1 Tesalonikɛ̀n anmàn-bɔ̀ 5:12 - Ɛmɛẅi ankà ankrànkràn 2003

¹² Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn.

1 Tesalonikɛ̀n anmàn-bɔ̀ 5:12 Iomraidhean Croise

Lükɛ̀n 10:7

Nyɛ́n yɛ́ ebɩ́ ndɔ lɔ mɛ̀n, nyɛ́n zî ɛci, nyɛ́n mi ɛnshi léyi yɛ lɛ tán nyɛ̀n nɔn, ɔmuhi ɔkɔhɔ́n-hán-wrɔn, ẅɛn n'ɔwɔɛ̀n-dì kɔrɛ̀levri nɔn. Nyɛ́n bɩ́ ci èbɩ́-bɩ́, nyɛ́n hɔ́n ebɩ́ nyàntɛn tɔ̀n mɛ̀n.

Zhan 4:38

Mɛ̀n wá nyɛ̀n ɔkɔhɔ̀n nyɛ́n hɔ̀n nyɛ́n kuɛ ɛci ɛkɛ̀tɛ̀ tɔ̀n léyi nyɛ́n sɩ̀ hàn ɔkɔhɔ̀n ɛmɛ̀n nɔn; anwrɔn nyàntɛn hán ɔkɔhɔ̀n ɛkɛ̀tɛ̀ lɔ mɛ̀n, kɩ nyɛ́n cɔ́ y'ɔkɔhɔ̀n lɔ nɛ́n vɔ̀nshɛ́.”

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 20:35

Mɛ̀n yé nyɛ̀n eci lɔ fɛn mɛ̀n le, ke ji le yɛ hán ɔkɔ̀hɔ̀n ô, yɛ wá ɛmian-bɔ̀ ɛkɔrɛ̀, kɩ ke ji le Ɛẅɛnwrɔn Zhezü dùku ankà léyi ndɔ nɔn ke bru nyɛ̀n le: ‘Eci tán ẅɛn ɛnborɛ-bru vrán eci cɔ̀!’ ”

Rɔmɛ̀n-anmàn-bɔ̀ 16:12

M'ebinyan kè dú Trifɛnɛ̀n mán Trifozɛ̀n tɛn, yɔ léyi yɔ hán Ɛẅɛnwrɔn kɔ̀hɔ̀n bobrebe kɩ ebinyan zri lɔ kè dú nmàn anvrɛnvrɛn Persidɛ̀n tɛn, nɛ́n léyi nɛ̀n hán Ɛẅɛnwrɔn kɔ̀hɔ̀n bobrebe nɔn.

Rɔmɛ̀n-anmàn-bɔ̀ 16:6

M'ebinyan kè dú Mari tɛn, nɛ́n léyi nɛ̀n hán ɔkɔ̀hɔ̀n bobrebe nɛ̀n tán nyɛ̀n nɔn.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

1 Korɛntɛ̀n anmàn-bɔ̀ 16:16

nyɛ́n teze ny'edomɛ̀n nyɛ́n tán anwrɔn ɔmu hɔ̀n lɔ mán yɔ hɔ̀n léyi yɔ mɛhi yɔ hán ɔkɔ̀hɔ̀n edùyiemɛ̀n nɔn, kɛ̀ nyrɔn nyɛ̀n.

1 Korɛntɛ̀n anmàn-bɔ̀ 16:18

kɩ yɔ tán mɛ̀n ɛnbɔrɛ-bi-wá, hán ɔmu le yɔ hán yɔ tán nyɛ̀n nɔn. Nyɛ́n nyrì mrɛ́n anwrɔn ɔmu hɔ̀n lɔ!

1 Korɛntɛ̀n anmàn-bɔ̀ 3:9

Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

2 Korɛntɛ̀n anmàn-bɔ̀ 5:9

Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

Galasi anmàn-bɔ̀ 4:11

Ny'ankà ke ku mɛ̀n ɛnkrɛ̀ta: ejüedì lɔ fɛn léyi mɛ̀n kán ny'ɛwú nɔn ke le dú eci woroɛ?

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Filipɛ̀n anmàn-bɔ̀ 2:19

Ɛẅɛnwrɔn Zhezü bɩmɛ̀n mɛ̀n ẅɛn esɛ́ anvrɛnvrɛn le, me le yüre nyɛ̀n Timote, ô mɛ́n dùku mɛ̀n cɔ́ ɛnbɔrɛ-bi-wá ɛmɛẅi ankà léyi mɛ lɛ cɔ́ ny'ɛwú nɔn mɛ̀n.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

1 Tesalonikɛ̀n anmàn-bɔ̀ 2:9

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ, bɔ́ ɛgbànkàn mán bɔ́ edùkà ke bru nyɛ̀n: bɔ̀ hán ɔkɔ̀hɔ̀n ɛnnyran mán ɛcɛ̀n ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n, ɔmu tɛ̀kɩ bɔ́ dɔ́ nyɛ̀n Ɔwɔ Mɛẅi ankà Ankrànkràn lɔ.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Tesalonikɛ̀n anmàn-bɔ̀ 5:14

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

Kpàkpà timote 5:1

E bɩ́ dɔ́ ebrè-di ankà ɛ tán nɛ̀ngbànvri-wrɔn, tɛ́n ɛ̀ yɩ́ nɛ̀n edù ankà-dɔ́ mɛ̀n kɛ̀ hán le e zi hɔ́. È hán sùgban-bɔ̀ hɔ̀n eci kɛ̀ hán le ɔmuan-ẅì hɔ̀n hɔ́,

Kpàkpà timote 5:20

Ke dú kɛ ɔwrɔn tɔ̀n kɛ hán eci-gbàngbàn tɔ̀n, ɛ dɔ́ nɛ̀n ankà anwrɔn mɛ̀n, ô anwrɔn ndɔ lɔ mán kɛ ẅɛn ɛnjansù.

Anhyrɛmɛ̀n timote 2:6

Ecitɛ́-wrɔn léyi hán ɔkɔ̀hɔ̀n shishi ankɛ̀tɛ́ mɛ̀n nɔn, nɛ̀n dú ɛnvrapkà wrɔn léyi ke ji le kɛ̀ cɔ́ antɛ̀ẅì nɔn.

Titɛ̀n 1:3

ɛnvra léyi nɛ̀n wá nɔn, nɛ̀n hán tán bɔ́ nyri n'ankà-dɔ̀ léyi nɛ̀n tán mɛ̀n, ô mɛ̀n sɩ́ ɔmùan ɛwú n'ɛkɔrɛ̀levri mɛ̀n, mɛ̀n dɔ̀, nɛ́n léyi nɛ̀n dú b'Ɔwɔ mán bɔ́ Ebɩdie-wrɔn nɔn.

Titɛ̀n 1:5

Mɛ́n teze mɛ́n Krɛtɛ̀n kpɔsɔ wú, ô ɛ̀ bɔ̀sɔ ɛci hɔ̀n léyi wɔrɔ, hɩ yɛ vá hán nɔn, ô ɛ̀ hɛ́n Ɔwɔ-cüìcüì-bɔ̀, anmàn cüìcüì hɔ̀n lɔ fɛn mɛ̀n. È kro v'edomɛ̀n ankà hɔ̀n lɔ fɛn léyi mɛ̀n dɔ́ mɛ́n nɔn:

Titɛ̀n 2:15

Nyàn eci léyi ke ji le è yé, ô è bɩ́ v'ecüì kɔrɛ̀levri lɔ fɛn è yɩ́ vɛ́n nukù-die-bɔ̀ edù, kɛ wá tán hô, è di yɔ ebrè. E bɩ́ teze ɔwrɔn zriɛmɛ́n y'ɛmɛ̀n lɔ kɛ ẅɛn v'egbrì.

Ebre-bɔ̀ 13:17

Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 2:12

“È merɛ́n owrú è yüre Ɔwɔ-kùyüre-wrɔn léyi dú Pergamɛ̀n anmàn nɔn: Nyàn ankà léyi ɔwrɔn léyi ẅɛn ezì-anhyrɛ̀-nyan-she piɛnpiɛn kɛ dɔ̀ nɔn:

Ɔwɔ-mɛ̀n-yrikàn 2:18

“È merɛ́n owrú è yüre Ɔwɔ-kùyüre-wrɔn léyí dú Tiatirɛ̀n anmàn, Ɔwɔ-fɛcüè-bɔ̀ lɔ mɛ̀n nɔn: Nyàn ankà léyi Ɔwɔ Ẅì kɛ dɔ̀ nɔn, nɛ́n léyi anvɛ̀ kɛ gbrɛ́n nɛ̀n kɛ hán ɛnhyá hɔ́, kɩ annan kɛ kɛ̀n kɛ hán pritù ẅì léyi ye fi edomɛ̀n nɔn hɔ́.

Ɔwɔ-mɛ̀n-yrikàn 2:3

Ɛ̀ ẅɛn ɛnbɔrɛ-ẅɛ̀n-hɛ́n-sɛ́, ɛ̀ kán ɛgbàn m'ɛkruhú, kɩ è sɩ̀ wù v'edomɛ̀n edù.

Ɔwɔ-mɛ̀n-yrikàn 2:8

“È merɛ́n owrú è yüre Ɔwɔ-kùyüre-wrɔn léyi dú Smirnɛ̀n anmàn nɔn: Nyàn ankà léyi kpàkpà-wrɔn mán ɛmɛẅi-trɔ-wrɔn kɛ dɔ̀ nɔn, ɔwrɔn léyi nwù kɩ vru vá ɔkɔrɛ-bɔ̀ mɛ̀n nɔn:

Ɔwɔ-mɛ̀n-yrikàn 3:1

“È merɛ́n owrú è yüre Ɔwɔ kùyüre-wrɔn léyi dú Sardɛ̀n anmàn Wɔ fɛcüe-bɔ̀ mɛ̀n nɔn: Nyàn ankà léyi ɔwrɔn léyi ẅɛn Ɔwɔ Hɛ́n ɔbɔ̀ɛn hɔ̀n mán okùcankro hɔ̀n ɔbɔ̀ɛn kɛ dɔ̀ nɔn: Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le ɛ̀ ẅɛn ɛmrɛ́n ɔmuhi è dú ankɔrɛkɔrɛ mɛ̀n, zɛtɛn e wù.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn: