1 Tesalonikɛ̀n anmàn-bɔ̀ 3:2 - Ɛmɛẅi ankà ankrànkràn 2003

² kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

1 Tesalonikɛ̀n anmàn-bɔ̀ 3:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 16:1

Pɔlɛ̀n bru Derbɛ̀n anmàn, zɛtɛn hɔ́n Listrɛ̀n anmàn. Ankaẅì-bùtan-ẅɛn-wrɔn tɔ̀n ye bi Timote dú nanvrɛn; nɛ́n muan dú Zhüifɛ̀n-nyɔnwrɔn léyi srɔ Krisì sɛ̀nkɛn-hi, tɛ́n nɛ́n zi dú Grɛkɛ̀n-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:5

Ɔwɔ-fɛcüè-bɔ̀ ankaẅì-bùtan kɛ sán ẅɛn ecüì kɩ yɔ sán cüɛ́n ɛnbì lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 18:5

Ɛnvra léyi Silasɛ̀n mán Timote dú Maseduhanɛ̀n kpɔsɔ wú nvà nɔn, Pɔlɛ̀n dú ɛnvra lɔ fɛn Ɔwɔ-ankà-dɔ́ mɛ̀n; nɛ dɔ́ Zhüifɛ̀n-bɔ̀ zìwú le Zhezü dú Ebɩ̀die-wrɔn.

Rɔmɛ̀n-anmàn-bɔ̀ 16:21

Timote, m'anyran anvrɛn ɔkɔ̀hɔ̀n hán mɛ̀n, ke bi nyɛ̀n nyan, ɔmu zri lɔ de Lüsiüsɛ̀n, Zhasɔn mán Sozipatɛrɛ̀n, m'ɛmɛ̀n-bɔ̀ ke bi nyɛ̀n nyan nɔn.

1 Korɛntɛ̀n anmàn-bɔ̀ 3:10

M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

2 Korɛntɛ̀n anmàn-bɔ̀ 2:13

Tɛ́n mɛ̀n dú ɛnkrɛ̀ta-kù vriemɛ̀n ɔmuhi, mɛ̀n sɩ̀ cɔ̀ bɔ́ muan-ẅì Titɛ̀n nɔn. Hɩ le kruhú de mɛ̀n tán Troasɛ̀n anmàn-bɔ̀ ɛyri-hɔ́n-mùan-bɔ̀ kɩ mɛ̀n hɔ́n Masedùhanɛ̀n kpɔsɔ wú.

2 Korɛntɛ̀n anmàn-bɔ̀ 8:23

Hɩ le kɛ crɛ-nyan Titɛ̀n nɔn, nɛ̀n dú m'ɛyri-hɔ̀n-sɩ́-wrɔn, mán m'ɛkɔrɛ̀-wá-wrɔn ny'ɛtɛ̀sɛ̀n; kɩ anwrɔn-nɛ́n-muan-ẅì hɔ̀n ndɔ hɔ̀n léyi kɛ hɔ́n sɩ́ nɛ̀n ɛyri nɔn, yɔ dú Ɔwɔ fɛcüè hɔ̀n kɔ̀hɔ̀n-wá-bɔ̀ kɩ yɔ hán eci kè dú Krisì ci-zrɔ tɛn.

Filipɛ̀n anmàn-bɔ̀ 1:25

Ɔmuhi mɛ̀n ẅɛn esɛ́ ndɔ lɔ mɛ̀n nɔn, mɛ̀n nyri ɔmu le mɛ lɛ yɛ́, kɩ nyɛ lɛ fɛn mɛhi bɔ́ le dù, ô mɛ̀n wá nyɛ̀n ɛkɔrɛ̀ ezì-hɔ́n mɛ̀n, ô nyɛ́n dú pɔpüɛ̀ mɛ̀n ankaẅì-bùtan-ẅɛn mɛ̀n.

Kɔlɔsèn anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote yri kɛ và: Pɔlɛ̀n léyi Ɔwɔ kɔrɛ̀zì-ci-hán mɛ̀n dú Zhezü Krisì kɔ̀hɔ̀n-wá-wrɔn, mán Timote léyi dú bɔ́ muan-ẅì nɔn.

Kɔlɔsèn anmàn-bɔ̀ 1:7

Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

Kɔlɔsèn anmàn-bɔ̀ 4:9

Onezimɛ̀n dú n'ɛhɔ̀n-sɩ́-wrɔn, ɔwrɔn-nɛ́n-mùan-ẅì anvrɛnvrɛn léyi ke di ɔmùan-zri, hɩ dú ny'ɛmɛ̀n-wrɔn tɔ̀n nɔn. Yɔ lɛ dɔ́ nyɛ̀n eci lɔ fɛn léyi ke ci ɔnu lɔ nɔn yi ankà.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

2 Tesalonikɛ̀n anmàn-bɔ̀ 2:17

kɛ̀ hán edùyì kè yɩ́ ny'ɛnbɔrɛ hɔ̀n lɔ, ô kɛ̀ tán nyɛ̀n ecüì nyɛ́n hán anvrɛn ɛnvra lɔ fɛn, eci-hán mɛ̀n mán ankà-dɔ́ mɛ̀n.