1 Tesalonikɛ̀n anmàn-bɔ̀ 5:1 - Ɛmɛẅi ankà ankrànkràn 2003

¹ Anwrɔn-nɛ́n-muan-ẅì hɔ̀n, ɛci hɔ̀n léyi kɛ lɛ wɔ̀ɛn nɔn hɩ wú lɔ, kè sɩ̀ ẅɛ̀n n'owrú merɛ́n, ô nyɛ́n nyri n'ɛnvra mán nɛ́n wacɛ̀n.

1 Tesalonikɛ̀n anmàn-bɔ̀ 5:1 Iomraidhean Croise

Matie 24:3

Zhezü yɛ́ ɛẅì-shi-tɛ̀ kɛ̀tɛ̀ léyi dú ɛnkpò cɛ tɔ̀n wú nɔn mɛ̀n. N'ɛsɛ̀nkɛn-bɔ̀ sɔnba nɛ̀n ɛtɛ̀sɛ̀n, zɛtɛn bi nɛ̀n ɔhɔnán kɩ ke yrɛ nɛ̀n le: “Ɛ dɔ́ bɔ̀ ɛnvra tán mɛ̀n de ɛci hɔ̀n lɔ kɛ lɛ hán, eci-woroan-ci tán de ke le yé v'ɛvà mán ɛnhibù trɔ vra lɔ.”

Matie 24:36

“Ɔmu tɛ̀kɩ ɔwrɔn zriɛmɛ́n ke sɩ̀ nyrì ɛnvra-trɔ bì lɔ, nɛ́n bì mán nɛ́n wacɛ̀n, Ɔwɔ-kùyüre-bɔ̀ léyi dú anhobɩ́ mán, ɔwrɔnẅì Ẅì dùku mán; Ɔwɔ-Zi zri kɩ nyrì.

Ɔkɔ̀hɔ̀n-wá-bɔ̀ kɔ̀hɔ̀n hán 1:7

Zhezü mrɛ́n y'ɔmùan le: “Kè sɩ̀ wá tán nyɛ̀n le, nyɛ́n nyri ɛnvra mán ɛnbì, ɔmuhi Dade wá ɛnvra hɔ̀n lɔ nɛ́n zri n'ɛkɔrɛ̀-levriemɛ̀n nɔn.

2 Korɛntɛ̀n anmàn-bɔ̀ 9:1

Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà.

1 Tesalonikɛ̀n anmàn-bɔ̀ 4:18

Zɛtɛn nyɛ́n bi ɛnborɛ nyɛ́n wá ny'edòmɛ̀n ankàdɔ̀ ndɔ hɔ̀n lɔ wú.

1 Tesalonikɛ̀n anmàn-bɔ̀ 4:9

Ɔwrɔn-nɛ́n-muan-ẅì cüɛ̀n ankà lɔ, ke sɩ́ ji le ye merɛ́n nyɛ̀n owrú, ɔmuhi annanwɔrɛ mɛ̀n lɔ, Ɔwɔ yé nyɛ̀n nyɛ́n dùku ny'edomɛ̀n cüɛ̀n.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.