1 Tesalonikɛ̀n anmàn-bɔ̀ 2:9 - Ɛmɛẅi ankà ankrànkràn 2003

⁹ Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ, bɔ́ ɛgbànkàn mán bɔ́ edùkà ke bru nyɛ̀n: bɔ̀ hán ɔkɔ̀hɔ̀n ɛnnyran mán ɛcɛ̀n ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n, ɔmu tɛ̀kɩ bɔ́ dɔ́ nyɛ̀n Ɔwɔ Mɛẅi ankà Ankrànkràn lɔ.

1 Tesalonikɛ̀n anmàn-bɔ̀ 2:9 Iomraidhean Croise

Lükɛ̀n 18:7

Kɩ Ɔwɔ tɛ́n, ke sɩ̀ ci ɛmrɛ̀n anvrɛnvrɛn kɛ tán n'anwrɔn hɔ̀n léyi ɛnnyran mán ɛcɛ̀n ke di bobo bi nɛ̀n nɛ́n? Kɛ lɛ mɔɛ̀n yakɛ nɛ lɛ wá yɔ ɛkɔrɛa?

Lükɛ̀n 2:37

kɩ nɛ̀n srɔ ɛngrɔn-hi hàn kɩ cɔ́ nɛ̀n ɛnnanwàn kru ɛkoẅi-anzɔ̀ mán ɛẅì anzɔ̀. Nɛ́n sɩ́ trɔ Ɔwɔ-cice-wɔn lɔ mɛ̀n, tɛ́n nɛ̀n dú Ɔwɔ ci-bɩtan-hi, ɛnnyran mán ɛcɛ̀n: ne bɩ́ kishe kɩ nɛ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 18:3

kɩ, ɔmuhi nɛ́n mán Yɔ mɛhi yɔ ẅɛn ɔkɔhɔ̀n zri lɔ nɔn (yɔ hán ɛcàsa-wɔn), nɛ̀n yɛ́ y'ebɩ́ lɔ mɛ̀n, ô nɛ̀n hán ɔkɔhɔ̀n nanvrɛn.

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:31

Nyɛ́n kpri ɛvɛ̀, ô kè bru nyɛ̀n le, ɛnnànwàn kru anhɔ̀n, ɛnnyran mán ɛcɛ̀n, de mɛ̀n dú nyɛ̀n ankà krosi mɛ̀n, m'anvɛ-shi cüe mɛ̀n.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 15:16

ô mɛ̀n dú Zhezü Krisì ci-bɩ̀tan-wrɔn kè dú fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn tɛn. Mɛ hán eci-bɩ̀tan kɔ̀hɔ̀n prɔnprɔn m'Ɔwɔ mɛẅi ankà ankrànkràn dɔ́ mɛ̀n, ô fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn, kɛ srɔ ecice-ci léyi kɛ cüɛn Ɔwɔ ɛvɛ̀, ô kè dú eci léyi vɛ́n nɛ̀n, Ɛnhɛ́n Prɔnprɔn mɛ̀n nɔn.

Rɔmɛ̀n-anmàn-bɔ̀ 15:19

anvɛmɛ̀n-frɛ́n-ci mán eci-woroan-ci kɔrɛ̀-srɔn mɛ̀n, mán Ɔwɔ Hɛ́n kɔrɛ̀-srɔn mɛ̀n. Ɔmu lɔ de mɛ̀n dɔ́ anvrɛnvrɛn mɛ̀n Krisì mɛẅi ankà ankrànkràn lɔ, me ci ɛyri lɔ fɛn bukru Zherüzalɛmɛ̀n anmàn, hàn kɩ cɔ́ Iliri kpɔsɔ wú.

1 Korɛntɛ̀n anmàn-bɔ̀ 4:12

bɔ́ hán ɔkɔ̀hɔ̀n ɛshishiemɛ̀n, ô bɔ̀ cɔ́ ɛci-zî. Ɛnvra léyi yɛ wora bɔ̀ nɔn, bɔ́ sɛ́n tán yɔ; ɛnvra léyi yɛ hán bɔ̀ ɛgbàn nɔn, bɔ́ shrì bɔ́ bɩ;

1 Korɛntɛ̀n anmàn-bɔ̀ 9:15

Tɛ́n ɛkɔrɛ̀-levri ndɔ lɔ fɛn, mɛ̀n sɩ̀ hàn y'eci-hán-ci, kɩ mɛ̀n sɩ̀ merɛ́n owrú, ô mɛ̀n sàn n'eci-hán. Mɛ cüɛn ɔmu le mɛ̀n wù! Ɔwrɔn zriɛmɛ́n ke sɩ̀ ẅɛn m'ɔmùan-gbú-ankà ndɔ lɔ kɛ̀ sɔhɔ́ rɔ́!

1 Korɛntɛ̀n anmàn-bɔ̀ 9:18

Zɛtɛn, m'ɔwɔ̀ɛn-dì dú tɛtán? M'ɔwɔ̀ɛn-dì dú ɛnbɔrɛbru léyi mɛ cɔ́ Ɛmɛẅi ankà Ankrankran léyi mɛ dɔ́ ankora, kɩ mɛ́n sɩ́ hán ɛkɔrɛ̀-levri ẅɛn ci léyi Ɛmɛẅi ankà-dɔ̀ ankrankran ndɔ lɔ kɛ tán mɛ̀n nɔn.

1 Korɛntɛ̀n anmàn-bɔ̀ 9:4

kɛɛ, mɛ̀n sɩ̀ ẅɛ̀n ɛci-zî mán ɛnshi-mì kɔrɛ̀-levri m'ɔkɔ̀hɔ̀n-hán lɔ mɛ̀n hàn?

2 Korɛntɛ̀n anmàn-bɔ̀ 11:27

Mɛ̀n srɔ́n ejüedì-kɔ̀hɔ̀n mán ɔwɔ̀ɛn-nyan shishi ɛsù; ɛnvra ndɔ hɔ̀n mɛ́n sɩ́ cɔ́ ɛndà-dá-yri; ɛci-zî mùan-wù mán ɛnshi-mùan-wù ẅɛn mɛ̀n; me bɩ́ kishe frɛfrɛ kèkrèmɛ̀n; mɛ̀n kán ɛgbàn ɔwɔ̀rɔ̀ mɛ̀n kɩ edòmɛ̀n-ẅɛn-ci bàda mɛ̀n.

2 Korɛntɛ̀n anmàn-bɔ̀ 11:9

Kɩ ɛnvra léyi mɛ̀n dú ny'edúyri nɔn, mɛ̀n sɩ̀ dù ɔwrɔn zriɛmɛ́n kɔrɛ̀-wá mɛ̀n ɛnvra léyi eci kɛ ẅɛn mɛ̀n ɛmìan nɔn, ɔmuhi anwrɔn-nɛ́n-muan-ẅì hɔ̀n léyi dú Maseduhanɛ̀n kpɔsɔ wú và nɔn, vá sɩ́ mɛ̀n ɛci hɔ̀n lɔ fɛn léyi me ji nɔn. Mɛ̀n ẅɛn m'edomɛ̀n mɛ̀n hɛ́n, ô mɛ́n bɩ́ srɔ ɛnlowrú mɛ́n tán nyɛ̀n eci totɔtɔ̀n mɛ̀n, kɩ me le dú esùva ndɔ lɔ n'ɛwá mɛ̀n.

2 Korɛntɛ̀n anmàn-bɔ̀ 6:5

Yɛ kɔ́n bɔ̀ ejì kɩ yɛ wá bɔ̀ anwɔn-mɛ̀n-wá-wɔn mɛ̀n, ye sɩ́ fɛcüè ɛwú kɛ kɛ́n bɔ̀ ezì; bɔ̀ hán ɔkɔ̀hɔ̀n shishi, bɔ̀ sɩ̀ cɔ̀ ndà mán ɛci-zî.

Filipɛ̀n anmàn-bɔ̀ 4:16

Ɛnvra léyi mɛ́n gɔ̀ dú Tɛsalonikɛ̀n anmàn nɔn, nyɛ́n yüre mɛ̀n vrán ɛdɛ̀n zri, ɛkɔrɛ̀-wá léyi me ji nɔn.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

1 Tesalonikɛ̀n anmàn-bɔ̀ 2:6

Bɔ́ sɩ̀ jì ɔwrɔnẅì zriɛmɛ́n mrɛ́n léyi ke le dú ny'eyri mán ɔwrɔn nyàntɛn yri kɛ̀ và;

1 Tesalonikɛ̀n anmàn-bɔ̀ 3:10

Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Kpàkpà timote 4:10

Annànwɔrɛ mɛ̀n lɔ, ke dú kɛ bɔ́ kán ɛgbàn kɩ bɔ́ dú ɛcüìwrɔn mɛ̀n hô, bɔ̀ nyri ɔmu le, bɔ̀ bɩ́ bɔ́ esɛ́ lɔ bɔ̀ wá Ɔwɔ kɔrɛkɔrɛ lɔ mɛ̀n, nɛ́n léyi nɛ̀n dú anwrɔnẅì lɔ fɛn bɩdie-wrɔn, anannan le yɔ hɔ̀n léyi ẅɛn ankaẅìbùtan nɔn.

Kpàkpà timote 5:5

Ɛngrɔn-hi léyi annanwɔrɛ mɛ̀n lɔ, dú nɛ́n zri, kè sɩ̀ ẅɛ̀n ɔwrɔn zriɛmɛ́n hɩ ká wá nɛ̀n esùva nɔn, bɩ́ n'esɛ́ wá Ɔwɔ mɛ̀n; ɛnnyran mán ɛcɛ̀n nɛ sɛ́n Ɔwɔ, ô kɛ̀ wá nɛ̀n ɛkɔrɛ̀.

Anhyrɛmɛ̀n timote 1:3

Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn.