1 Tesalonikɛ̀n anmàn-bɔ̀ 5:23 - Ɛmɛẅi ankà ankrànkràn 2003

²³ Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

1 Tesalonikɛ̀n anmàn-bɔ̀ 5:23 Iomraidhean Croise

Lükɛ̀n 1:46

Zɛtɛn Mari kɛ dɔ̀ le: “M'antà-dùwru lɔ fɛn mɛ̀n, me ji mɛ̀n zrɔ Ɛẅɛnwrɔn vrisì lɔ eci,

Zhan 17:19

Me bɩ́ m'edomɛ̀n mɛ tán mɛ́n kokrohô y'ɛkruhú, ô yɔ mán yɔ dú vɛ tɛn annànwɔrɛ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:32

Kɩ zɛtɛ̀ lɔ, me bɩ́ nyɛ̀n mɛ wá Ɔwɔ mán nɛ́n boafɔn ankà-dɔ̀ tamɛ̀n. Nɛ̀n ẅɛn ɛkorɛ̀srɔn léyi kɛ lɛ hán ny'ankaẅì-bùtan lɔ kɛ̀ hɔ́n ezì kɩ nɛ lɛ tán nyɛ̀n ɛci hɔ̀n léyi nɛ̀n wá ɔmùan nɛ̀n hɛ́n anwrɔn hɔ̀n léyi dú nɛ tɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 15:33

Ɔwɔ léyi dú anwɔwɔ shi-bɛ́ nɔn, kɛ và dú nyɛ̀n ɛmɛ̀n. Kè dú ɔmu lɔ.

Rɔmɛ̀n-anmàn-bɔ̀ 15:5

Ke ji le, Ɔwɔ léyi dú ɛnbɔrɛ-ẅɛ̀n-hɛ́n mán ɛnbɔrɛ-bi-wá shi-bɛ́ nɔn kɛ tán nyɛ̀n ɛwúvà-mùan-krɔn nyɛ́n mán nyɛ́n nyran hɔ̀n mɛhi, ô nyɛ́n bɩ́ Zhezü Krisì sɛnpò lɔ nyɛ́n nán esù ɛwú.

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 14:33

ɔmuhi Ɔwɔ kè sɩ̀ dù Ɔwɔ tɔ̀n léyi kɛ wá sùkùsùkù ɛyri, tɛ́n nɛ hán anwɔwɔ kɔ̀hɔ̀n nɔn. Ndù hán Krisì-sɛ̀nkɛn-bɔ̀ hɔ̀n fɛcüè krubɔrɛ lɔ fɛn mɛ̀n,

2 Korɛntɛ̀n anmàn-bɔ̀ 5:19

Ɔmuhi, Krisì mɛ̀n de, Ɔwɔ kɛ hán angranmɛ̀n-wɔ-ci kɛ tán nɛ́n mán anwrɔnẅì lɔ fɛn mɛhi, kɩ nɛ́n sɩ́ crɛ-nyan y'ɛgbàn hɔ̀n lɔ. Kɩ nɛ̀n tán bɔ̀, bɔ̀ dɔ́ angranmɛ̀n-wɔ̀ ndɔ lɔ n'ankà.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 1:6

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Filipɛ̀n anmàn-bɔ̀ 4:9

Eci léyi nyɛ́n cɔ̀, mán ankà-yé léyi nyɛ́n cɔ́ m'eyri, ndɔ lɔ fɛn, nyɛ́n ẅɛ̀n hɛ́n, ndɔ léyi nyɛ́n yá mɛ́n dɔ̀, mán hɩ léyi nyɛ́n kàn mɛ̀n hán. Kɩ Ɔwɔ léyi kɛ tán anwɔwɔ nɔn, mɛhi nye le dù.

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

1 Tesalonikɛ̀n anmàn-bɔ̀ 2:19

Annanwɔrɛ mɛ̀n lɔ, nyɛ́n kɩ, kè sɩ̀ dù ɔwrɔn nyàntɛn zriɛmɛ́n, de nyɛ́n dú bɔ́ esɛ́, bɔ́ pɔpüɛ̀ mán bɔ́ ɛkɔ̀nkà ci-woroan-ci léyi kɛ lɛ tán bɔ̀ ɔmùan-gbù, bɔ́ Ɛẅɛnwrɔn Zhezü zìwú ɛnvra léyi nɛ lɛ và nɔn.

1 Tesalonikɛ̀n anmàn-bɔ̀ 3:11

Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù!

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:3

Nyàn eci léyi dú Ɔwɔ kɔrɛ̀-zì-ci-hán nɔn: ke ji le nyɛ́n dú prɔnprɔn mɛ̀n, ô nyɛ́n wá ny'edomɛ̀n esùva eci-gbangbàn-hán tɛ̀sɛ̀n.

1 Tesalonikɛ̀n anmàn-bɔ̀ 5:22

ô nyɛ́n wá ny'edomɛ̀n esùva eci-gbàngbàn totɔtɔ̀n lɔ fɛn tɛ̀sɛ̀n.

2 Tesalonikɛ̀n anmàn-bɔ̀ 3:16

Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.

Ebre-bɔ̀ 13:20

Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.

Ebre-bɔ̀ 2:11

Tɛ́n, Zhezü léyi ke juru anwrɔnẅì ɛgbàn edomɛ̀n sɔhɔ́ mán anwrɔn hɔ̀n léyi ye fí edomɛ̀n nɔn, yɔ ẅɛn yɔ Zi zri. Hɩ le kruhú de Zhezü anvɛvrà ke sɩ́ ẅɛn hán, ɛnvra léyi ne bi yɔ nɛ́n muan-ẅì hɔ̀n nɔn.

Ebre-bɔ̀ 4:12

Annanworɛ mɛ̀n Ɔwɔ mùan ankà-dɔ̀ dú ankɔrɛkɔrɛ kɩ ẅɛn vɔ̀nshɛ́. Ne wì kɛ vrán anhà-kɔ́n-nyan-she totɔtɔ̀n léyi ẅɛn ezì anhyrɛ̀ nɔn. Nɛ hɔ̀n hàn mán nɛ cɔ́ ɛyri léyi nɛ gbɛ́ wàwúyɛ mán ɛnhɛ́n angranmɛ̀n, ɛsrú-yrí mán ɛnkru-shi-wɔ̀ mɛ̀n. Ne cí ɔwrɔnẅì cüɛn-ci hɔ̀n mán n'ɛnbɔrɛ mɛ̀n ankàtro hɔ̀n ɛmrɛ̀n.

Zhakɛ̀n 1:4

Tɛ́n nyɛ́n hán ny'esɛ́ lɔ ke di ebɩ́ cehɛ́n, ô nyɛ́n krɔn pkehɛ́n, ɛnbrá ke bɩ́ dú nyɛ̀n edòmɛ̀n, eci zriɛmɛ́n ke bɩ́ ẅɛn nyɛ̀n ɛmiàn.

1 Piɛrɛ̀n 1:2

Ɔwɔ Zi mrɛ́n nyɛ̀n nbɩ hán ɔmu le nɛ́n gɔ̀ wá n'ankɔ́nda ci-hán mɛ̀n nɛ̀n hɛ́n; nɛ̀n mrɛ́n nyɛ̀n nɛ̀n hɛ́n ɔhɔ́nan, Ɛnhɛ́n Prɔnprɔn kɔrɛ̀levriemɛ̀n, ô nyɛ́n ẅɛn Zhezü Krisì wá, ô n'ɛnkrɛ̀ kè fi nyɛ̀n edomɛ̀n. Ɔwɔ kɛ̀ tán nyɛ̀n nboafɔ̀n mán anwɔwɔ bobrebe.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn:

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,