1 Tesalonikɛ̀n anmàn-bɔ̀ 5:13 - Ɛmɛẅi ankà ankrànkràn 2003

¹³ Nyɛ́n yé yɔ ɛcüɛ̀n bobrebe, ɔkɔ̀hɔ̀n léyi yɔ hán nɔn hɩ kruhú. Yɔ mɛhi nyɛ́n dú anwɔwɔ mɛ̀n.

1 Tesalonikɛ̀n anmàn-bɔ̀ 5:13 Iomraidhean Croise

Matie 10:40

“Ɔwrɔn léyi ke bɩ́ nyɛ̀n nɔn, ke bɩ́ mɛ̀n; kɩ ɔwrɔn léyi ke bɩ́ mɛ̀n nɔn, ne bɩ́ ɔwrɔn léyi wá mɛ̀n ɔkɔ̀hɔ̀n nɔn.

Markɛ̀n 9:50

“Ɛnjüɛ̀ dú eci ankrànkràn; tɛ́n ke dú kɛ ɛnjüɛ̀ zrɔ lɔ kɛ vacì hô, anhɔntan de nyɛ lɛ hán ô nɛ̀n srɔ ɛnjüɛ̀ ẅì nɛ́n? Ke ji le nyɛ́n dù kɛ hán ɛnjüɛ̀ hɔ́, ô nyɛ́n mán nyɛ́n muan-ẅì hɔ̀n mɛhi nyɛ́n dú anwɔwɔ mɛ̀n.”

Zhan 15:17

Eci léyi mɛ wá tán nyɛ̀n nɔn, dú hɩ le ke ji le nyɛ́n cüɛn ny'edomɛ̀n.”

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

Galasi anmàn-bɔ̀ 4:14

M'ɛnlɔẅiɛ dùwrú wá nyɛ̀n ɛnjansù, kɩ ɔmu tɛ̀kɩ nyɛ́n sɩ̀ ẅɛ̀n m'egbrì kɩ nyɛ́n sɩ̀ srɛ́ mɛ̀n ɛtɛ̀sɛ̀n. Tɛ́n, nyɛ́n bɩ́ mɛ̀n hán Ɔwɔ-kùyüre-wrɔn tɔ̀n hɔ́, kɩ vru hán le Zhezü Krisì hɔ́.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Galasi anmàn-bɔ̀ 6:6

Ɔwrɔn léyi kɛ cɔ́ Krisì mɛ̀n ankaẅì-bùtan ankà-yé lɔ nɔn, ke ji le nɛ́n mán ankà-yé-wrɔn lɔ mɛhi yɔ dɛ́ vɔ̀nshɛ́ hɔ̀n léyi ankà-yé ndɔ lɔ kɛ tán nɔn.

Efɛzɛ̀n anmàn-bɔ̀ 4:3

Nyɛ́n hán kèkrèmɛ̀n nyɛ́n ẅɛn ɔbɔ̀sɔ̀ léyi Ɛnhɛ́n Prɔnprɔn tán nyɛ̀n anwɔwɔ mɛ̀n, hɩ kɛ bɔsɔ́ nyɛ̀n eci zriemɛ̀n nɔn.

Kɔlɔsèn anmàn-bɔ̀ 3:15

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

1 Tesalonikɛ̀n anmàn-bɔ̀ 5:14

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

2 Tesalonikɛ̀n anmàn-bɔ̀ 3:16

Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.

Anhyrɛmɛ̀n timote 2:22

È teze sùgban-ẅì hɔ̀n mɛ̀n afùyà ci-hán hɔ̀n lɔ; è ji ɛnyrɔnnan, ankaẅìbùtan, ɛcüɛ̀n, anwɔwɔ vɛ́n mán anwrɔn hɔ̀n léyi ɛnbɔrɛ fifiemɛ̀n, ke bi Ɛẅɛnwrɔn nɔn.

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

Zhakɛ̀n 3:18

Anwrɔn hɔ̀n léyi kɛ hán anwɔwɔ kɔ̀hɔ̀n y'anwanzi nɔn, kɛ tɛ́ anwɔwɔ, kɩ antɛ̀-ẅì léyi yɔ küɛ nɔn, dú ɛwúvà léyi nyrɔn nɔn.