1 Tesalonikɛ̀n anmàn-bɔ̀ 4:6 - Ɛmɛẅi ankà ankrànkràn 2003

⁶ Ankà ndɔ lɔ mɛ̀n, ke sɩ́ ji le ɔwrɔn kè hán nɛ́n muanẅì eci gbàngbàn, ô kɛ̀ jrɛ́ n'ɛkɔrɛ̀levri-ci. Bɔ́ gɔ̀ dɔ́ nyɛ̀n ankà ndɔ lɔ, kɩ bɔ́ bi-dɔ́ nyɛ̀n ɛshishiemɛ̀n: Ɛẅɛnwrɔn kɛ lɛ hán anwrɔn hɔ̀n léyi kɛ hán ɛci ndɔ hɔ̀n lɔ nɔn ɛgbàn.

1 Tesalonikɛ̀n anmàn-bɔ̀ 4:6 Iomraidhean Croise

Markɛ̀n 10:19

E nyri ɛnyànmàn hɔ̀n lɔ: ‘E bɩ́ wri ɔwrɔn; e bɩ́ bi ɛncɔnwrɔn hi; e bɩ́ yerɛ ɛci; ɛ bɩ́ di ɛyɔ̀n dalɛfuɛ e ku ɔwrɔn ɛwú; e bɩ́ bɩ́ ɛnyran ci ɛfrɛ́n mɛ̀n; ɛ̀ wá ezi mán ɔmuan.’ ”

Lükɛ̀n 12:5

Me le yé nyɛ̀n eci léyi ke ji le nyɛ́n sù nɔn: nyɛ́n sú Ɔwɔ léyi, owù mɛẅi lɔ ẅɛn ɛkɔrɛ̀srɔn kɛ lɛ kɔ́n nyɛ̀n di ɛnhyà mɛ̀n nɔn; hɛ̀ɛ̀, mɛ dɔ́ nyɛ̀n, nɛ́n de ke ji le nyɛ́n sú nɛ̀n nɔn!

Lükɛ̀n 16:28

nmàn-ẅì hɔ̀n ɛnrì dú nanvrɛn. Nɛ̀n hɔ̀n nɛ̀n dɔ́ yɔ, ô yɔ mán ye bɩ́ vá ɛgbàn-kán yri ndɔ lɔ mɛ̀n.’

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Rɔmɛ̀n-anmàn-bɔ̀ 12:19

Annyran-anvrɛn-hɔ̀n, nyɛ́n bɩ́ hán ny'edomɛ̀n ɛwɔrɛ̀-tán-ci, tɛ́n nyɛ́n teze Ɔwɔ mɛ̀nhyì ke ci nyɛ̀n ɛmrɛ̀n, ɔmuhi Owrú kɛ dɔ̀ le: “Mɛ̀n de mɛ̀n dú ɛwɔrɛ̀-tán-wrɔn nɔn, mɛ̀n de me le di ɛwɔrɛ̀-tán-wɔ̀ɛn nɔn”, ɔmu de Ɛẅɛnwrɔn kɛ dɔ̀ nɔn.

Rɔmɛ̀n-anmàn-bɔ̀ 13:4

ɔmuhi ɛkɔrɛ̀-levri-wrɔn dú Ɔwɔ-ci-bɩ̀tan-wrɔn léyi ke le yɩ́ mɛ́n edù, ô ɛ̀ hán eci ankrankran nɔn. Tɛ́n ke dú kɛ ɛ hán eci gbàngbàn hô, è sú nɛ̀n! Ɔmuhi kè sɩ̀ dù ankora de nɛ̀n ẅɛ̀n ɛgbàn-hán kɔrɛ̀-levri nɔn: nɛ̀n dú Ɔwɔ-ci-bɩtan kɔ̀hɔ́n mɛ̀n, ô nɛ̀n yé Ɔwɔ mɛ̀nhyì-bɩ̀ léyi ke ku Ɔwrɔn léyi kɛ hán eci-gbangbàn nɔn ɛwú.

2 Korɛntɛ̀n anmàn-bɔ̀ 7:11

Nyɛ́n nyan zɛtɛ̀ lɔ ny'obòtò lɔ nɛ́n vɔ̀nshɛ́ hɔ̀n, hán ɔmu le Ɔwɔ kɛ ji nɔn: ny'eci ɛnbɔrɛ-anvrɛnvrɛn hán mɛ̀n, ny'edomɛ̀n ankà-dɔ̀ tán ɛkpranmàn ci-hán mɛ̀n! Ny'ɔkrɔ ci-hán mɛ̀n, ny'ɛnjansù ci-hán mɛ̀n, ɛcüɛ̀n léyi nyɛ́n ẅɛn m'ɛwú, kɩ nye ji nyɛ́n kán mɛ̀n, ny'edùyì, ny'ecüì léyi nyɛ́n ẅɛn ɛgbàn-kɔrɛ̀ ci-hàn mɛ̀n nɔn! Nyɛ́n yé tán eci lɔ fɛn mɛ̀n le edòmɛ̀n fi nyɛ̀n ankà ndɔ lɔ mɛ̀n.

Galasi anmàn-bɔ̀ 5:21

ɛci kɛ cüɛn yɔ ɛvɛ̀, yɔ kɔ́n ɛntàn kɩ yɔ zî ɛci ɛvrivri, kɩ yɔ hán eci nyàntɛn ndɔ hɔ̀n kɛ cá. Me bi dɔ́ nyɛ̀n zɛtɛ̀ lɔ, hán ɔmu le mɛ́n gɔ̀ hán nɔn: anwrɔn hɔ̀n léyi kɛ hán ɔmu lɔ nɔn, ke sɩ̀ cɔ́ ɛyri Anhobɩ́ Nɛ̀ncüì-dúyri.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 4:28

Ɔwrɔn léyi ke yerɛ ɛci nɔn, kɛ̀ kɛ́n eci-yerɛ kɛ̀ hɛ́n; ke ji le nɛ̀n bɩ́ n'ɛmàn anhyrɛ̀ lɔ nɛ̀n hán ɔkɔ̀hɔ̀n, ô nɛ̀n cɔ́ ɛci nɛ̀n zî, kɩ ɔmu lɔ de, nɛ lɛ cɔ́ ɛci nɛ̀n wá ɛmian-bɔ̀ ɛkɔrɛ̀ nɔn.

Efɛzɛ̀n anmàn-bɔ̀ 5:6

Ɔwrɔn zriɛmɛ́n, ke bɩ́ hán nyɛ̀n nyɛ́n bore ankà-dɔ́ mɛ̀n, ô kɛ hán nyɛ̀n nyɛ́n zɛ́n hán: ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

1 Tesalonikɛ̀n anmàn-bɔ̀ 2:11

Nyɛ́n nyri ɔmu le bɔ́ mán nyɛ́n mɛhi bɔ́ eci-hán ndù hán ɛnẅì-nɛ́n-zi mán n'ɛẅì hɔ̀n mɛhi hɔ́.

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

Ebre-bɔ̀ 13:4

Eyirì mùan-wá lɔ, eyiri-bɔ̀ lɔ fɛn kɛ̀ ẅɛn nɛ̀n kɛ̀ hɛ́n, ke ji le eyiri-bɔ̀ kè di ɔmùan zri tán y'edomɛ̀n. Ɔwɔ ke le ci anwrɔn hɔ̀n léyi kɛ ẅɛn ankàtro-gbàngbàn ci-hán mán yɔ hɔ̀n léyi kɛ hán ɛncɔnwrɔn-hi-bi-gbàn nɔn.

Ebre-bɔ̀ 2:6

Tɛ́n Owrú Prɔnprɔn ankà-dɔ̀ lɔ mɛ̀n ɔwrɔn tɔ̀n ndɔ̀ le: “Ô Ɔwɔ, ecitan dú ɔwrɔnẅì, kɛ́ɛ́ ɛ ẅɛn n'ankàtro hɛ̀? Ecitan dú ɔwrɔnẅì, kɛ́ɛ́ ɛ hɔ́n n'ankà mɛ̀n hàn?

Zhakɛ̀n 2:6

Kɩ, nyɛ tɛn nye gbri ɛmian-wrɔn! Anwrɔn hɔ̀n léyi ke di nyɛ̀n ejüe, hɩ ke sɩ́ nyɛ̀n ɛmrɛ̀nci-bɔ̀ zìwú nɔn, kɛ̂, kè sɩ̀ dù yɔ de yɔ dù ɛnnɛ̀ncüì hɔ̀n lɔ nɛ́n?

Zhakɛ̀n 5:4

Nyɛ́n krɔ nyɛ́n sɩ̀ dì ɔkɔ̀hɔ̀n-hán-bɔ̀ léyi dú nyɛ̀n ankɛ̀tɛ mɛ̀n nɔn ɔwɔɛ̀n. Ndɔ lɔ dú ɛnyrɔnnan gbàngbàn ci-hán. Anwrɔn hɔ̀n léyi ke bɩ́ ny'antɛ̀-ẅì sɩ́ ɛbemɛ̀n nɔn, yɔ bobo-dì bru Ɔwɔ nukùemɛ̀n, ɛnhi mumù Ẅɛnwrɔn.