1 Tesalonikɛ̀n anmàn-bɔ̀ 4:11 - Ɛmɛẅi ankà ankrànkràn 2003

¹¹ Anwɔwɔ-wúvà-ẅɛ̀n kè dú ny'ankà shishi, nyɛ́n dùku nyɛ́n wá ny'ɛci hɔ̀n esùva, ô nyɛ́n cɔ́ ny'ɛkɔrɛ̀-kɔhɔ̀n-hán ci-zî, hán ɔmu le bɔ́ gɔ̀ dɔ́ nyɛ̀n nɔn hɔ́.

1 Tesalonikɛ̀n anmàn-bɔ̀ 4:11 Iomraidhean Croise

Markɛ̀n 13:34

Ke le dù kɛ lɛ hán ɔwrɔn léyi kɛ hɔ́n ɛyri: Ne bɩ́ n'ɔwɔn lɔ nɛ wá n'ɛci-bɩtan-bɔ̀ antamɛ̀n, kɩ nɛ tán ɔwrɔn zri zri ɔkɔ̀hɔ̀n kɛ̀ hán, kɩ nɛ dɔ́ ɛyri-nan-wrɔn ke bɩ́ di ndà;

Ɔkɔ̀hɔ̀n-wá-bɔ̀ kɔ̀hɔ̀n hán 18:3

kɩ, ɔmuhi nɛ́n mán Yɔ mɛhi yɔ ẅɛn ɔkɔhɔ̀n zri lɔ nɔn (yɔ hán ɛcàsa-wɔn), nɛ̀n yɛ́ y'ebɩ́ lɔ mɛ̀n, ô nɛ̀n hán ɔkɔhɔ̀n nanvrɛn.

Ɔkɔ̀hɔ̀n-wá-bɔ̀ kɔ̀hɔ̀n hán 20:35

Mɛ̀n yé nyɛ̀n eci lɔ fɛn mɛ̀n le, ke ji le yɛ hán ɔkɔ̀hɔ̀n ô, yɛ wá ɛmian-bɔ̀ ɛkɔrɛ̀, kɩ ke ji le Ɛẅɛnwrɔn Zhezü dùku ankà léyi ndɔ nɔn ke bru nyɛ̀n le: ‘Eci tán ẅɛn ɛnborɛ-bru vrán eci cɔ̀!’ ”

Rɔmɛ̀n-anmàn-bɔ̀ 12:11

Nyɛ́n ẅɛn edùyì, tɛ́n nyɛ́n bɩ́ dú ɛjɛ-bɔ̀. Edùyì kè yɩ́ ny'ɛnbɔrɛ lɔ, ô nyɛ́n dú ɛẅɛnwrɔn ci-bɩ̀tan-wrɔn.

Rɔmɛ̀n-anmàn-bɔ̀ 15:20

Tɛ́n mɛ̀n wá le, mɛ lɛ dɔ́ Ɛmɛẅi ankà Ankrankran lɔ, ɛyri hɔ̀n léyi yɛ vá yá yɛ dɔ́ Krisì ankà, ô ke bɩ́ hán tán ankà-dɔ̀ hɔ̀n lɔ, ke dú anhyrɛ̀, ke dú kɛ ɔwrɔn gɔ́ ci nanvrɛn.

1 Korɛntɛ̀n anmàn-bɔ̀ 4:12

bɔ́ hán ɔkɔ̀hɔ̀n ɛshishiemɛ̀n, ô bɔ̀ cɔ́ ɛci-zî. Ɛnvra léyi yɛ wora bɔ̀ nɔn, bɔ́ sɛ́n tán yɔ; ɛnvra léyi yɛ hán bɔ̀ ɛgbàn nɔn, bɔ́ shrì bɔ́ bɩ;

2 Korɛntɛ̀n anmàn-bɔ̀ 5:9

Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

Efɛzɛ̀n anmàn-bɔ̀ 4:28

Ɔwrɔn léyi ke yerɛ ɛci nɔn, kɛ̀ kɛ́n eci-yerɛ kɛ̀ hɛ́n; ke ji le nɛ̀n bɩ́ n'ɛmàn anhyrɛ̀ lɔ nɛ̀n hán ɔkɔ̀hɔ̀n, ô nɛ̀n cɔ́ ɛci nɛ̀n zî, kɩ ɔmu lɔ de, nɛ lɛ cɔ́ ɛci nɛ̀n wá ɛmian-bɔ̀ ɛkɔrɛ̀ nɔn.

Kpàkpà timote 2:2

Ke ji le yɛ sɛ̀n tán ɛnnɛncüì hɔ̀n mán ɛyri-ẅɛn-bɔ̀, ô bɔ̀ ẅɛn ɛwúvà wɔwɔ léyi ɛwá dú ɛmɛ̀n, b'Ɔwɔ tɛ̀sɛ̀n và anvrɛnvrɛn mɛ̀n.

Kpàkpà timote 5:13

Kɩ ɛnvra léyi yɔ sɩ̀ vrù ẅɛ̀n eci zriɛmɛ́n hán nɔn, yɔ ẅɛn eci-hán wrù kɩ yɔ ci ebɩ́-bɩ́; tɛ́n eci léyi zeze krɛgbàn nɔn, yɔ srɔ ɛdrɛ́ wúyɔ̀ kɩ yɔ dɔ́ ankà lɔ fɛn, yɔ dɔ́ ankà léyi ke sɩ́ crɛ nyan yɔ nɔn.

Titɛ̀n 3:14

Ke ji le bɔ́ fɛcüè lɔ mán kè nyrì wá y'edomɛ̀n kokroho eci ankrànkràn hán mɛ̀n ô kè dú ɛkɔrɛ̀-wá anvrɛnvrɛn; kɩ ke sɩ́ ji le yɔ ẅɛn ɛwúvà woro.

1 Piɛrɛ̀n 3:4

Nyɛ́n ji ɛnhɛ́n mɛ̀n fì nyɛ́n wá edomɛ̀n, ɛnhɛ́n-mɛ̀n-fi-ci léyi ke sɩ́ wúɛ, dú sɔ̀hɔ̀ mán anwɔwɔ, kɩ ẅɛn vɔ̀nshɛ́ vri Ɔwɔ zìwú nɔn.

1 Piɛrɛ̀n 4:15

Ɔwrɔn zriɛmɛ́n ny'ɛmɛ̀n lɔ ke bɩ́ cɔ́ ɛgbànkàn kɛ hán ɔwrɔn-wri-wrɔn, ɛciyerɛ-wrɔn mán eci-gbangbàn-hán-wrɔn hɔ́, kɩ ɛnvra tɔ̀n hô, ɔmuhi nɛ̀n bru anwrɔn ankà mɛ̀n nɔn.