1 Tesalonikɛ̀n anmàn-bɔ̀ 3:11 - Ɛmɛẅi ankà ankrànkràn 2003

¹¹ Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù!

1 Tesalonikɛ̀n anmàn-bɔ̀ 3:11 Iomraidhean Croise

Matie 6:14

Zɛtɛn, ke dú kɛ nye bɩ́ ɛgbàn nyɛ́n ce anwrɔn hɔ̀n léyi hán nyɛ̀n ɛgbàn nɔn, nyɛ́n Zi léyi dú anhobɩ́ nɔn mán ke le bɩ́ ɛgbàn kè ce nyɛ̀n.

Matie 6:18

ô, anwrɔn ke bɩ́ nyriɛn le e bɩ́ kìshe. E Zi zri léyi dú mɛ́n ɛtɛ̀sɛ̀n nɔn, kɩ ke le nyrì, nɛ́n léyi nɛ kán eci léyi ɛ hán ɛbán mɛ̀n nɔn, ne le bó mɛ́n anjakpà.”

Matie 6:26

Nyɛ́n nyan annrɛn hɔ̀n léyi ke tú ɔwràn mɛ̀n nɔn: yɔ sɩ́ tɛ́ ɛci, yɔ sɩ́ küɛ ɛci yɔ sɩ́ ɛbemɛ̀n, tɛ́n nyɛ́n Zi léyi dú anhobɩ́ nɔn kɛ tán yɔ ɛci-zî! Nyɛ́n sɩ̀ ẅɛ̀n vɔ̀nshɛ́ kɛ̀ vrán annrɛn hɔ̀n hán?

Matie 6:32

Anwrɔn hɔ̀n léyi kè sɩ̀ nyrì Ɔwɔ nɔn de ke ji ɛnvra lɔ fɛn ɛci ndɔ hɔ̀n lɔ nɔn. Tɛ́n nyɛ́n Zi léyi dú anhobɩ́ nɔn, nyri eci léyi nye ji nɔn.

Matie 6:4

ô eci léyi ɛ̀ tán nɔn, kè dú ɛbán mɛ̀n; kɩ Ɔwɔ, léyi dú e Zi kɛ kán eci léyi ɛ̀ hán ɛbán mɛ̀n nɔn, ke le bó mɛ́n anjakpà.”

Matie 6:6

Tɛ́n vɛ́n, ɛnvra léyi e ji ɛ̀ sɛ̀n nɔn, è bru anwɔn mɛ̀n, ɛ̀ vá esù, ô ɛ̀ sɛ́n e Zi léyi dú v'ɛbán-yri lɔ nɔn; kɩ e Zi léyi kɛ kán eci léyi ɛ hán ɛbán mɛ̀n nɔn, ke le bo mɛ́n anjakpà.

Markɛ̀n 1:3

Ɔwrɔnẅì tɔ̀n sùva de dú ɛnnùwì ke di nkù nɔn: Nyɛ́n mrɛ́n ɛẅɛnwrɔn levri lɔ, nyɛ́n hán n'ɛnlevri hɔ̀n lɔ kɛ̀ nyrɔn!”

Lükɛ̀n 12:30

Anwrɔn hɔ̀n léyi kè sɩ̀ nyrì Ɔwɔ nɔn, de ke ji ɛnvra lɔ fɛn eci léyi yɔ lɛ hán ô yɔ cɔ́ ɛci-zî nɔn. Tɛ́n nyɛ́n, nyɛ́n ẅɛn nyɛ́n zi léyi nyri ɛci léyi nye ji nɔn.

Lükɛ̀n 12:32

“Ɛnjansù ke bɩ́ ẅɛn nyɛ̀n kɔ̀kɔ̀sɛ̀-kà cɛ! Ɔmuhi nyɛ́n Zi cüɛ̀n nɔn, de tán nyɛ̀n Anhobɩ́ Nɛ̀ncüì-dúyri nɔn.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

2 Korɛntɛ̀n anmàn-bɔ̀ 6:18

Me le dú nyɛ́n Zi tɔ̀n kɩ nye le dú m'ɛẅì hɔ̀n wúcɔ̀ mán wúyɔ̀, ɔmu lɔ de Ɛẅɛnwrɔn, ɛkɔrɛ̀-srɔn-wrɔn kɛ dɔ̀ nɔn.”

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Kɔlɔsèn anmàn-bɔ̀ 1:2

Ebinyan zri lɔ dú Ɔwɔ-fɛcüè léyi dú Kɔlɔsɛ̀n anmàn, hɩ dú bɔ́ muan-ẅì hɔ̀n ɔmùan-zri-diemɛ̀n yɔ mán Krisì mɛhi y'ɔbɔ̀sɔ̀ lɔ mɛ̀n nɔn tɛn: Ɔwɔ léyi dú bó Zi nɔn, kɛ̀ tán nyɛ̀n nboafɔ̀n mán anwɔwɔ.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

2 Tesalonikɛ̀n anmàn-bɔ̀ 3:16

Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.

2 Tesalonikɛ̀n anmàn-bɔ̀ 3:5

Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.

1 Zhan 3:1

Nyɛ́n nyan ɔmu le Ɔwɔ Zi cüɛn bɔ̀ nɔn! N'ɛcüɛ̀n hán tán kɩ ye bí bɔ̀ Ɔwɔ ẅì hɔ̀n kɩ annanwɔrɛ mɛ̀n lɔ, bò dú n'ɛẅì hɔ̀n. Nyàn eci le kruhú léyi ɛnhibù kè sɩ̀ nyri bɔ̀ nɔn: ɛnhibù kè sɩ̀ nyrì Ɔwɔ.

Ɔwɔ-mɛ̀n-yrikàn 21:3

Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.