1 Tesalonikɛ̀n anmàn-bɔ̀ 5:15 - Ɛmɛẅi ankà ankrànkràn 2003

¹⁵ Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

1 Tesalonikɛ̀n anmàn-bɔ̀ 5:15 Iomraidhean Croise

Matie 5:39

Tɛ́n mɛ̀n mɛ dɔ́ nyɛ̀n le, nyɛ́n bɩ́ hán ɔwrɔn léyi hán nyɛ̀n eci gbàngbàn nɔn, ɛgbàn. Ke dú kɛ ɔwrɔn tɔ̀n kɛ gɔ́n mɛ́n ezì-kɔrɛ̀ nukù wú, ɛ̀ tán nɛ̀n ebrì nukù lɔ mán nɛ̀n gɔ̀n.

Lükɛ̀n 6:35

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:28

Tɛ́n Pɔlɛ̀n bɩ́ n'ecüì lɔ fɛn di bobo kɛ dɔ̀ le: “E bɩ́ hán v'edomɛ̀n eci gbangbàn! Bɔ́ lɔ fɛn bɔ́ dú ɛnu lɔ!”

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

Rɔmɛ̀n-anmàn-bɔ̀ 14:19

Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn.

1 Korɛntɛ̀n anmàn-bɔ̀ 14:1

Eci lɔ fɛn mɛ̀n, nyɛ́n ji ɛcüɛ̀n. Nyɛ́n vru nyɛ́n ji Ɛnhɛ́n Prɔnprɔn cice, annannan le ndɔ léyi kɛ tán Ɔwɔ mɛẅì ankà-dɔ̀ léyi yɛ cɔ̀ nɔn.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 6:7

Annanwɔrɛ mɛ̀n lɔ, ɛmrɛ̀nci-ankà léyi dú nyɛ̀n angranmɛ̀n nɔn, ke yé tán le ny'ɔkɔ̀hɔ̀n lɔ dú ɛzɛ́n mɛ̀n. Cɛci kruhú kɛ, nyɛ́n sɩ́ shri ankà-gbàn nyɛ́n bɩ́ɛ? Cɛci kruhú kɛ nyɛ́n sɩ́ teze ye bɩ́ nyɛ̀n ɛci edomɛ̀n yɛ sɔhɔ́a?

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Efɛzɛ̀n anmàn-bɔ̀ 5:15

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Tesalonikɛ̀n anmàn-bɔ̀ 5:21

Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn,

Kpàkpà timote 6:11

Tɛ́n vɛ́n, Ɔwɔ-wrɔn, e bɩ́ hán ndɔ lɔ fɛn. È ji ɛnyrɔnnan, Ɔwɔ-tɛsɛ̀n-sɔ̀nba, ankaẅìbùtan, ɛcüɛ̀n, ɛnbɔrɛ-ẅɛ̀n-hɛ́n mán ɛnbɔrɛ-wɔ̀.

Anhyrɛmɛ̀n timote 2:24

Tɛ́n, ke sɩ́ ji le Ɛẅɛnwrɔn ci-bɩ̀tan-wrɔn kɛ̀ hán ɛdrɛ́-ci. Ke ji le nɛ̀n ẅɛn ɛcüɛ̀n anwrɔn lɔ fɛn tɛsɛ̀n, nɛ̀n nyrì yé eci, ô nɛ̀n ẅɛn ɛnbɔrɛ nɛ̀n hɛ́n ankà gbàngbàn hɔ̀n lɔ fɛn léyi yɛ dɔ́ ku nɛ̀n ɛwú nɔn,

Titɛ̀n 3:2

Yɔ bɩ́ dɔ́ ɔwrɔn zriɛmɛ́n ankà-gbàn, yɔ ẅɛn ɛnbɔrɛ wɔwɔ mán ɛcüɛ̀n, ô ɛnvra lɔ fɛn yɔ yé anwrɔn nyàntɛn hɔ̀n y'anwɔwɔ lɔ.

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 2:17

Nyɛ́n ẅɛn anwrɔnẅì lɔ fɛn wá, nyɛ́n cüɛn nyɛ́n muan-ẅì hɔ̀n ankàẅìbùtan mɛ̀n, nyɛ́n cüe Ɔwɔ ankɔrɛ̀ ezìwúɛ, nyɛ́n wá ɛnhi wú nɛncüì.

1 Piɛrɛ̀n 3:9

Nyɛ́n bɩ́ bɩ́ ɛgbàn nyɛ́n di ɛgbàn wɔ̀ɛn, kɩ ɔwora mán nyɛ́n bɩ́ bɩ́ nyɛ́n dí ɔwɔra wɔ̀ɛn. Tɛ́n nyɛ́n dɔ́ ɛnshifù ankà nyɛ́n tán, ɔmuhi ɛnshifù ankà tɔ̀n de Ɔwɔ wá ɔmùan kɛ̀ tán nyɛ̀n ɛnvra léyi nɛ̀n bi nyɛ̀n nɔn.

3 Zhan 1:11

Annyran anvrɛn, e bɩ́ ji ɛci gbangbàn-hán yri, tɛ́n ɛ̀ hán eci léyi zrɔ nɔn. Ɔwrɔn léyi kɛ hán anvrɛn kɔ̀hɔ̀n nɔn, nɛ̀n dú Ɔwɔ tɛn; ɔwrɔn léyi kɛ hán ɛgbàn nɔn, nɛ̀n sɩ̀ nyrì Ɔwɔ.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 22:9

Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”