1 Tesalonikɛ̀n anmàn-bɔ̀ 4:7 - Ɛmɛẅi ankà ankrànkràn 2003

⁷ Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

1 Tesalonikɛ̀n anmàn-bɔ̀ 4:7 Iomraidhean Croise

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

Galasi anmàn-bɔ̀ 5:19

Ye nyri anvrɛnvrɛn mɛ̀n, ɔmu le bɔ́ mumù bɔ́ ɛwúvà-ci-hán ke yé n'edomɛ̀n nɔn: eci-gbangbàn-hán mɛ̀n, ɛnbrámɛ̀n-ci-hán mɛ̀n, mán ɛwúvà-gbangbàn-ẅɛ̀n mɛ̀n,

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 4:19

Yɔ sɩ̀ vrù ẅɛ̀n anvɛvrà ezìwúɛ; yɔ dú eci-gbangbàn-hán mɛ̀n, kɩ yɔ hán ɛnbrá mɛ̀n ci mɛ̀ntɛ mɛ̀ntɛ, yɔ sɩ́ ẅɛn y'edomɛ̀n yɔ hɛ́n rɔ́a.

1 Tesalonikɛ̀n anmàn-bɔ̀ 2:3

Annanwɔrɛ mɛ̀n lɔ, ebi léyi bɔ́ bi anwrɔn lɔ fɛn nɔn, kè sɩ̀ dù ɛzɛ̀n mán ɛnbrá mɛ̀n ci-hán kruhú, kɩ bɔ́ sɩ́ ji bɔ̀ frɛ́n ɔwrɔn zriɛmɛ́n.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

2 Piɛrɛ̀n 2:10

anwrɔn hɔ̀n léyi kɛ kɛ́n yɔ dùku y'ɛnbrá mɛ̀n ankàtro ɛsɛ̀n kɩ ke gbri Ɔwɔ kɔrɛ̀levri ci nɔn, nɛ lɛ hán yɔ ɛgbàn. Ɛyɔ̀n ankà-yé-bɔ̀ ndɔ hɔ̀n lɔ ẅɛn tùtre mán ɛgbugbu, yɔ sɩ̀ ẅɛ̀n ɔwá zriɛmɛ́n kè dù eci-zrɔ hɛ́n hɔ̀n léyi dú anhobɩ́ nɔn tɛn, tɛ́n yɔ wora anhɛ́n hɔ̀n lɔ.