1 Tesalonikɛ̀n anmàn-bɔ̀ 4:9 - Ɛmɛẅi ankà ankrànkràn 2003

⁹ Ɔwrɔn-nɛ́n-muan-ẅì cüɛ̀n ankà lɔ, ke sɩ́ ji le ye merɛ́n nyɛ̀n owrú, ɔmuhi annanwɔrɛ mɛ̀n lɔ, Ɔwɔ yé nyɛ̀n nyɛ́n dùku ny'edomɛ̀n cüɛ̀n.

1 Tesalonikɛ̀n anmàn-bɔ̀ 4:9 Iomraidhean Croise

Matie 22:39

Kɩ nyàn anhyrɛmɛ̀n tɛn léyi cá nɛ̀n nɔn: ‘Ke ji le ɛ̀ cüɛn ɛnyran-wrɔnẅì kɛ̀ hán vɛ́n mumù hɔ́.’

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 4:32

Ankaẅì-bùtan-ẅɛn-bɔ̀ kpɔsɔ lɔ dú ɔbɔ̀sɔ mɛ̀n anvrɛnvrɛn, y'ɛnbɔrɛ mɛ̀n mán yɔ wàwúyɛ mɛ̀n. Ɔwrɔn zriɛmɛ́n ke sɩ́ dɔ́ le, n'ɛci hɔ̀n lɔ dú nɛ́n zri n'ɛci, tɛ́n, y'ɛmɛ̀n lɔ, ɛci hɔ̀n lɔ fɛn léyi yɔ ẅɛ̀n nɔn, dú fɛcüè ci.

Rɔmɛ̀n-anmàn-bɔ̀ 12:10

Nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n léyi kɛ cüɛn y'edomɛ̀n nɔn; nyɛ́n wá ny'edomɛ̀n ecüɛn mɛ̀n.

2 Korɛntɛ̀n anmàn-bɔ̀ 9:1

Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà.

Filipɛ̀n anmàn-bɔ̀ 3:15

Bɔ́ lɛ fɛn lɔ bɔ̀ srɔ ɛcüìcüì Ɛnhɛ́n mɛ̀n, ke ji le ankà-tro ndɔ lɔ kè dú bɔ́ tɛn. Tɛ́n, ke dú kɛ nyɛ́n ẅɛn ankà-tro nyàntɛn, Ɔwɔ kɛ lɛ tán nyɛ̀n ɛyri-kàn hɩ wú.

1 Tesalonikɛ̀n anmàn-bɔ̀ 5:1

Anwrɔn-nɛ́n-muan-ẅì hɔ̀n, ɛci hɔ̀n léyi kɛ lɛ wɔ̀ɛn nɔn hɩ wú lɔ, kè sɩ̀ ẅɛ̀n n'owrú merɛ́n, ô nyɛ́n nyri n'ɛnvra mán nɛ́n wacɛ̀n.

Ebre-bɔ̀ 10:16

“Ɛẅɛnwrɔn kɛ dɔ̀ le, nyàn eci léyi ke le dú mìrɛ̀n léyi mɛ wá mɛ̀n tán yɔ mán mɛ̀n mɛhi, ɛnbì ndɔ hɔ̀n lɔ y'ɛmɛẅi lɔ, Ɛwɛnwrɔn kɛ dɔ̀ le: Me le merɛ́n m'ɛnyanmàn hɔ̀n lɔ mɛ̀n wá y'ɛnbɔrɛ mɛ̀n, kɩ mɛ lɛ wá yɔ ɛnyanmàn hɔ̀n lɔ ɛnkruemɛ̀n.”

Ebre-bɔ̀ 13:1

Ɛnvra lɔ fɛn nyɛ́n dú ɛmɛ̀n nyɛ́n cüɛn ny'edomɛ̀n kɛ hán anwrɔn-nɛ́n-muan-ẅì hɔ̀n hɔ́.

1 Piɛrɛ̀n 3:8

Ɔtrɔ mɛ̀n lɔ, nyɛ lɛ fɛn nyɛ́n ẅɛn eci wrolo-zri-hán mán ankàtro zri; nyɛ́n cüɛn ny'edomɛ̀n kɛ̀ hán anwrɔn nɛ́n muan-ẅì hɔ̀n hɔ́, nyɛ́n dú anvrɛnvrɛn mán sɔ̀hɔ̀ mɛ̀n nyɛ́n nyran hɔ̀n tɛ̀sɛ̀n.

1 Piɛrɛ̀n 4:8

Eci lɔ fɛn mɛ̀n lɔ, nyɛ́n cüɛn ny'edomɛ̀n edùyiemɛ̀n, ɔmuhi ɛcüɛ̀n kɛ cɔ́ ɛgbàn bobrebe gbànbɩce nɔn.

2 Piɛrɛ̀n 1:7

ɔtrɔ mɛ̀n lɔ, Ɔwɔ mɛ̀n dù lɔ, nyɛ́n tán nɛ̀n ɔwrɔn nɛ́n-muan-ẅì cüɛ̀n kɩ ɔwrɔn nɛ́n-muan-ẅì cüɛ̀n lɔ, nyɛ́n tán ɛcüɛ̀n.

1 Zhan 2:10

Ɔwrɔn léyi kɛ cüɛn nɛ́n muan-ẅì nɔn, nɛ̀n dú ɛyri-kan mɛ̀n, kɩ ɔmu lɔ, eci zriɛmɛ́n bàda nɛ̀n ɛmɛ̀n, hɩ ká hán ɔwrɔn nyàntɛn tɔ̀n ke bru ɛgbàn mɛ̀n nɔn.

1 Zhan 3:11

Annanwɔrɛ mɛ̀n lɔ, nyàn ɛmɛẅi ankà léyi nyɛ́n yá ɛnkrubɔmɛ̀n lɔ nɔn: bɔ̀ cüɛn bɔ́ edomɛ̀n.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.

1 Zhan 4:21

Nyàn ɛnyanmàn léyi Krisì tán bɔ̀ nɔn: Ɔwrɔn léyi kɛ cüɛn Ɔwɔ nɔn, ke ji le nɛ̀n cüɛn nɛ́n muanẅì mán.