1 Tesalonikɛ̀n anmàn-bɔ̀ 5:3 - Ɛmɛẅi ankà ankrànkràn 2003

³ Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú.

1 Tesalonikɛ̀n anmàn-bɔ̀ 5:3 Iomraidhean Croise

Matie 23:33

Ɛnlɛbrì, andà-di-lɛ̀brì fɛcüè! Anhɔntan nyɛ hán tro, ô nyɛ́n bɩ́ cɔ́ ɛnhyà mɛ̀n gbàn-wɔɛ̀n-dì lɔ nɛ́n?

Zhan 16:21

Ɛnvra léyi ɛnnyɔnwrɔn kɛ vá ɛnẅì bî yri nɔn, ne ku ɛnkrɛ̀ta ɔmuhi n'ɛgbànkán vra ncɔ̀a nɔn; tɛ́n ɛnvra léyi ne bî ɛnẅì nɔn, n'ɛgbàn-kàn lɔ ke yuru nɛ̀n esùva, ɔmuhi nɛ̀n dú pɔpüɛ̀ mɛ̀n, ɔwrɔnẅì léyi vá ɛnhibù wú nɔn hɩ kruhú.

Ɔkɔ̀hɔ̀n-wá-bɔ̀ kɔ̀hɔ̀n hán 13:41

‘Nyɛ́n nyan, nyɛ́n léyi egbrì yɩ́ nyɛ̀n ɛnbɔrɛ mɛ̀n, ankà kɛ̀ frɛ́n nyɛ̀n anvɛmɛ̀n, ô nyɛ́n srɛ́ zrɛ́n! Ɔmuhi ny'ɛwúvà kɔrɛ̀ lɔ mɛ̀n, mɛ lɛ hán eci tɔ̀n léyi nyɛ́n sɩ̀ bù tán ankaẅì rɔ́ ke dú kɛ ɔwrɔn tɔ̀n kɛ dɔ́ nyɛ̀n ankà lɔ!’ ”

2 Tesalonikɛ̀n anmàn-bɔ̀ 1:9

Y'ɛjrɛ́ gòdòò, ke le dú y'ɛgbàn-wɔɛ̀n-dì, yɔ le dú esù she Ɛẅɛnwrɔn kɔrɛ̀-srɔn ci-zrɔ lɔ tɛ̀sɛ̀n,

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

2 Piɛrɛ̀n 2:4

Annanwɔrɛ mɛ̀n lɔ, Ɔwɔ ke sɩ̀ mrɛ̀n ɛkùyüre-wrɔn gbàngbàn zriɛmɛ́n ke teze hɛ̀, tɛ́n nɛ̀n kɔ́n yɔ lɛ fɛn nɛ̀n ku ɛnhyà vriemɛ̀n, nanvrɛn de yɛ tɔ́n yɔ gbràka mɛ̀n, ɛyri yɔwɔ mɛ̀n, yɔ vrá ɛmrɛ̀nci bì lɔ.