1 Tesalonikɛ̀n anmàn-bɔ̀ 4:17 - Ɛmɛẅi ankà ankrànkràn 2003

¹⁷ zɛtɛn, bɔ́ léyi bɔ́ le dú ɔkɔrɛ-bɔ̀ mɛ̀n hɩ vra lɔ nɔn, ye le bɩ́ bɔ̀, yɔ mán bɔ́ mɛhi ye ci ɛnwì-gbú granmɛ̀n, ô bɔ̀ srɔ́n Ɛẅɛnwrɔn ɛsù ɔwràn mɛ̀n. Kɩ ɔmu lɔ, bɔ́ le dú bɔ́ mán Ɛẅɛnwrɔn mɛhi ɛnvra lɔ fɛn.

1 Tesalonikɛ̀n anmàn-bɔ̀ 4:17 Iomraidhean Croise

Matie 26:64

Zhezü mrɛ́n nɛ̀n ɔmùan le: “Vɛ́n de ɛ dɔ̀ nɔn. Tɛ́n mɛ dɔ́ nyɛ̀n le: bukru zɛtɛ̀ lɔ nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ zì-kɔrɛ̀ kɔrɛ̀a; nye le vru nyɛ́n kán nɛ̀n ne le dú anhobɩ́ nwì-gbúemɛ̀n nɛ lɛ và.”

Markɛ̀n 14:62

Zhezü mrɛ́n ɔmùan le: “Hɛ̀ɛ̀, mɛ̀n dú Ɔwɔ ẅì, kɩ nyɛ́n lɔ fɛn nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ̀a; nyɛ́n le vru nyɛ́n kán nɛ̀n anhobɩ́ wì-gbuemɛ̀n nɛ̀n và.”

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 14:3

Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:9

Ɛnvra léyi Zhezü dɔ́ ankà ndɔ hɔ̀n lɔ trɔ nɔn, nɛ̀n tɔhú nɛ hɔ́n anhobɩ́, kɩ yɔ lɛ fɛn yɔ nyan nɛ̀n; Zɛtɛn ɛnwì-gbú tɔ̀n wá sɛ́n y'ezì.

Ɔkɔ̀hɔ̀n-wá-bɔ̀ kɔ̀hɔ̀n hán 8:39

Ɛnvra léyi yɔ dú ɛnshiemɛ̀n yɔ srɔ ɛntrɛ nɔn, Ɛẅɛnwrɔn Hɛ́n bɩ́ Filipɛ̀n sɔhɔ́. Govran-kɔ̀hɔ̀n-hán-wrɔn lɔ kè sɩ̀ vrù kàn Filipɛ̀n, tɛ́n pɔpüɛ̀-bra mɛ̀n nɛ̀n bɩ́ n'ɛnlevri nɛ hɔ̀n.

1 Korɛntɛ̀n anmàn-bɔ̀ 15:52

ɛnvra zriemɛ̀n hàn ɔmu le ye nyî anvɛ̀ kɩ yɛ gbɛ̀ nɔn hɔ́, ɛmɛẅitrɔ brɛ̀n-kù-diemɛ̀n. Ɔmuhi ɛnvra léyi ɛbrɛ̀n ke le di nkù nɔn, owú-bɔ̀ kɛ lɛ frɔ́ ô ke bɩ́ vru wúɛ, kɩ yɛ lɛ crɔn bɔ́ lɛ fɛn lɔ.

2 Korɛntɛ̀n anmàn-bɔ̀ 5:8

Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

Filipɛ̀n anmàn-bɔ̀ 1:23

Mɛ̀n mán ankà-tro anhyrɛ̀ mɛhi bɔ́ wrɔ́n ecüì: mɛ cüɛn ɔmu le mɛ̀n teze ɛwúvà ndɔ lɔ, ô mɛ̀n mán Krisì mɛhi bɔ̀ dù, hɩ de ke le zeze kɛ̀ zrɔ nɔn;

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:15

Annanwɔrɛ mɛ̀n lɔ, nyàn ankà léyi bɔ́ dɔ́ Ɛẅɛnwrɔn ankà-yé tɔ̀n wú nɔn: bɔ́ ɛmɛ̀n lɔ, anwrɔn hɔ̀n léyi ke le dú ɔkɔrɛ-bɔ̀ mɛ̀n ɛnvra léyi Ɛẅɛnwrɔn kɛ lɛ và nɔn, yɔ sɩ̀ ẅɛn vɔ̀nshɛ́ kɛ̀ vrán yɔ hɔ̀n léyi nwù nɔn.

1 Tesalonikɛ̀n anmàn-bɔ̀ 4:18

Zɛtɛn nyɛ́n bi ɛnborɛ nyɛ́n wá ny'edòmɛ̀n ankàdɔ̀ ndɔ hɔ̀n lɔ wú.

1 Tesalonikɛ̀n anmàn-bɔ̀ 5:10

Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn.

2 Piɛrɛ̀n 3:13

Tɛ́n Ɔwɔ wá anhobɩ́ wrù mán ɛnhi wrù ɔmuan, nanvrɛn de ɛnyrɔnnan kɛ lɛ sɔ́n ebɩ́, kɩ nyàn eci léyi bɔ́ vrá nɔn.

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.

Ɔwɔ-mɛ̀n-yrikàn 11:12

Zɛtɛn Ɔwɔ-mùan-wú-ankà-dɔ́-bɔ̀ anhyrɛ̀ lɔ yá esùva cüìcüì tɔ̀n dú anhobɩ́ nvà, wá tán yɔ le: “Nyɛ́n kà nyɛ́n vá ɛnu lɔ!” Yɔ tɔhú, yɔ hɔ́n anhobɩ́ ɛnwì-gbuemɛ̀n, y'egbri-bɔ̀ zìwú.

Ɔwɔ-mɛ̀n-yrikàn 12:5

Ɛnnyɔnwrɔn lɔ bî ɛncɔnwrɔn-ẅì, nɛ́n de nɛ lɛ nyrɔn ɛnhibù wú anmàn hɔ̀n lɔ fɛn ɛgbɛnẅì kɔrɛ̀srɔn mɛ̀n. Kpatakpata lɔ, ye bɩ́ ɛnẅì lɔ ye sɩ́ Ɔwɔ mán n'ɛgbú-tòbù tɛ̀sɛ̀n.