1 Tesalonikɛ̀n anmàn-bɔ̀ 4:3 - Ɛmɛẅi ankà ankrànkràn 2003

³ Nyàn eci léyi dú Ɔwɔ kɔrɛ̀-zì-ci-hán nɔn: ke ji le nyɛ́n dú prɔnprɔn mɛ̀n, ô nyɛ́n wá ny'edomɛ̀n esùva eci-gbangbàn-hán tɛ̀sɛ̀n.

1 Tesalonikɛ̀n anmàn-bɔ̀ 4:3 Iomraidhean Croise

Matie 12:50

Ɔmuhi ɔwrɔn léyi kɛ hán eci léyi Dade léyi dú anhobɩ́ ke ji nɔn, dú nmàn cɔnwrɔn-ẅì, nmàn nyɔnwrɔn-ẅì mán nmàn.”

Matie 15:19

Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.

Matie 5:32

Tɛ́n mɛ̀n mɛ dɔ́ nyɛ̀n le: ɔwrɔn totɔtɔ̀n léyi kɛ wrɔ nɛ́n hi, hɩ nyri ɔmu le nɛ́n hi kè sɩ̀ dì ɔmùan anhyrɛ̀ nɔn, nɛ tán ɛnnyɔnwrɔn lɔ ɛncɔnwrɔn-bi-gbàn-hán, ke dú kɛ ɛnnyɔnwrɔn lɔ ke yri ɛncɔnwrɔn nyàntɛn; kɩ ɔwrɔn léyi ke yri ɛnnyɔnwrɔn léyi nɛ́n cüì wrɔ nɔn, ɔwrɔn ndɔ lɔ mán kɛ hán ɛnnyɔnwrɔn-bi-gbàn.”

Matie 7:21

“Kè sɩ̀ dù anwrɔn lɔ fɛn léyi kɛ dɔ́ mɛ̀n le: ‘Ɛẅɛnwrɔn, Ɛẅɛnwrɔn’, de ke le bru Anhobɩ́-Nɛ̀ncüì-dúyri lɔ nɔn, tɛ́n yɔ léyi yɔ hán Dade léyi dú anhobɩ́ nɔn n'ɛkɔrɛ̀zì-ci.

Markɛ̀n 3:35

ɔwrɔn totɔtɔ̀n léyi kɛ hán eci léyi Ɔwɔ ke ji nɔn dú nmàn cɔnwrɔn-ẅì, nmàn nyɔnwrɔn-ẅì ɛnvra tɔ̀n hô nmàn.”

Zhan 4:34

Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:20

Tɛ́n bɔ̀ merɛ́n yɔ owrú bɔ̀ dɔ́ yɔ le, yɔ bɩ́ rá ɛnbramɛ̀n nɔ̀n léyi ye ce antɛ̀-buri-Wɔ nɔn, yɔ bɩ́ kɛ́n eci gbàngbàn ci-hán ɛsɛ̀n, ô yɔ bɩ́ rá annɔ̀n hɔ̀n léyi ye sɩ̀ wì esùva hɩ ye wri antamɛ̀n nɔn, yɔ bɩ́ mi ɔnɔ̀n krɛ̀ mán.

Ɔkɔ̀hɔ̀n-wá-bɔ̀ kɔ̀hɔ̀n hán 15:29

ye bɩ́ rá annɔ̀n léyi ye ce antɛ̀-buri-Wɔ nɔn; ye bɩ́ rá ɛnkrɛ̀; ye bɩ́ rá ɛnɔ̀n léyi ye wri antamɛ̀n nɔn; ye bɩ́ hán eci gbàngbàn. Nyɛ́n wá ny'edomɛ̀n esùvá ɛci ndɔ hɔ̀n lɔ fɛn yɔ hán tɛ̀sɛ̀n. Anwrɔn-nɛ́n-muan-ẅì hɔ̀n mɛ̀n, bo bi nyɛ̀n nyan!”

Ɔkɔ̀hɔ̀n-wá-bɔ̀ kɔ̀hɔ̀n hán 20:32

Kɩ zɛtɛ̀ lɔ, me bɩ́ nyɛ̀n mɛ wá Ɔwɔ mán nɛ́n boafɔn ankà-dɔ̀ tamɛ̀n. Nɛ̀n ẅɛn ɛkorɛ̀srɔn léyi kɛ lɛ hán ny'ankaẅì-bùtan lɔ kɛ̀ hɔ́n ezì kɩ nɛ lɛ tán nyɛ̀n ɛci hɔ̀n léyi nɛ̀n wá ɔmùan nɛ̀n hɛ́n anwrɔn hɔ̀n léyi dú nɛ tɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 1:29

Ɛnyrɔn gbàngbàn mɛ̀ntɛ mɛ̀ntɛ yɩ́ y'edomɛ̀n, eci-gbangbàn-hán, ɔwrɔn ci ɛvɛ̀-cüɛ̀n, anbɔrɛ; ecüì-hi-kɔ̀n, ɔwrɔn wri ankà, ɛdrɛ̀-hán, anbrá-dì mán ɛfrɛ́n yɩ́ yɔ ɛnbɔrɛ mɛ̀n. Yɔ dɔ́ ɛyɔ̀n ankà

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 7:2

Tɛ́n, ɛwúvà-gbàngbàn-ẅɛ̀n léyi bonyì nɔn, hɩ kruhú ke ji le ɛncɔnwrɔn kɛ̀ ẅɛn nɛ́n hi, kɩ ɛnnyɔnwrɔn mán kɛ̀ ẅɛn nɛ́n cüì.

2 Korɛntɛ̀n anmàn-bɔ̀ 12:21

Mɛ ẅɛn ɛnjansù le m'ɛyri hɔ̀n lɔ mɛ̀n, m'Ɔwɔ kɛ lɛ trɔ mɛ̀n ezì ny'ezìwú, kɩ me le wú eyú mɛ̀n ku bobrebe hɔ̀n léyi dú ɛgbàn hán mɛ̀n nɔn ɛwú hán ɛnbiɛhɛ́n vra lɔ, kɩ yɔ sɩ̀ crɛ̀ ezì sɔhɔ́ ɛnbrá-ci-hán mɛ̀n, ɛwúvà gbàngbàn-ẅɛn mɛ̀n, mán ɛnkru-fé ci hɔ̀n léyi yɔ hán nɔn mɛ̀n.

Galasi anmàn-bɔ̀ 5:19

Ye nyri anvrɛnvrɛn mɛ̀n, ɔmu le bɔ́ mumù bɔ́ ɛwúvà-ci-hán ke yé n'edomɛ̀n nɔn: eci-gbangbàn-hán mɛ̀n, ɛnbrámɛ̀n-ci-hán mɛ̀n, mán ɛwúvà-gbangbàn-ẅɛ̀n mɛ̀n,

Efɛzɛ̀n anmàn-bɔ̀ 5:17

Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Efɛzɛ̀n anmàn-bɔ̀ 6:6

Nyɛ́n bɩ́ hán nɛ̀n tɛ̀kɩ ɔmuhi yɔ nán nyɛ̀n, ô nyɛ́n cüɛn yɔ ɛvɛ̀ kɩ, tɛ́n nyɛ́n hán Ɔwɔ kɔrɛ̀-zì-ci ny'ɛnbɔrɛ lɔ fɛn mɛ̀n kɛ̀ hán Krisì ci-bɩtan-bɔ̀ hɔ́.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 3:5

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 4:2

Nyɛ́n nyri annanwɔrɛ mɛ̀n lɔ, ankà-yé hɔ̀n léyi bɔ̀ tán nyɛ̀n Ɛẅɛnwrɔn Zhezü bimɛ̀n nɔn.

1 Tesalonikɛ̀n anmàn-bɔ̀ 4:4

Ke ji le ɔwrɔnwrɔn kè nyrì bɩ́ ɛnnyɔnwrɔn prɔnprɔn mɛ̀n mán ɛwá mɛ̀n,

1 Tesalonikɛ̀n anmàn-bɔ̀ 5:18

nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

Ebre-bɔ̀ 12:16

Ɔwrɔn zriɛmɛ́n ny'ɛmɛ̀n lɔ ke bɩ́ ẅɛn eci-hán gbàngbàn ankàtro, ɔwrɔn zriɛmɛ́n ke bɩ́ ẅɛn egbrì ɛci prɔnprɔn hɔ̀n wú, hán Ezàhü léyi ɛcizî zri kruhú hɛ́ n'ecüìcüì-dì lɔ nɔn.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 13:4

Eyirì mùan-wá lɔ, eyiri-bɔ̀ lɔ fɛn kɛ̀ ẅɛn nɛ̀n kɛ̀ hɛ́n, ke ji le eyiri-bɔ̀ kè di ɔmùan zri tán y'edomɛ̀n. Ɔwɔ ke le ci anwrɔn hɔ̀n léyi kɛ ẅɛn ankàtro-gbàngbàn ci-hán mán yɔ hɔ̀n léyi kɛ hán ɛncɔnwrɔn-hi-bi-gbàn nɔn.

1 Piɛrɛ̀n 1:2

Ɔwɔ Zi mrɛ́n nyɛ̀n nbɩ hán ɔmu le nɛ́n gɔ̀ wá n'ankɔ́nda ci-hán mɛ̀n nɛ̀n hɛ́n; nɛ̀n mrɛ́n nyɛ̀n nɛ̀n hɛ́n ɔhɔ́nan, Ɛnhɛ́n Prɔnprɔn kɔrɛ̀levriemɛ̀n, ô nyɛ́n ẅɛn Zhezü Krisì wá, ô n'ɛnkrɛ̀ kè fi nyɛ̀n edomɛ̀n. Ɔwɔ kɛ̀ tán nyɛ̀n nboafɔ̀n mán anwɔwɔ bobrebe.

1 Piɛrɛ̀n 4:2

Bukru zɛtɛ̀ lɔ nɔn, ke ji le ny'ɛwúvà léyi wɔrɔ dú nyɛ̀n ɛnu hi nɔn, kè dú Ɔwɔ-ci-hán bɔ̀sɔ mɛ̀n, tɛ́n ke bɩ́ dú anwrɔnẅì ankàtro mɛ̀n.

1 Zhan 2:17

Ɛnhibù dú ɛvàciemɛ̀n, nɛ́n mán ɛci hɔ̀n lɔ fɛn léyi anwrɔnẅì kɛ cüɛ̀n nɔn; tɛ́n ɔwrɔn léyi kɛ hán Ɔwɔ kɔrɛ̀zì-ci nɔn, nɛ̀n dú ɛwúvà mɛ̀n ɛnvra lɔ fɛn.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!