1 Tesalonikɛ̀n anmàn-bɔ̀ 5:14 - Ɛmɛẅi ankà ankrànkràn 2003

¹⁴ Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

1 Tesalonikɛ̀n anmàn-bɔ̀ 5:14 Iomraidhean Croise

Matie 12:20

Nɛ́n sɩ̀ vɔ́n ɛfi-sè léyi gɔ́ kùrɛ̀n nɔn kɩ nɛ́n sɩ̀ zɛ́n kɛniɛn léyi n'ɛyri-kàn kè sɩ̀ ẅɛ̀n ecüì nɔn. Nɛ lɛ hán ɔmu lɔ hàn kɩ ɛnyrɔnnan kɛ lɛ kɔ̀nkà;

Lükɛ̀n 22:32

Kɩ mɛ́n sɛ̀n mɛ̀n tán mɛ́n ô ankàẅì-bùtan ke bɩ́ trɔ mɛ́n. Kɩ ɛnvra léyi e le vru ɛ̀ và cɔ́ mɛ̀n nɔn, ɛ̀ tán ɔmuan-ẅì hɔ̀n ecüì.”

Ɔkɔ̀hɔ̀n-wá-bɔ̀ kɔ̀hɔ̀n hán 20:27

Ɔmuhi mɛ̀n dɔ́ nyɛ̀n Ɔwɔ ankɔnda ci-hán ankà lɔ fɛn, nzriɛmɛ́n kè sɩ̀ bàn nyɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:31

Nyɛ́n kpri ɛvɛ̀, ô kè bru nyɛ̀n le, ɛnnànwàn kru anhɔ̀n, ɛnnyran mán ɛcɛ̀n, de mɛ̀n dú nyɛ̀n ankà krosi mɛ̀n, m'anvɛ-shi cüe mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:35

Mɛ̀n yé nyɛ̀n eci lɔ fɛn mɛ̀n le, ke ji le yɛ hán ɔkɔ̀hɔ̀n ô, yɛ wá ɛmian-bɔ̀ ɛkɔrɛ̀, kɩ ke ji le Ɛẅɛnwrɔn Zhezü dùku ankà léyi ndɔ nɔn ke bru nyɛ̀n le: ‘Eci tán ẅɛn ɛnborɛ-bru vrán eci cɔ̀!’ ”

Rɔmɛ̀n-anmàn-bɔ̀ 12:1

Anwrɔn-nɛ́n-muan-ẅì hɔ̀n, ɔmuhi Ɔwɔ yé bɔ̀ n'ɛcüɛ̀n lɔ nɔn, me yɩ́ nyɛ̀n edù nyɛ́n bɩ́ nyɛ́n mumù lɔ ankɔrɛ-kɔrɛ mɛ̀n nyɛ́n ce nɛ̀n, ndɔ lɔ de dú n'ɛvɛ̀-cüɛn-ci nɔn. Hɩ lɔ de dú ecice-kɔ̀hɔ̀n-hán annanwɔrɛ léyi dú ɔwɔ̀ɛn nyɛ́n ẅɛn nɛ̀n nɔn.

Rɔmɛ̀n-anmàn-bɔ̀ 14:1

Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.

1 Korɛntɛ̀n anmàn-bɔ̀ 4:14

Me yüre nyɛ̀n owrú ɔmu lɔ, kè sɩ̀ dù hɩ le mɛ lɛ hán nyɛ̀n anvɛvrà-ci, tɛ́n mɛ̀n yé nyɛ̀n ankà kɛ̀ hán m'ɛẅì hɔ̀n ankrankran hɔ́.

1 Korɛntɛ̀n anmàn-bɔ̀ 8:7

Tɛ́n yɔ lɔ fɛn yɔ sɩ̀ nyrì ankaẅì annanwɔrɛ ndɔ lɔ. Anwrɔn ndɔ hɔ̀n bɩ́ antɛ̀-buri-Wɔ ankà, hán tán kɩ zɛtɛ̀ lɔ yɔ dú ɛmɛ̀n yɔ rá ecice nɔ̀n-ẅia, hán le ɔnɔ̀n-ẅia lɔ dú antɛ̀-buri-Wɔ tɔ̀n tɛn; yɔ wàwúyɛ lɔ ẅɛn ɛjɛ̀ kɩ yɔ nyri ɔmu le ɔnɔ̀n-ẅia ndɔ lɔ wá yɔ ɛnbrá edomɛ̀n.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 4:2

Nyɛ́n dú ɛnvra lɔ fɛn edomɛ̀n ɛnhi-sɩemɛ̀n, nyɛ́n ẅɛn ɛnbɔrɛ-wɔ̀ mán ɛnbɔrɛ-ẅɛ̀n-hɛ́n. Nyɛ́n shri ny'edomɛ̀n nyɛ́n bɩ́ ɛcüɛn mɛ̀n.

Efɛzɛ̀n anmàn-bɔ̀ 4:32

Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

2 Tesalonikɛ̀n anmàn-bɔ̀ 3:15

Kɩ, nyɛ́n bɩ́ hán nɛ̀n egbri-wrɔn ci, tɛ́n nyɛ́n bi-dɔ́ nɛ̀n ɔwrɔn-nɛ́n-muan-ẅì mɛ̀n.

Kpàkpà timote 3:3

ke sɩ́ ji le nɛ̀n dú ɛntàn-mi-wrɔn mán eji-kɔ́n-wrɔn, tɛ́n nɛ̀n dú ɛnbɔrɛ-wɔ-wrɔn, ô nɛ̀n hán anwɔwɔ kɔhɔ̀n; ɔkùa ke bɩ́ dú n'ɛvɛ̀-cüɛn-ci;

Kpàkpà timote 6:11

Tɛ́n vɛ́n, Ɔwɔ-wrɔn, e bɩ́ hán ndɔ lɔ fɛn. È ji ɛnyrɔnnan, Ɔwɔ-tɛsɛ̀n-sɔ̀nba, ankaẅìbùtan, ɛcüɛ̀n, ɛnbɔrɛ-ẅɛ̀n-hɛ́n mán ɛnbɔrɛ-wɔ̀.

Anhyrɛmɛ̀n timote 4:2

ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn.

Titɛ̀n 1:10

Annànwɔrɛ mɛ̀n lɔ yɔ dú bobrebe, annànnàn le Zhüifɛ̀n-bɔ̀ léyi srɔ Zhezü krisì sɛ̀nkɛn-bɔ̀ hɩ kɛ kɛ́n Ɔwɔ-mùan-ankà-dɔ̀ ezì, kɩ kɛ frɛ́n anwrɔn nyàntɛn hɔ̀n y'ankà-gbàngbàn-dɔ́ mɛ̀n.

Titɛ̀n 1:6

Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n.

Ebre-bɔ̀ 12:12

Ny'ɛmàn hɔ̀n léyi edù nkà nɔn, nyɛ́n hán yɔ trɛ́n, ny'annankru hɔ̀n léyi kɛ tán nyɛ̀n ɛsɔ̀ze nɔn, nyɛ́n tán yɔ ecüì!

Ebre-bɔ̀ 13:3

Nyɛ́n tro anwrɔn hɔ̀n léyi dú anwɔn-mɛ̀n-wá-wɔn mɛ̀n nɔn y'ankà, kɛ hán le yɔ mɛhi de nyɛ́n dú anwɔn-mɛ̀n-wá-wɔn mɛ̀n. Nyɛ́n tro anwrɔn hɔ̀n léyi yɛ hán ɛgbàn, ɔmuhɩ nyɛ́n mán ny'edùwru lɔ dú ɛgbànkan ci nɔn.