1 Tesalonikɛ̀n anmàn-bɔ̀ 5:10 - Ɛmɛẅi ankà ankrànkràn 2003

¹⁰ Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn.

1 Tesalonikɛ̀n anmàn-bɔ̀ 5:10 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Zhan 10:11

Mɛ̀n dú annɔ̀n-kua-wrɔn ankrankran. Annɔ̀n-kua-wrɔn ankrankran lɔ, ne wú nɛ́n kɔ̀kɔ̀sɛ̀ hɔ̀n kruhú.

Zhan 10:17

Dade Ɔwɔ kɛ cüɛn mɛ̀n, ɔmuhi mɛ tán m'ɛwúvà lɔ, ô mɛ̀n sàn cɔ́ ɛwúvà wrù nɔn.

Zhan 15:13

Ɛcüɛ̀n vri léyi ɔwrɔn ke le yé nɔn, dú hɩ le ne le wú nɛ́n nyran hɔ̀n kruhú.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

1 Korɛntɛ̀n anmàn-bɔ̀ 15:3

Eci lɔ fɛn hán mɛ̀n, mɛ̀n tán nyɛ̀n ankà-yé ndɔ léyi mɛ́n mumù mɛ́n cɔ̀ nɔn: Krisì wú bɔ́ ɛgbàn kruhú hán ɔmu le Ɛwrú Prɔnprɔn hɔ̀n ndɔ̀ nɔn;

2 Korɛntɛ̀n anmàn-bɔ̀ 5:15

Nɛ̀n wú yɔ lɔ fɛn y'ɛkruhú, ô yɔ léyi yɔ dú ɛwúvà mɛ̀n nɔn, yɔ bɩ́ vru dú ɛwúvà mɛ̀n yɔ tán yɔ mumù, tɛ́n yɔ tán ɔwrɔn léyi wù, kɩ vru vá ɛwúvà-kɔrɛ̀ mɛ̀n y'ɛkruhú nɔn.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 4:15

Annanwɔrɛ mɛ̀n lɔ, nyàn ankà léyi bɔ́ dɔ́ Ɛẅɛnwrɔn ankà-yé tɔ̀n wú nɔn: bɔ́ ɛmɛ̀n lɔ, anwrɔn hɔ̀n léyi ke le dú ɔkɔrɛ-bɔ̀ mɛ̀n ɛnvra léyi Ɛẅɛnwrɔn kɛ lɛ và nɔn, yɔ sɩ̀ ẅɛn vɔ̀nshɛ́ kɛ̀ vrán yɔ hɔ̀n léyi nwù nɔn.

1 Tesalonikɛ̀n anmàn-bɔ̀ 4:17

zɛtɛn, bɔ́ léyi bɔ́ le dú ɔkɔrɛ-bɔ̀ mɛ̀n hɩ vra lɔ nɔn, ye le bɩ́ bɔ̀, yɔ mán bɔ́ mɛhi ye ci ɛnwì-gbú granmɛ̀n, ô bɔ̀ srɔ́n Ɛẅɛnwrɔn ɛsù ɔwràn mɛ̀n. Kɩ ɔmu lɔ, bɔ́ le dú bɔ́ mán Ɛẅɛnwrɔn mɛhi ɛnvra lɔ fɛn.

1 Tesalonikɛ̀n anmàn-bɔ̀ 5:6

Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a.

Kpàkpà timote 2:6

léyi srɔ n'edomɛ̀n anwɔba-ci, ô nɛ̀n srú bɔ́ lɛ fɛn nɛ̀n die. Ɔmu lɔ de ɛnvra léyi yɛ wá nɔn, nɛ̀n yé tán le, Ɔwɔ ke ji le anwrɔnẅì lɔ fɛn kɛ̀ cɔ́ ebɩdie nɔn.

Anhyrɛmɛ̀n timote 2:11

Nyàn ankà-dɔ̀ léyi dú annanwɔrɛ nɔn: “Ke dú kɛ bɔ́ mán nɛ́n mɛhi bo wù hô, bɔ́ mán nɛ́n mɛhi bɔ́ lɛ kɔrɛ̀ bɔ́ le dù;

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.