1 Tesalonikɛ̀n anmàn-bɔ̀ 4:14 - Ɛmɛẅi ankà ankrànkràn 2003

¹⁴ Bɔ bú tán le Zhezü nwù kɩ dú owúemɛ̀n frɔ́; ɔmu zri lɔ, bɔ́ bú tán le Ɔwɔ ke le sɩ́ anwrɔn hɔ̀n léyi ke le wù nɔn, yɔ mán Zhezü mɛhi ɔkɔrɛ-bɔ̀ mɛ̀n ke dú kɛ yɔ bú n'ankà yɔ tán ankaẅì.

1 Tesalonikɛ̀n anmàn-bɔ̀ 4:14 Iomraidhean Croise

Matie 24:31

Ɛbrɛ̀n vri lɔ ke le di nkù kɩ nɛ lɛ wá n'ɛkùyüre-bɔ̀ ɔkɔ̀hɔ̀n ɛnhibù kpɔsɔ d'anzɔ̀ lɔ wú; yɔ lɛ borɛ anwrɔn hɔ̀n léyi nɛ̀n mrɛ́n nɛ́n bɩ, ezì mán ɛmɛẅi nɔn ɛkru.”

Rɔmɛ̀n-anmàn-bɔ̀ 14:9

Ɔmuhi Krisì nwù kɩ vru vá ɔkɔrɛ-bɔ̀ mɛ̀n, ô kè dú owú-bɔ̀ mán ɔkɔrɛ-bɔ̀ Ẅɛnwrɔn nɔn.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 4:17

zɛtɛn, bɔ́ léyi bɔ́ le dú ɔkɔrɛ-bɔ̀ mɛ̀n hɩ vra lɔ nɔn, ye le bɩ́ bɔ̀, yɔ mán bɔ́ mɛhi ye ci ɛnwì-gbú granmɛ̀n, ô bɔ̀ srɔ́n Ɛẅɛnwrɔn ɛsù ɔwràn mɛ̀n. Kɩ ɔmu lɔ, bɔ́ le dú bɔ́ mán Ɛẅɛnwrɔn mɛhi ɛnvra lɔ fɛn.

2 Tesalonikɛ̀n anmàn-bɔ̀ 2:1

Bɔ́ Ɛẅɛnwrɔn Zhezü Krisì vá ankà lɔ, mán bɔ́ ɛkrubɔrɛ n'ɛtɛ̀sɛ̀n, bɔ́ sán nyɛ̀n eci zri, anwrɔn-nɛ́n-muan-ẅì hɔ̀n:

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”