1 Tesalonikɛ̀n anmàn-bɔ̀ 3:10 - Ɛmɛẅi ankà ankrànkràn 2003

¹⁰ Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.

1 Tesalonikɛ̀n anmàn-bɔ̀ 3:10 Iomraidhean Croise

Lükɛ̀n 2:37

kɩ nɛ̀n srɔ ɛngrɔn-hi hàn kɩ cɔ́ nɛ̀n ɛnnanwàn kru ɛkoẅi-anzɔ̀ mán ɛẅì anzɔ̀. Nɛ́n sɩ́ trɔ Ɔwɔ-cice-wɔn lɔ mɛ̀n, tɛ́n nɛ̀n dú Ɔwɔ ci-bɩtan-hi, ɛnnyran mán ɛcɛ̀n: ne bɩ́ kishe kɩ nɛ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 26:7

Bɔ́ fɛcüè mɛ̀n kru ɛvà-anhyrɛ̀ lɔ ẅɛn esɛ́ le, ɔmùan-wá ndɔ lɔ yɔ lɛ kán nɛ́n nmùsà, ke dú kɛ yɔ dú Ɔwɔ-ci-bɩtan-bɔ̀ edùyiemɛ̀n ɛnnyran mán ɛcɛ̀n. Kɩ, esɛ́ ndɔ lɔ n'ɛkruhú Ɛnnɛ̀ncüì Agripa, de Zhüifɛ̀n-bɔ̀ ke ku mɛ̀n ankà ɛwú nɔn!

2 Korɛntɛ̀n anmàn-bɔ̀ 1:15

Mɛ̀n ẅɛn esɛ́ ɔmu lɔ hɩ wú, kɩ mɛ̀n wá le mɛ lɛ gɔ̀ hɔ́n ny'edúyri, ô nyɛ́n cɔ́ anvrɛn-hán anhyrɛ̀.

2 Korɛntɛ̀n anmàn-bɔ̀ 1:24

Bɔ́ sɩ́ ji bɔ̀ wá ankaẅì-bùtan ankà bɔ̀ tán nyɛ̀n, ɔmuhi nyɛ́n dú ɛshishiemɛ̀n ankaẅì-bùtan ẅɛn mɛ̀n; tɛ́n bɔ́ ji bɔ̀ srɛ́n nyɛ̀n ny'ɛnbɔrɛbru lɔ mɛ̀n.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

2 Korɛntɛ̀n anmàn-bɔ̀ 13:9

Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

Filipɛ̀n anmàn-bɔ̀ 1:25

Ɔmuhi mɛ̀n ẅɛn esɛ́ ndɔ lɔ mɛ̀n nɔn, mɛ̀n nyri ɔmu le mɛ lɛ yɛ́, kɩ nyɛ lɛ fɛn mɛhi bɔ́ le dù, ô mɛ̀n wá nyɛ̀n ɛkɔrɛ̀ ezì-hɔ́n mɛ̀n, ô nyɛ́n dú pɔpüɛ̀ mɛ̀n ankaẅì-bùtan-ẅɛn mɛ̀n.

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 3:11

Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù!

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

Anhyrɛmɛ̀n timote 1:3

Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn.

Filemɔn 1:22

Ɛnvra zri lɔ mɛ̀n, ɛ̀ wá m'ɛdɛ́yri tɔ̀n esùva, ɔmuhi, mɛ̀n ẅɛn esɛ́ le ny'ɔwɔ-sɛ̀n lɔ kɛ lɛ hán tán mɛ̀n và cɔ́ nyɛ̀n.

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.