1 Tesalonikɛ̀n anmàn-bɔ̀ 4:8 - Ɛmɛẅi ankà ankrànkràn 2003

⁸ Hɩ le kruhú de, ɔwrɔn léyi kɛ kɔ́n ankà-yé ndɔ hɔ̀n lɔ ke die nɔn, nɛ́n sɩ́ kɔ́n ɔwrɔn zriɛmɛ́n nɛ́n diɛ, tɛ́n Ɔwɔ léyi kɛ tán nyɛ̀n n'Ɛnhɛ́n Prɔnprɔn de nɛ kɔ́n die nɔn.

1 Tesalonikɛ̀n anmàn-bɔ̀ 4:8 Iomraidhean Croise

Lükɛ̀n 10:16

Zhezü vru kɛ dɔ́ n'ɛsɛnkɛn-bɔ̀ le: “Ɔwrɔn léyi ke die nyɛ̀n nukùɛ nɔn, ne die mɛ̀n nukù, ɔwrɔn léyi kɛ wrɔ́ nyɛ̀n ze nɔn, nɛ wrɔ́ ɔwrɔn léyi wá mɛ̀n ɔkɔhɔ̀n nɔn ze.”

Zhan 12:48

Ɔwrɔn léyi kɛ kɔ́n mɛ̀n die, hɩ ke sɩ́ ẅɛn m'ankà-dɔ̀ kɛ hɛ́n hán, kɛ cɔ́ nanvrɛn lɔ, nɛ́n nwù-bɔ̀: ankà-yé léyi mɛ̀n tán nɔn de kɛ lɛ bɔ́ nɛ̀n nwù ɛmɛẅi-trɔ bì lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:41

‘Nyɛ́n nyan, nyɛ́n léyi egbrì yɩ́ nyɛ̀n ɛnbɔrɛ mɛ̀n, ankà kɛ̀ frɛ́n nyɛ̀n anvɛmɛ̀n, ô nyɛ́n srɛ́ zrɛ́n! Ɔmuhi ny'ɛwúvà kɔrɛ̀ lɔ mɛ̀n, mɛ lɛ hán eci tɔ̀n léyi nyɛ́n sɩ̀ bù tán ankaẅì rɔ́ ke dú kɛ ɔwrɔn tɔ̀n kɛ dɔ́ nyɛ̀n ankà lɔ!’ ”

Rɔmɛ̀n-anmàn-bɔ̀ 5:5

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

1 Korɛntɛ̀n anmàn-bɔ̀ 2:10

Tɛ́n, bɔ́ de Ɔwɔ yé bɔ̀ ankà-bán-ankà ndɔ lɔ Ɛnhɛ́n Prɔnprɔn cüìemɛ̀n nɔn. Annanwɔrɛ mɛ̀n lɔ, Ɛnhɛ́n Prɔnprɔn ẅɛn ɛkɔrɛ̀-levri kɛ lɛ crɛ́n Ɔwɔ mùan-wá-ci hɔ̀n lɔ mɛ̀n, annannan le yɔ hɔ̀n léyi zeze dú ɛbán vriemɛ̀n nɔn.

1 Korɛntɛ̀n anmàn-bɔ̀ 7:40

Tɛ́n ne le dú ɛnbɔrɛ-bruemɛ̀n ke dú kɛ nɛ yɛ́ ɔmu lɔ. Ndɔ lɔ de dú m'ɛnkruemɛ̀n ankà, kɩ me tro le, mɛ̀n mán Ɔwɔ Hɛ́n dú mɛ̀n edomɛ̀n.

2 Korɛntɛ̀n anmàn-bɔ̀ 1:22

nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

2 Piɛrɛ̀n 1:21

Ɔmuhi Ɔwɔ ankà-dɔ̀ zriɛmɛ́n kè sɩ̀ dù ɔwrɔnẅì kɔrɛ̀levriemɛ̀n kɛ̀ srɔa, tɛ́n, Ɛnhɛ́n Prɔnprɔn de kɛ wá tán anwrɔnẅì kɛ dɔ́ Ɔwɔ mùan-wú ankà nɔn.

1 Zhan 3:24

Ɔwrɔn léyi kɛ hán Ɔwɔ nyanmàn kɔrɛ̀zì-ci nɔn, nɛ̀n dú Ɔwɔ mɛ̀n kɩ Ɔwɔ mán dú nɛ̀n ɛmɛ̀n. Nyàn ɔmu le bo nyrì le Ɔwɔ dú bɔ̀ ɛmɛ̀n nɔn: bɔ́ nyri ndɔ lɔ, Ɛnhɛ́n Prɔnprɔn léyi nɛ̀n tán bɔ̀ nɔn yi kruhú.

Zhüdɛ̀n 1:8

Annanwɔrɛ mɛ̀n, anwrɔn ndɔ hɔ̀n lɔ kɛ hán eci zri lɔ: y'ɛẅià-kɔ̀n kɛ kɛ́n yɔ wá, yɔ hán ɛgbàn ku yɔ dùku y'edùwrú wú, yɔ gbri Ɔwɔ kɔrɛ̀levri-ci, yɔ wora eci-zrɔ hɛ́n hɔ̀n léyi dú anhobɩ́ nɔn.