1 Tesalonikɛ̀n anmàn-bɔ̀ 4:5 - Ɛmɛẅi ankà ankrànkràn 2003

⁵ nɛ́n bɩ́ teze n'edomɛ̀n nɛ́n hɔ́n ankà-tro gbàngbàn wú, kɛ hán anwrɔn hɔ̀n léyi kè sɩ̀ nyrì Ɔwɔ nɔn.

1 Tesalonikɛ̀n anmàn-bɔ̀ 4:5 Iomraidhean Croise

Matie 6:32

Anwrɔn hɔ̀n léyi kè sɩ̀ nyrì Ɔwɔ nɔn de ke ji ɛnvra lɔ fɛn ɛci ndɔ hɔ̀n lɔ nɔn. Tɛ́n nyɛ́n Zi léyi dú anhobɩ́ nɔn, nyri eci léyi nye ji nɔn.

Lükɛ̀n 12:30

Anwrɔn hɔ̀n léyi kè sɩ̀ nyrì Ɔwɔ nɔn, de ke ji ɛnvra lɔ fɛn eci léyi yɔ lɛ hán ô yɔ cɔ́ ɛci-zî nɔn. Tɛ́n nyɛ́n, nyɛ́n ẅɛn nyɛ́n zi léyi nyri ɛci léyi nye ji nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:23

Annanwɔrɛ mɛ̀n lɔ, ɛnvra léyi me ci ny'anmàn lɔ mɛ̀n, hɩ mɛ̀n nyán ny'Ɔwɔ-sɛ́n-ci hɔ̀n lɔ nɔn, kɩ mɛ̀n kán ye merɛ́n Ɔwɔ-cice-tɛbrɛ̀ tɔ̀n wú le: ‘Ɔwɔ léyi ye sɩ̀ nyrìɛn nɔn tɛn.’ Kɛ zrɔ, eci léyi nyɛ sɛ̀n, hɩ nyɛ́n sɩ̀ nyrìɛn nɔn, mɛ và mɛ̀n dɔ́ nyɛ̀n n'ankà.

Rɔmɛ̀n-anmàn-bɔ̀ 1:24

Hɩ le kruhú de Ɔwɔ teze yɔ ɛnbrá-ci-hán mɛ̀n, hán ɔmu le y'ɛnbɔrɛ ke ji, ô yɔ dú anvɛvrà-ci-hán mɛ̀n yɔ mán yɔ nyran hɔ̀n mɛhi.

Rɔmɛ̀n-anmàn-bɔ̀ 1:26

Hɩ le kruhú de Ɔwɔ teze yɔ anvɛvrà-ci-hán mɛ̀n. Yɔ wúyɔ̀ dùku mán kɛ crɔn y'eci-hán-ci wúcɔ̀ dɛ́ tɛ̀sɛ̀n.

Rɔmɛ̀n-anmàn-bɔ̀ 1:28

Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

1 Korɛntɛ̀n anmàn-bɔ̀ 15:34

Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.

Galasi anmàn-bɔ̀ 4:8

Ɛnbiɛhɛ́n vra lɔ, nyɛ́n sɩ̀ nyrì Ɔwɔ kɩ nyɛ́n dú anwɔ̀n-bɔ̀ nyɛ́n tán anwɔ hɔ̀n léyi kè sɩ̀ dù Ɔwɔ annanwɔrɛ nɔn.

Efɛzɛ̀n anmàn-bɔ̀ 2:12

Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Kɔlɔsèn anmàn-bɔ̀ 3:5

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

1 Piɛrɛ̀n 4:3

Annanwɔrɛ mɛ̀n lɔ, ɛnbiɛhɛ́n vra lɔ, nyɛ́n bɩ́ ɛnvra bobrebe nyɛ́n hán ɛci hɔ̀n léyi kɛ cüɛn anwrɔn hɔ̀n léyi kè sɩ̀ nyrì Ɔwɔ nɔn ɛvɛ̀. Ny'ɛwúvà dú eci-gbàngbàn-hán mɛ̀n, ankàtro gbàngbàn hɔ̀n mɛ̀n, ɛntàn-mí-kɔ̀hɔ̀n-hán mɛ̀n, wowie-kɔ̀hɔ̀n-hán mɛ̀n, ɛci-cüì-dì-kɔ̀hɔ̀n-hán mán eci fɔ́n ci-hán léyi dú antɛ̀buri-sɛ̀n nɔn kɔhɔ̀n-hán mɛ̀n.