1 Tesalonikɛ̀n anmàn-bɔ̀ 4:13 - Ɛmɛẅi ankà ankrànkràn 2003

¹³ Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 4:13 Iomraidhean Croise

Matie 27:52

ɛzhe-nànmàn hɔ̀n kɛ gbɛ́ ɔmùan kɩ ankàẅì-bùtan ẅɛn-bɔ̀ léyi wù nɔn, vru vá ɔkɔrɛ-bɔ̀ mɛ̀n.

Zhan 11:24

Martɛ̀n mrɛ́n ɔmùan le: “Mɛ̀n nyri ɔmu le ne le dú owúemɛ̀n nɛ lɛ frɔ́ ɛmɛẅi trɔ bì lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:36

Davidɛ̀n tɛn, nɛ́n vra lɔ mɛ̀n, hán eci léyi Ɔwɔ ke ji nɔn; zɛtɛn nɛ̀n wù, ye bɩ́ nɛ̀n nɛ́n nancüì hɔ̀n tɛ̀sɛ̀n, kɩ nɛ̀n srɔ ɛnhi-wɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 7:60

Zɛtɛn nɛ̀n bore annankruemɛ̀n kɩ nɛ̀n di bobo ecüiemɛ̀n le: “Ɛẅɛnwrɔn e bɩ́ srɔ yɔ ɛgbàn ndɔ lɔ, n'ɛhán-bɔ̀.” Ɛnvra léyi nɛ̀n dɔ́ ankà ndɔ hɔ̀n lɔ trɔ nɔn, kɩ nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 8:2

Ɔwɔ-kɔ̀hɔ̀n-hán-bɔ̀ anvrɛnvrɛn bɩ́ Etiɛnɛ̀n dùwru lɔ wá ɛnhibɩ́ kɩ wú eyú ku Etiɛnɛ̀n wú.

Rɔmɛ̀n-anmàn-bɔ̀ 1:13

Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn.

1 Korɛntɛ̀n anmàn-bɔ̀ 10:1

Anwrɔn-nɛ́n-muan-ẅì hɔ̀n, me ji le nyɛ́n kore ny'edomɛ̀n eci léyi wɔɛn bɔ́ nancüì hɔ̀n Mohizì vra lɔ nɔn. Yɔ lɛ fɛn anhobɩ́ wì-gbú wá yɔ esùva kɩ yɔ vɔ́n ecüe Wɔnsɛn.

1 Korɛntɛ̀n anmàn-bɔ̀ 12:1

Zɛtɛn lɔ bɔ̀ dɔ́ nyɛ̀n Ɛnhɛ́n Prɔnprɔn cice ankà: Anwrɔn-nɛ́n-muan-ẅì hɔ̀n, me ji le nyɛ́n nyri ankà annanwɔrɛ léyi dú ɛcice ndɔ hɔ̀n lɔ wú nɔn.

1 Korɛntɛ̀n anmàn-bɔ̀ 15:6

Zɛtɛn, nɛ̀n vru nɛ̀n bɩ́ n'edomɛn nɛ̀n yé ɛnvra zri lɔ mɛ̀n, n'ɛsɛ̀nkɛn-bɔ̀ ɛkoẅi-ɛnrì-d'ɛnrì nvrán; y'ɛmɛ̀n lɔ ndɔ hɔ̀n dú ɔkɔrɛ-bɔ̀ mɛ̀n, tɛ́n ɛnjanbɔ̀ nwù.

2 Korɛntɛ̀n anmàn-bɔ̀ 1:8

Anwrɔn-nɛ́n-muan-ẅì hɔ̀n annanwɔrɛ mɛ̀n lɔ, bɔ́ ji le nyɛ́n nyri ɛgbànkàn léyi bɔ̀ cɔ́ Azi kpɔsɔ wú nɔn: ɛgbànkàn lɔ srɔn ká bɔ̀, bɔ́ sɩ́ cɔ́ n'ɛẅɛn-yri, kɩ ɛwúvà-sɛ́ zriɛmɛ́n bàda bɔ̀ ɛmɛ̀n.

Efɛzɛ̀n anmàn-bɔ̀ 2:12

Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Efɛzɛ̀n anmàn-bɔ̀ 2:3

Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

1 Tesalonikɛ̀n anmàn-bɔ̀ 4:14

Bɔ bú tán le Zhezü nwù kɩ dú owúemɛ̀n frɔ́; ɔmu zri lɔ, bɔ́ bú tán le Ɔwɔ ke le sɩ́ anwrɔn hɔ̀n léyi ke le wù nɔn, yɔ mán Zhezü mɛhi ɔkɔrɛ-bɔ̀ mɛ̀n ke dú kɛ yɔ bú n'ankà yɔ tán ankaẅì.

1 Tesalonikɛ̀n anmàn-bɔ̀ 4:15

Annanwɔrɛ mɛ̀n lɔ, nyàn ankà léyi bɔ́ dɔ́ Ɛẅɛnwrɔn ankà-yé tɔ̀n wú nɔn: bɔ́ ɛmɛ̀n lɔ, anwrɔn hɔ̀n léyi ke le dú ɔkɔrɛ-bɔ̀ mɛ̀n ɛnvra léyi Ɛẅɛnwrɔn kɛ lɛ và nɔn, yɔ sɩ̀ ẅɛn vɔ̀nshɛ́ kɛ̀ vrán yɔ hɔ̀n léyi nwù nɔn.

1 Tesalonikɛ̀n anmàn-bɔ̀ 5:10

Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn.

1 Tesalonikɛ̀n anmàn-bɔ̀ 5:6

Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a.

2 Piɛrɛ̀n 3:4

kɩ yɔ lɛ dɔ̀ le: “Nɛ̀n wá ɔmùan le, nɛ lɛ và, kè sɩ̀ dù yiɛ? Zɛtɛn, tɛyri nɛ́n dùɛ? Bó zi hɔ̀n gɔ́ wù, tɛ́n eci lɔ fɛn hɛ́n ɔmu zri lɔ ɛnhibù krubɔmɛ̀n anhɛ́n!”

2 Piɛrɛ̀n 3:8

Tɛ́n eci tɔ̀n ndù ke sɩ́ ji le ke yru nyɛ̀n esùva m'annyran anvrɛn hɔ̀n: Ɛẅɛnwrɔn tɛn, ɛnbì zri ndù hán ɛnnanwàn tɛ̀buri, kɩ ɛnnanwàn tɛ̀buri ndù hán ɛnbì zri hɔ́.