1 Tesalonikɛ̀n anmàn-bɔ̀ 3:3 - Ɛmɛẅi ankà ankrànkràn 2003

³ ô ny'ɛmɛ̀n lɔ ɔwrɔn zriɛmɛ́n ke bɩ́ teze n'edomɛ̀n kɛ tán owú-gbànkàn léyi bɔ̀ cɔ́ Ɔwɔ-kɔ̀hɔ̀n-hán mɛ̀n nɔn kɛ kɔ́nká nɛ̀n. Nyɛ́n dùkú mán nyɛ́n nyrì le, owú-gbànkàn ndɔ hɔ̀n lɔ dú Ɔwɔ ankɔnda ci-hán lɔ mɛ̀n, bɔ́ ɛkruhú.

1 Tesalonikɛ̀n anmàn-bɔ̀ 3:3 Iomraidhean Croise

Lükɛ̀n 21:12

Tɛ́n eci ndɔ lɔ n'ɛmɛẅi lɔ, yɛ lɛ gɔ̀ ẅɛn nyɛ̀n, yɛ hán nyɛ̀n ɛgbàn, ye le sɩ́ nyɛ̀n ɛcüìcüì-bɔ̀ zìwú, ô ye ci nyɛ̀n ɛmrɛ̀n Ɔwɔ-sɛ́n-wɔn hɔ̀n lɔ mɛ̀n, kɩ yɛ lɛ wá nyɛ̀n anwɔn-mɛ̀n-wá-wɔn mɛ̀n; yɛ lɛ hán nyɛ̀n nyɛ́n srɔ ɛnnɛ̀ncüì hɔ̀n mán anmàn cüìcüì-bɔ̀ ziwú m'ɛkruhú.

Zhan 16:2

Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 2:25

Annànwɔrɛ mɛ̀n lɔ Davidɛ̀n dɔ́ n'ɛwú le: ‘Mɛ kán ɛnvra lɔ fɛn Ɛẅɛnwrɔn kɛ nyɔn m'ezìwúɛ, nɛ̀n dú mɛ̀n ɛtɛsɛ̀n ô gbɔ̀gbɔ̀ ke bɩ́ bru mɛ̀n edù.

Ɔkɔ̀hɔ̀n-wá-bɔ̀ kɔ̀hɔ̀n hán 21:11

Nɛ̀n ji bɔ̀ nɛ́n và, nɛ̀n bɩ́ Pɔlɛ̀n pɛtɛ̀n lɔ, kɩ nɛ̀n kora n'edomɛ̀n annan mán ankɔrɛ̀ kɩ nɛ dɔ̀ le: “Nyàn ankà léyi Ɛnhɛ́n Prɔnprɔn kɛ dɔ̀ nɔn: Ɔwrɔn léyi ẅɛn pɛtɛ̀n ndɔ lɔ nɔn, Zhüifɛ̀n-bɔ̀ kɛ lɛ kora nɛ̀n ɔmu zri lɔ Zherüzalɛmɛ̀n anmàn, zɛtɛn yɔ le bɩ́ nɛ̀n yɔ tán nɛ̀nnyàn-bɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 21:13

Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.”

Ɔkɔ̀hɔ̀n-wá-bɔ̀ kɔ̀hɔ̀n hán 9:16

Mɛ́n dùku me le yé nɛ̀n ɛgbàn léyi nɛ lɛ kán m'ɛkruhú nɔn.”

Rɔmɛ̀n-anmàn-bɔ̀ 5:3

Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n,

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

1 Korɛntɛ̀n anmàn-bɔ̀ 4:9

Annànwɔrɛ mɛ̀n lɔ me tro le Ɔwɔ hɛ́n bɔ̀, bɔ́ ɔkɔ̀hɔ̀n-wá-bɔ̀ lɔ ɛmɛẅitrɔ yɛ́-yri: bɔ́ dù bɔ̀ hán anwrɔn hɔ̀n léyi ye bó nwù hɩ yɛ kɔ́n ze annɔ̀n gbàngbàn kɔ̀ mɛ̀n: bɔ́ dú eci-nyan-ci léyi kɛ brá ɛnhibù mumù lɔ fɛn, Ɔwɔ-kùyüre-bɔ̀ mán anwrɔnẅì mɛhi pɔpüɛ̀ nɔn.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Filipɛ̀n anmàn-bɔ̀ 1:28

Nyɛ́n bɩ́ teze ny'edomɛ̀n nyɛ́n tán ny'egbri-bɔ̀ kɛ wá nyɛ̀n ɛnjansù eci zriɛmɛ́n mán mɛ̀n: ndɔ lɔ de ke le yé le, yɔ hɔ́n ɛzrɛ́n mɛ̀n, kɩ nyɛ tɛn nyɛ́n dú ɛnkrukɔrɛ̀ levri wú; kɩ ndɔ lɔ dú Ɔwɔ yri và.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

1 Tesalonikɛ̀n anmàn-bɔ̀ 5:9

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

1 Piɛrɛ̀n 2:21

Eci ndɔ lɔ kruhú de nɛ̀n bi nyɛ̀n, ɔmuhi Krisì dùku mán kán ɛgbàn ny'ɛkruhú; nɛ̀n tán nyɛ̀n sɛnpò, ô nyɛ́n ci n'esùnàn wú.

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.