1 Tesalonikɛ̀n anmàn-bɔ̀ 5:21 - Ɛmɛẅi ankà ankrànkràn 2003

²¹ Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn,

1 Tesalonikɛ̀n anmàn-bɔ̀ 5:21 Iomraidhean Croise

Lükɛ̀n 12:57

“Cɛci kruhú kɛ nyɛ́n sɩ́ ci ny'edomɛ̀n ɛmrɛ̀n, ô nyɛ́n nyri hɩ le zrɔ nɛ́n?

Zhan 15:4

Nyɛ́n cɔ́ mɛ̀n mɛhi bɔ̀ bɔ́sɔ̀, hán ɔmu le mɛ́n bɔ́sɔ̀ mɛ̀n dú nyɛ̀n ɛmɛ̀n nɔn. Ɛtɛ̀da zri ke sɩ̀ shi ɛẅì rɔ́, ke dú kɛ nɛ̀n sɩ̀ dù ɛtɛ̀ domɛ̀n; ɔmu zri lɔ, ke dú kɛ nyɛ́n sɩ̀ cɔ̀ mɛ̀n mɛhi bɔ̀ bɔ̀sɔ̀a hô, nyɛ́n sɩ̀ shi ɛẅì rɔ́.

Zhan 8:31

Zɛtɛn Zhezü kɛ dɔ́ Zhüifɛ̀n-bɔ̀ léyi ẅɛn ankaẅì-bùtan n'ɛwú nɔn le: “Ke dú kɛ nyɛ ẅɛn m'ankà-yé lɔ ɔmùan zriemɛ̀n nyɛ hɛ́n, nyɛ́n dú m'ɛsɛnkɛn-bɔ̀ annanwɔrɛ hɔ̀n;

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 17:11

Bere anmàn-bɔ̀ ẅɛn ɛcüɛn-borɛ anvrɛnvrɛn vrán Zhüifɛ̀n-bɔ̀ léyi dú Tɛsalonikɛ̀n anmàn nɔn; yɔ bɩ́ Ɔwɔ ankà-dɔ̀ lɔ ɛcüɛ̀n bobrebe mɛ̀n. Ɛnbi lɔ fɛn, yɔ krɛ́ Ɛwrú Prɔnprɔn hɔ̀n lɔ, ô yɔ nyan ke dú kɛ ankà zì de Pɔlɛ̀n kɛ dɔ̀ nɔn.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

1 Korɛntɛ̀n anmàn-bɔ̀ 2:11

Ɔwrɔnẅì mɛ̀n lɔ, nɛ́n dùku n'ɛnhɛ́n zri kɩ nyri ankà-tro hɔ̀n léyi dú nɛ̀n ɛmɛ̀n; ɔmu zri lɔ, Ɔwɔ Hɛ́n zri kɩ nyri Ɔwɔ ankà-tro hɔ̀n lɔ.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Efɛzɛ̀n anmàn-bɔ̀ 5:10

Nyɛ́n hán kèkrèmɛ̀n nyɛ́n nyri eci léyi kɛ zrɔ Ɛẅɛnwrɔn nɔn.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 3:16

Eci lɔ fɛn mɛ̀n, ke ji le bɔ́ dú esùnan mɛ̀n bɔ̀ hɔ́n ezì, bɔ̀ bɩ́ ɛnlevri léyi bɔ́ bɩ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 4:8

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, ny'esùva wá kè dú eci léyi zrɔ, hɩ ẅɛn vɔ̀nshɛ́ ɛmrɛ́n mɛ̀n nɔn wú: eci lɔ fɛn léyi dú annanwɔrɛ, dú ɔwá, dú ɛnyrɔnnan, dú ɛfifi, dú ɛzrɔ mɛ̀n mán ɛmrɛ́n mɛ̀n nɔn.

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

1 Tesalonikɛ̀n anmàn-bɔ̀ 5:22

ô nyɛ́n wá ny'edomɛ̀n esùva eci-gbàngbàn totɔtɔ̀n lɔ fɛn tɛ̀sɛ̀n.

2 Tesalonikɛ̀n anmàn-bɔ̀ 2:15

Ɔmu lɔ, anwrɔn-nɛ́n-muan-ẅì hɔ̀n, nyɛ́n nyɔn ɛshishiemɛ̀n, ô ankà-yé léyi bɔ̀ tán nyɛ̀n ankà-dɔ́ mɛ̀n mán b'owrú yüre mɛ̀n nɔn, nyɛ́n ẅɛ̀n hɛ́n.

Anhyrɛmɛ̀n timote 1:15

Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n.

Anhyrɛmɛ̀n timote 3:6

Y'ɛmɛ̀n lɔ, anwrɔn janbɔ̀ ke bru anwrɔn ɛbemɛ̀n kɩ ke bɩ́ ɛnkru-fé-wúyɔ̀ hɔ̀n léyi ɛgbàn yɩ́ edomɛ̀n kɩ kɛ hán ɛmànkɔ́n mɛ̀ntɛ mɛ̀ntɛ kɔ̀hɔ̀n;

Anhyrɛmɛ̀n timote 4:14

Ɛcigbrɔ̀-shé-wrɔn Alɛksandrɛ̀n hán eci gbàngbàn m'ɛtɛ̀sɛ̀n; Ɛẅɛnwrɔn ke le di nɛ̀n ɔwɔ̀ɛn eci léyi nɛ̀n hán nɔn hɩ wú.

Ebre-bɔ̀ 10:23

Bɔ̀ ẅɛn esɛ́ léyi bɔ́ gbú n'ɔmùan nɔn ɛshishiemɛ̀n bɔ̀ hɛ́n, ɔmuhi Ɔwɔ ke di ɔmùan-zri n'ɔmùan-wá hɔ̀n lɔ mɛ̀n nɔn.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.

Ɔwɔ-mɛ̀n-yrikàn 2:25

Tɛ́n nyɛ́n ẅɛn ɛshishiemɛ̀n eci léyi nyɛ́n ẅɛ̀n nɔn, hàn kɩ mɛ̀n và.

Ɔwɔ-mɛ̀n-yrikàn 3:11

Mɛ vá ɛnvra buriemɛ̀n. Ɛ̀ ẅɛn ɛshishiemɛ̀n eci léyi dú mɛ́n antamɛ̀n nɔn, ô ɔwrɔn zriɛmɛ́n ke bɩ́ bɩ́ v'ɔkɔ̀nká krusɔn-ci lɔ.

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.