1 Tesalonikɛ̀n anmàn-bɔ̀ 4:1 - Ɛmɛẅi ankà ankrànkràn 2003

¹ Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Tesalonikɛ̀n anmàn-bɔ̀ 4:1 Iomraidhean Croise

Zhan 15:2

Nɛ ẅiɛ antɛ̀da hɔ̀n léyi dú mɛ̀n ɛmɛ̀n hɩ ke sɩ́ shi ɛẅì, kɩ nɛ hán anda hɔ̀n léyi ɛẅì dú ɛwú nɔn ɛci, ô yɔ sàn shi ɛẅì kè vru kɛ̀ cüɛn.

Ɔkɔ̀hɔ̀n-wá-bɔ̀ kɔ̀hɔ̀n hán 20:27

Ɔmuhi mɛ̀n dɔ́ nyɛ̀n Ɔwɔ ankɔnda ci-hán ankà lɔ fɛn, nzriɛmɛ́n kè sɩ̀ bàn nyɛ̀n.

Rɔmɛ̀n-anmàn-bɔ̀ 8:8

Anwrɔn hɔ̀n léyi y'ɛnbɔrɛ kɛ wá ɛnyànmàn tán yɔ nɔn, yɔ sɩ̀ cüɛn Ɔwɔ ɛvɛ̀ rɔ́.

1 Korɛntɛ̀n anmàn-bɔ̀ 11:23

Annanwɔrɛ mɛ̀n lɔ, nyàn ankà-yé léyi mɛ̀n cɔ́ Ɛẅɛnwrɔn yri hɩ mɛ̀n tán nyɛ̀n nɔn: Ɛẅɛnwrɔn Zhezü, ɛnnyran léyi yɛ lɛ ẅɛn nɛ̀n nɔn, bɩ́ abùtùkumɛ́n

1 Korɛntɛ̀n anmàn-bɔ̀ 15:1

Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

2 Korɛntɛ̀n anmàn-bɔ̀ 5:9

Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

Galasi anmàn-bɔ̀ 6:1

Anwrɔn-nɛ́n-muan-ẅì hɔ̀n, ke dú kɛ ɔwrɔn tɔ̀n ke bru ɛgbàn mɛ̀n hô, nyɛ́n léyi nyɛ́n ẅɛn Ɔwɔ Hɛ́n nɔn, nyɛ́n bɩ́ nɛ̀n nyɛ́n sɩ́ ɛnlevri ankrankran wú; tɛ́n nyɛ́n ẅɛn ɛnbɔrɛ-wɔ̀ n'ɛtɛ̀sɛ̀n. Kɩ nyɛ́n mán nyɛ́n wá esùva anvrɛnvrɛn, ô nyɛ́n bɩ́ teze ny'edòmɛ̀n ɔwɔɛ̀nnyan mɛ̀n.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 4:20

Kè sɩ̀ dù ndɔ lɔ de, kè dù ankà-yé léyi nyɛ́n cɔ́ Krisì wú nɔn!

Efɛzɛ̀n anmàn-bɔ̀ 5:17

Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

Filipɛ̀n anmàn-bɔ̀ 3:14

Ɔmu lɔ de, mɛ srɛ́ hɔ́n ɛsànnyɔn-yri, ô mɛ̀n cɔ́ ɔwɔɛ̀n-dì léyi Zhezü Krisì bɩmɛ̀n, Ɔwɔ bi bɔ̀, bɔ̀ và cɔ́ anhobɩ́ nɔn.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 2:6

Ɔmu lɔ, ɔmuhi nyɛ́n shri Zhezü Krisì nyɛ́n bɩ dú ny'Ɛẅɛnwrɔn nɔn, nyɛ́n dú ɔbɔ̀sɔ mɛ̀n nyɛ́n mán nɛ́n mɛhi.

1 Tesalonikɛ̀n anmàn-bɔ̀ 3:12

Ke ji le Ɛẅɛnwrɔn kɛ̀ hán tán ɛcüɛ̀n léyi nyɛ́n ẅɛn ny'edomɛ̀n mán anwrɔnẅì lɔ fɛn wú, kɛ̀ sàn sevri kè dù kɛ̀ cá ɛcüɛ̀n sɛnpò léyi bɔ̀ ẅɛn ny'ɛwú nɔn.

1 Tesalonikɛ̀n anmàn-bɔ̀ 4:2

Nyɛ́n nyri annanwɔrɛ mɛ̀n lɔ, ankà-yé hɔ̀n léyi bɔ̀ tán nyɛ̀n Ɛẅɛnwrɔn Zhezü bimɛ̀n nɔn.

1 Tesalonikɛ̀n anmàn-bɔ̀ 5:12

Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

2 Tesalonikɛ̀n anmàn-bɔ̀ 2:1

Bɔ́ Ɛẅɛnwrɔn Zhezü Krisì vá ankà lɔ, mán bɔ́ ɛkrubɔrɛ n'ɛtɛ̀sɛ̀n, bɔ́ sán nyɛ̀n eci zri, anwrɔn-nɛ́n-muan-ẅì hɔ̀n:

2 Tesalonikɛ̀n anmàn-bɔ̀ 3:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn.

2 Tesalonikɛ̀n anmàn-bɔ̀ 3:13

Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.

Kpàkpà timote 5:21

Mɛ sán mɛ́n eci-hán ndɔ lɔ Ɔwɔ zìwú ɔmùan-ɛwú-sɩ́emɛ̀n, Zhezü Krisì zìwú mán Ɔwɔ-kùyüre-bɔ̀ prɔnprɔn hɔ̀n zìwú: ɛ̀ wá eci-hán ndɔ léyi mɛ́n wá tán mɛ́n nɔn, ɛnyrɔnnan mɛ̀n, e bɩ́ hán eci kɛ vɛ́n ɔwrɔnwrɔn tɛ̀sɛ̀n.

Anhyrɛmɛ̀n timote 4:1

Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n:

Ebre-bɔ̀ 11:6

Tɛ́n ɔwrɔn zriɛmɛ́n ke sɩ̀ cüɛn Ɔwɔ ɛvɛ̀, ke dú kɛ nɛ̀n sɩ̀ ẅɛ̀n ankàẅì-bùtan. Annanwɔrɛ mɛ̀n lɔ, ɔwrɔn léyi kɛ sɔnba Ɔwɔ ɛtɛ̀sɛ̀n nɔn, kè nyrì le Ɔwɔ dù, kɩ anwrɔn hɔ̀n léyi ke ji nɛ̀n nɔn, nɛ bó yɔ anjakpà.

Ebre-bɔ̀ 13:16

Anvrɛn hán mán ny'edomɛ̀n ɛkɔrɛ̀wá ke bɩ́ yru nyɛ̀n esùvà, ɔmuhi ɛcice ndɔ hɔ̀n lɔ de kɛ cüɛn Ɔwɔ ɛvɛ̀ nɔn.

Ebre-bɔ̀ 13:22

Anwrɔn-nɛ́n-muanẅi hɔ̀n, mɛ wá tán nyɛ̀n le: nyɛ́n die nukù ɛnbɔrɛ-ẅɛ̀n-hɛ́n mɛ̀n, edùyi ankà-dɔ̀ ndɔ hɔ̀n lɔ mɛ̀n. Ɔmuhi owrú léyi mɛ̀n merɛ́n nyɛ̀n nɔn ke sɩ̀ zeze kɛ̀ gbɔ̀a nɔn.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

1 Zhan 3:22

Bɔ́ cɔ́ eci lɔ fɛn léyi bɔ́ sán n'eyri, ɔmuhi bɔ́ hán n'ɛnyanmàn kɔrɛ̀zi-ci, kɩ bɔ́ hán eci léyi nɛ cüɛ̀n nɔn.