛn nyɛ̀n nmù kɛ̀ hán ɛci-yerɛ-wrɔn hɔ́ nɔn.

1 Tesalonikɛ̀n anmàn-bɔ̀ 5:4 Iomraidhean Croise

Matie 10:15

Mɛ dɔ́ nyɛ̀n annànwɔrɛ mɛ̀n le: ɛmrɛ̀nci bì lɔ, kɛ lɛ sɔ́ tán anmàn ndɔ lɔ bɔ̀ kɛ lɛ vrán Sodɔmɛ̀n mán Gomɔrɛ̀n anmàn-bɔ̀.”

Lükɛ̀n 21:34

“Nyɛ́n wá esùva! Nyɛ́n bɩ́ teze nyɛ́n hɛ́n lɔ kɛ srɔ́n ɛkoran mɛ̀n mán ɛntàn-kɔ́n mɛ̀n mán ɛnhibù wúvà ankà-trɔ lɔ mɛ̀n, ke dú ɔmu lɔ hô, ɛmrɛ̀n-ci bì lɔ kɛ lɛ ẅɛn nyɛ̀n nmù kprú

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

1 Tesalonikɛ̀n anmàn-bɔ̀ 5:2

Ɔmuhi nyɛ́n dùku nyɛ́n nyri anvrɛnvrɛn le, Ɛẅɛnwrɔn vá bì lɔ kɛ lɛ ẅɛn nmù kɛ lɛ hán ɛci-yerɛ-wrɔn léyi kɛ vá ɛnnyran nɔn.

2 Piɛrɛ̀n 3:10

Tɛ́n Ɛẅɛnwrɔn bì lɔ kɛ lɛ và kɛ lɛ hán ɛci-yerɛ-wrɔn hɔ́. Hɩ vra lɔ anhobɩ́ kɛ lɛ vàcí ɛjɔ̀kɔ mɛ̀n mán ɛnjansù vriemɛ̀n, ɛnhyà kɛ lɛ jrɛ́ anhobɩ́ dùwru hɔ̀n lɔ, ɛnhi mán n'ɛci hɔ̀n lɔ fɛn léyi dú nɛ̀n ɛmɛ̀n nɔn, ke sɩ̀ vru dùɛ.

1 Zhan 2:8

Ɔmu tɛ́kɩ nɛ̀n dú ɛnyanmàn wrù tɔ̀n léyi me merɛ́n tan nyɛ̀n kɩ n'annanwɔrɛ ke yé n'edomɛ̀n Krisì mɛ̀n, kɩ nyɛ́n mán ny'ɛmɛ̀n. Annanwɔrɛ mɛ̀n lɔ, ɛyri-yɔwɔ kɛ hɔ̀n, kɩ ɛyrikàn annanwɔrɛ bukru kɛ gbrɛ́n.

Ɔwɔ-mɛ̀n-yrikàn 16:15

“Ɛẅɛnwrɔn kɛ dɔ̀ le, è die nukùɛ mɛ và kɛ lɛ hán ɛci-yerɛ-wrɔn hɔ́! Ɛnbɔrɛbru dú ɔwrɔn léyi ke kprí ɛvɛ̀ kɩ kɛ ẅɛn n'ɛci edòmɛ̀n, ô nɛ́n bɩ́ hɔ́n ɛsɛ̀n-kora, ô anvɛvrà kɛ ẅɛn nɛ̀n, ke dú kɛ yɛ kán nɛ̀n nɛ nyɔn ɔmu lɔ.”

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.